Jeremia 9 - KITABU KITAKATIFU

¹ Nkano mutwe gwange gu veye amadzi a manyingi, netsimoni tsyange kuva kyokusenuka amaliga, nduke kulira mbasu nobudiku kigira yavo aviitwa avomukana wavandu vange

² Nkano mbeye na hokugona mu kyangalangwi ku avandu ve tsing'endo, nduke kuleka avandu vange, ntwule kuvo kigira va veye avaheyi vosi, li veye livugana lya vasatsa vagadi.

³ Va hingiranga tsinimi tsyavo, kuli ubuta, va duke kuvola bubehi; va gwiye avetsingulu mu kivala, navutswa si ga li ku geligali mba: kigira va tsitsagil'langa kutwula ku budamano kuduka ku budamano, si va manya inze, Yahova a vola.

⁴ Mu gelihe sa mulala nowakye, kandi mu ta suuvira ku amwavo; kigira amwavo sa mulala a likigitalidza ligali, nomutende sa mulala a la tsia yiyi na yiyi nokulandidza tsimbemba.

⁵ Va la gadana sa mulala nowakye, si va la vola geligali mba: va mali kwegidza tsinimi tsyavo kuvola makuva gobubehi; veluhidze avene kuduka kukola ubudamano.

⁶ Ubumenyo bubwo bu veye hagati hobugadi; mu bugadi bwavo va sula kumanya inze, Yahova a vola.

⁷ Kigira yaga Yahova wa mahe a vola ndi, Henza, nda va salula, nokuvageridza; kigira ni mbula kukola yaga nkola ki, kigira mukana wavandu vange?

⁸ Lulimi lwavo lu veye mbano gwokwiita; lu volanga ubugadi: mundu mulala a volera wakye nemirembe mmunwa gwigwe, navutswa mu mwoyo gwigwe a mu gonekanga.

⁹ Mbule kuvavanza kisalya ku inkuva yiyi? Yahova a vola; mwoyo gwange gu vule kuvanza kisalya ku ihiri kuli yiyi?

¹⁰ Nda lirira vigulu nokuvisyomera, noku milimi nda tanga lisyoma kigira gyi hiye; kuduka si ha veye nomundu u vita hagati hakyo; kandi si ha veye nomundu, u nyala kuhulira myoyo gyetsing'ombe: na manyonyi gombwerefu netsinyama tsyombulimu halala vi twuli, vi tsiye.

¹¹ Nda kola Yerusale ni kuva vitumi, ubumenyo vyevibwe; kandi nda kola madala ga Yuda vyanyi, avandu va vule kumenya mugo.

¹² Ni bwaha wobugeeri, a duke kumanya yaga? Kandi ni bwaha womunwa gwa Yahova gwa mvoleye makuva, a duke kugalandidza? Kigira ki kivala yiki kyoneka nokuhya nomuliru kuli kyangalangwi, ki luhi ki duki kuvula kuva nomundu u vita hagati hakyo?

¹³ Na Yahova a vola, Ga veye kigira va leki lilaga lyange lya nda vika imbiri wavo na si va huliye mwoyo gwange, kinga kugenda mulyo,

¹⁴ navutswa va tsia imbiri ku lilonda ubukyamu bwe myoyo gyavo avene, nokulonda Va baal, kuli wa vaguga vavo va vegidza;

¹⁵ kunangwa kigira yaga Yahova wa mahe, Nyasaye wa Israeli, a vola ndi, Elenza, nda lehidza avandu yava, yee, avandu yava nda va lehidza kilulu, na nda va ha amadzi gobusungu kunwa.

¹⁶ Nda va salannya hagati hetsihiri, tsya yavo kinga vaguga vavo va wla kumanya; nda hila kivavi ki va londe inyima wavo kuduka lwa mba dividza ligali.

¹⁷ Yahova wa mahe a vola ndi, Mu ganagane, mu lange avakali vasyomi, va duke kudza: kandi mu tumire avakali avasidza, vadze:

¹⁸ navo va kole bwangu, nokutanga lisyomera kwinye, tsimoni tsyetu tsi duke kwidoola amaliga, vigohe vyetu vi senuke amadzi.

¹⁹ Kigira mwoyo gwelisyoma gu hulirwa kutwula Zioni, kuvola, Ai, kwa lanywa kuli ndi ku genya ligali, kigira ku leki kivala, kigira va sambuye tsinyumba tsyetu.

²⁰ Navutswa mu hulire likuva lya Yahova, Mwinye avakali, amatu genyu ga bugirire likuva lyomunwa gwigwe, mwegidze avakana venyu lisyoma, mukali sa mulala yegidze wakye lisyoma.

²¹ Kigira likudza li nini kwingira mu madirisha getu lingiye mu tsinyumba tsyetu tsyo bwami; kuduka kukalaga nokutwu lidza avana kyova, navasoleli vayai ku tsinzira.

²² Vola, Yahova a vola ndi, Mibiri mikudzu gyavandu gyi la vunguluka kuli amandu mu malimiru, kandi kuli kikamata kya ng'alika inyima womugesi; si ha la va nomundu wokukivungidza halala.

²³ Yahova a vola ndi, Wobugeeri a tiyidzominya ku ubugeeri bwibwe mba, kandi wobunyali a tiyidzominya ku tsingulu tsitsye mba, kandi mutugi a tiyidzominya ku butugi bwibwe mba:

²⁴ navutswa uyu wiyidzominya yiyidzominye mu yaga, ga nzidzulitsanga, nokumanya inze, mbeye Yahova u tumekiranga tsimbabasi, nelikalaga, nobulungi mu lirova: kigira inze nyanzidzangwa mu vindu yivi, Yahova a vola.

²⁵ Henza, madiku gadzanga, Yahova a vola, mu madiku yago nda va ha mageli vosi avakevwa mu livula kukevwa lyavo:

²⁶ Egepeti, na Yuda, na Edom, navana va Amon, na Moabu, na vosi ava vegwa amatsava mu lisu lyavo, avamenyanga mu kyangalangwi: kigira tsihiri yitsyo tsyosi si tsi kevwa mba, na vosi ava veye mu inyumba ya Israeli si va kevwa myoyo gyavo mba.