Joshua 11 - KITABU KITAKATIFU

¹ Na ga duka, lwa Jabin mwami wa Hazoru ya hulira makuva yaga, ya hila makuva ku Jobabu mwami wa Madon, noku mwami wa Shimiron, noku mwami wa Akishafu,

² noku avami va veye ku tsimbega tsya kasikasini, mu kivala kyevigulu, nomu kivala kyekereremu kusini we Kinerothu, nomu kivanda, nomu vivala vidiguluku vya Dori ku luvega lwemadioli,

³ ku Vakanani ku luvega lwevugwe noku luvega lwemadioli, ku Vaamori, na Vahiti, na Vaperizi, na Vajebusi mu kivala kyevigulu, noku Vahivi isi wa Herimon mu kivala kya Mizipa.

⁴ Navo va tsia, avene na amahe gavo gosi halala navo, avandu vanyingi, kuli muyeke gwoku luginga lwenyanza, ku bunyingi bwavo, halala na tsiparasi na magari amanyingi ligali.

⁵ Avami yavo vosi va vugana halala: na va duka kusingeridza amahema gavo ha amadzi ga Merom, kulwana na Israeli.

⁶ Na Yahova ya volera Joshua, U ta tia kigira yavo; kigira mugamba inyinga kuli yiyi, nda va twulidza vosi ni va gwiye avakudzu imbiri wa Israeli: u la kalaga amaki getsiparasi tsyavo, na magari gavo u la ga samba nomuliru.

⁷ Kunangwa Joshua ya tsia, na avandu vosi avelihe halala naye, kulwana navo ha amadzi ga Merom nonoho, na va twulira.

⁸ Na Yahova ya va vika mmukono gwa Israeli, na va va kuya, ni va va kunga kuduka Sidone linene, kuduka Misirefothumaim, nokuduka mwivona lya Mizipa ku luvega lwevugwi; na va va kuya, kuduka va vula kuleka mundu kali mulala kutigala.

⁹ Na Joshua ya va kolera kuli Yahova ya mu laga, ya kalaga amaki getsiparasi tsyavo, na magari gavo va samba nomuliru.

¹⁰ Na inyinga yeyo Joshua yirana, na a vugula Hazoru, na a kuya mwami walyo nekivavi: kigira ku matsyambiri Hazoru lya li mutwe gwobwami yibwo bwosi.

¹¹ Navo viita avandu vosi ava li mulyo nobwogi bwekivavi, ni va va dividza ligali: si ya tigala kali mulala u herananga: na ya samba Hazoru nornuliru.

¹² Na madala gosi ga avami yavo, halala na avami vago vosi, Joshua ya va vugula, na ya va kuya nobwogi bwekivavi, nokuvadividza ligali; kuli Musa mutumekiri wa Yahova ya mu laga.

¹³ Navutswa ku makuva gamadala ga singira ku tugulu twavo, Israeli si va ga samba mba, ni li ta li lidala lya Hazoru lyeng'ine; yilyo Joshua ya li samba.

¹⁴ Kandi vilanye vyosi vyamadala yago, nemitugu, avana va Israeli va vi vugula kuva lilanya lyavo avene; navutswa va kuya avandu vosi sa mulala nobwogi bwekivayi, kuduka lwa va dividza vosi, si va leka mulala wa herananga.

¹⁵ Kuli Yahova ya laga Musa mutumekiri wewe, na ndiyo Musa ya laga Joshua: na Joshua ya kola ndiyo; si ya vula kukola likuva sa lilala ku yago gosi ya Yahova ya laga Musa.

¹⁶ Na ndiyo Joshua ya vugula kivala yikyo kyosi, kivala kyevigulu, nekivala kyosi kya Kusini, nekivala kyosi kya Goshen, nekivanda kyakyo, nekivala Kereremu, nekivala kyevigulu kya Isrneli, na kivnla kyekivanda;

¹⁷ kutwula ku kigulu kya Halaku, ki tsitsanga ku luvega lwa Seiru, kuduka Baalgadi mwivona lya Lebanon isi wekigulu kya Herimon: na ya vugula avami vavo vosi, na a va kuya, na viita.

¹⁸ Joshua ya lwana na avami yavo vosi madiku manyingi.

¹⁹ Si lya li ho lidala kali lilala lya kola mirembe na avana va Israeli, ni va ta li Vahivi ava menva Gibeon; va va vugula vosi mbulwani.

²⁰ Kigira ga li ga Yahova va kola myoyo gyavo kuva rnidinyu, kuduka va twule kulwana na Israeli, a duke kuvadividza ligali, va vule kuverererwa, navutswa a duke ku va dividza, kuli Yahova ya laga Musa.

²¹ Inyinga yeyo Joshua ya tsia, na a heridza Vaanaki kutwula mu kivala kyevigulu, kutwula Hebiron, nokutwula Debiri, nokut vula Anabu nokutwula mu kivala k y osi kyevigulu kya Yuda, nokutwula mkivala kyosi kyevigulu kya Israeli: Joshua ya va dividza ligali halala na madala gavo.

²² Vaanaki yavo si va tigala kali mulala mu kivala kyavana va Israeli: ni i ta li mu Gaza, nomu Gathu, nomu Ashidodi, va tigala.

²³ Na ndiyo Joshua ya vugula kivala kyosi, kuli gosi aga Yahova ya volera Musa; Joshua ya haana ku Israeli kuva miyandu kuli lyavukana lyetsihiri tsyavo. Ma ubulwani bwa kalika mkivala.