Joshua 2 - KITABU KITAKATIFU1 Na Joshua mwana wa Nuni ya tuma avandu vaviri kutwula Shitim va tsia makiriri kuluta, na a vola, Mu tsie, kuliguulz kivala, na Yeriko. Navo va tsia, ni va duka ha inyumba yowamalaya wa langwa Rahabu, na va menya ho. 2 Nomwami wa Yeriko y a volerwa, kuvola, Henza, avasatsa vavana va Israeli vingiye hano budiku bwa lero kuluta kivala. 3 Nomwami w a Yeriko ya tuma avandu kutsia ku Rahabu, nokumbolera, U twulidze avandu yavo ava duki ku ive, avingiye mu inyumba yoyo; kigira va duki kuluta kivala kyosi. 4 Ma mukali uyu ya vugula avandu yavo vombi, na a va visa; ma na a vola, Yee, avandu yavo va duki ku inze, navutswa si nda manya ha va twula: 5 lwa i duki kuli inyinga yokuhana kiribwa kyelidala, inyinga yekisundi, avandu yavo va manyi ni va tsia kyova; na inze si manyi ha va tsiye mba: mu va londerere bwangu; mu la va nyola. 6 Navutswa uyu ya li na a va vuguye na a tsiye navo ku inyumba igulu, na a va visi mu luvuva lwakatani, lwa ya li na a lohidza ku inyumba igulu. 7 Na avandu yavo va va londerera ku inzira yokutsia ku mugera gwa Yordani kuduka ha nyambuku: na lwa ava londereri yava va twula, nonoho va hana kiribwa. 8 Na lwa va kikiri kugona, va tsia kuvo ku inyumba igulu; 9 na ya volera avasatsa yavo, Inze mmanya Yahova u mali kuha mwinye kivala yiki, kandi mmanya ubutii bwokutia mwinye bu gwiye ku kwinye, kandi vosi avamenyi mu kivala yiki va la yenguka imbiri wenyu. 10 Kigira kwa hulira kuli Yahova yominya amadzi ge Inyanza Inzakanyu imbiri wenyu, lwa mwa twula mkivala kya Egepeti; kandi aga mwa kola ku avami vaviri ava Vaamori, ava li engereka ya Yordani, Sihon na Ogu, ava mwa dividza ligali. 11 Na lwa ikwa nyola amakuva yaga, nonoho rnyoyo gyetu gya yenguka, na roho kali mulala si gwa tigala mu mundu kali mulala, kigira mwinye: kigira Yahova Nyasaye wenyu, uyu niye Nyasaye mu ligulu igulu, nomu lirova hasi. 12 Kunangwa kalunu, mwadza mmugoonya, mu nzisuhire hano imbiri wa Yahova, kigira inze mmali kukolera mwinye bulahi, na mwinve mu la kolera inyumba ya dada wange bulahi, nokumpa kimanyiru kyeligali; 13 kandi mu la honnya dada wange a ve mwoyo, na mama wange, na vabotso vange, na vamwavo vange, na vosi ava va veye navo, na mu la honnya livamwoyo lyetu ku likudza. 14 Na avandu yava va mu volera Livamwoyo lyetu mbogono bwelivamwoyo lyenyu, ni mu va ni mu vula kuvola miyinzi gyetu yigyi, ga la va lwa Yahova a ku ha kivala yiki, kwinye ku la ku kolera ubulahi nobusuvirifu. 15 Kunangwa ya vikidzira nomugoye mwidirisha: kigira inyumba yeye ya li ku lugaga lwelidala, naye ya menya ku lugaga. 16 Na ya va volera, Mu tsie mu kigulu, gase avalondereri va la mu nyola; mwivise yo madiku gavaka, kuduka virane yavo ava mu londerera: lwenyima mu la tsia. 17 Na avandu yavo va mu volera, Kwinye ku la va bugira kindu kyokuvanzwa ku lyesuha lilyo lya ive u kwisuhidzi. 18 Henza, lwa kwingira mu kivala yiki, ive u la boha mugoye mwakanyu mu lidirisha lya u kwikidziye mu: na u la vungidza ku ive mu inyumba, dada wowo, na mama wowo, na vamwavo vovo na avandu vosi avenyumba ya dada wowo. 19 Ga la va, ku vosi u li twula mu muliango gwenyumba yoyo kutsia ku inzira, amasahi gege ga la va ku mutwe gwigwe mwene, na kwinye ku la va bugira livanzwa: na ku vosi u li va halala nive mu inyumba, amasahi gege ga la va ku mitwe gyetu, ni i va mukono gwomulala gu mu nyola. 20 Navutswa nu u vola miyinzi gyetu yigyi, hene yaho ku la twula ku lyesuha lilyo lya u kwisuhidzi. 21 Nomukali zana ya vola, Ga veye ndiyo, kuli amakuva genyu, na ya va twulidza, ni va tsia: naye ya boha mugoye mwakanyu mu lidirisha. 22 Navo va twula, ni va duka ku kigulu, ni va menya yo madiku gavaka, kuduka lwa yavo ava va londerera virana: na yavo ava va londerera va venya ku inzira yosi, va vula ku va lola. 23 Kunangwa avandu yavo vombi virana, ni va sulunguta kutwula mu kigulu, vambuka, ni va tsia ku Joshua mwana wa Nuni; na va mu volera makuva gevindu vyosi vya va nyola. 24 Na va volera Joshua, Ligali Yahova u viki mmakono getu kivala yiki kyosi; kandi kuvita yaga avamenyi mu kivala yikyo vosi va yenguki kigira kwinye. |
©Bible Society of Kenya, 1967
Bible Society of Kenya