Jeremia 50 - KITABU KITAKATIFU

¹ Likuva lya Yahova ya vola ku Babuloni, noku kivala kya Vakalidei, nomunwa gwa Jeremia muprofeti.

² Mu landidze makuva mu tsihiri mwilwadze, nokusingeridza ibendera, mwilwadze, mu ta visa mba: mu vole, Babuloni li vuguywi, Bel u leganyeywi, Merodaka u timuki enkolo; vifwananyi vyalyo vi leganyeywi, vifwananyi vyokusigamirwa vyalyo vi tsyomwa hasi.

³ Kigira ihiri i twulanga kasikasini yidzanga kulyo, i li kola kivala kyalyo kuva vutswa, na si ha veye nomundu u menya mukyo: viruki, va tsiye, mundu nenyama

⁴ Mu madiku yago, inyinga yeyo, avana va Israeli va ladza, Yahova a vola, yavo navana va Yuda halala; va la tsia ku inzira yavo nelilira, nokwenya Yahova Nyasaye wavo

⁵ Va la teveridza ku makuva ga Zioni nommoni mwavo mu la yeka yo, ni va uola, Hambi, ku tsie kwehambannya ku Yahova mu lilagana lye mihiga nemihiga li li vula kwivirirwa.

⁶ Avandu vange va li amagondi ga gota: avayi vago va ga gotidzi; ga tsie kugendagenda; va ga girunkannyi ga tsie mu vigulu: ga tsiye kutwula mkigulu kuduka mu kagulu; giviriye hango hago hokusosa.

⁷ Vosi ava ga nyola va ga liye; navasigu vavo va vola, Kwinye si ku veye nelihyolo, kigira va kolera Yahova ubwoni, naye a veye ubumenyo bwobulungi, niye Yahova wa li kisuuviri kyavaguga vavo.

⁸ Mwiruke hagati ha Babuloni, mu twule mu kivala kya Vakalidei, mu ve kuli tsikole imbiri wevyayo.

⁹ Kigira, henza, nda vukidza nokuleta ku Babuloni livugana lyetsihiri tsinene tsi twula mu kivala kya kasikasininatsyo tsi lelomba ku bukvani kuye, kutwula yo a la hibva: mibano gyigye gyi la va kuli gyomundu muluviriri musidza; si ha veye na u gu lirana mwere.

¹⁰ Kalidei ki la va kilanye: vosi ava li ki lanya va liguta, Yahova a vola.

¹¹ Kigira mwinye mu sangala kigira mu yanzanga, mwinye ava lanyanga miyandu gyange, kigira mu komeye kuli iroli i hulanga ubuswage, mu kumulanga kuli iparasi yetsingulu;

¹² mama wenyu a la va isoni ligali; uyu wa mwivula a la timuka enkolo: Henza, a la va ihiri yenyima mu tsihiri tsyosi, a la va ligendanyama, kivala kyumu, na kyangalangwi.

¹³ Si ki la menywa navandu kigira ubutima bwa Yahova, navutswa ki la va kyere ligali: sa mulala u vita himbi wa Babuloni a la genya, naye a la kunukira likuywa lyalyo lyosi.

¹⁴ Mwelombe ku bu lwani ku Babuloni mu li kumbiridze tsimbega tsyosi, mwinye vosi ava nyira ubuta; mu li lase mibano, mu ta gyigalira: kigira ya kola ubwoni ku Yahova.

¹⁵ Mu hanzuke kulyo tsimbega tsyosi; yegehidzi; vitaradzi vyalyo vi gwiye, madigi galyo ga tsomwa hasi; kigira ni livanza kisalya lya Yahova: mu vanze kisalya kuye; kuli ya kola, u mu kolere ndiyo.

¹⁶ U twulidze mumidzi ku Babuloni, na uyu u tumekiranga inkonono inyinga yeligesa: kigira litia lyekivavi ki dambidzanga va la girunkana sa mulala ku avandu veve, na va liruka sa mulala a tsie mkivala kikye.

¹⁷ Israeli a veye ligondi lya sala nywa; ving'ang'a vi mu kungi; kutanga, mwami wa Asuria ya mu liana kalunu Nebukadirezaru mwami wa Babuloni ya vunannya vigumba vi vye.

¹⁸ Kigira yaga, Yahova wa mahe, Nyasaye wa Israeli, a vola: He nza, nda haana mageli iiu mwami wa Babuloni, nekivala kikye, kuli nda haana magel ku mwami wa Asuria.

¹⁹ Na nda leta kandi Israeli mu kya yiru kikye, naye a laya ku Karimeli na Bashan, nomwoyo gwigwe gu li guta mu vigulu vya Efiraim nomu Gileadi.

²⁰ Mu madiku yago, na inyin ra yeyo, Yahova a vola, ubudamano bwa Israeli hu lenywa, na si bu la va ho mba; ubwoni bwa Yuda bu le nylra, nabwo si bu la loleka mba: kigira nda sameha yavo ava ndi leka va tigalia.

²¹ Wanegire kutwulira kivala kya Merathaim, yee, kukyo, noku yavo ava menyanga Pekodi: kwiita noku dividza ligali inyima wavo, Yahova a vola, u kolere yavo gosi aga nku lagi.

²² Ha veye nomuliviti gwobu lwani mu kivala, umuliviti gwobwoneku ubunene.

²³ Inyundu yelirova lyosi lyatannywa ndi, noku donyanywa Babuloni li duki ndi kuva hatswa hagati hetsihiri

²⁴ Mmali kukutega na ive u hambeywi, O Babuloni, si wa manya mba: ive u loleki, na u gumiywi, kigira u hing'ani ku Yahova.

²⁵ Yahova u kunu ye livikiru lilye lyevyuma, na u leti kyova vyuma vyobutima bwibwe: kigira Yahova, Yahova wa mahe, a veye na miyinzi gya yenyanga kukola mu kivala kya Vakalidei.

²⁶ Mu tsie kuye kutwula ku lwako lwekiheri; mwigule vyagi vivye: mu vungidze vitumi, u mu twulidze ligali: mu ta mu lekera kindu kali kilala.

²⁷ Tsing'ombe tsitsye tsyosi mu tsiite; tsi sulungute mu kenyenyero: O bayaye kuvo kigira lidiku lyavo li duki li veye lidiku lyelihenzwa lyavo.

²⁸ Mwoyo gwa yavo avirukanga nokuhona kutwula mu kivala kya Babuloni, kulandidza mu Zioni kisa lya kya Yahova Nyasaye wetu, kisalya kyelitempeli lilye.

²⁹ Mu vugannye halala ava tumekiranga ubuta nemibano ku Babuloni, yavo vosi ava nyira ubuta; mu singeridza mahema kumukumbiridza tsimbega tsyosi; mu ta leka mulala kulyo a hone: mu mu tunge kuli miyinzi gigye; kuli gosi aga ya kola, mu mu kolere ndiyo: kigira yegingira ku Yahova, ku Mutakatifu wa Israeli.

³⁰ Kigira yaga avasoleri veve va la gwa mu mahasi gege, navandu veve vasatsa vobulwani vosi va la kiring'a nywa ku lidiku yilyo, Yahova a vola.

³¹ Henza, mbeye ku ive, O woluvai, Yahova a vola, Yahova wa mahe kigira lidiku lilyo li duki, ku inyinga ya nda henza ive.

³² Na woluyai a likigitala nokugwa, kandi si ha veye nonyala kumuvukidza: nda fwana muliru mu madala gege, na gu la samba vosi ava mu kumbiridza tsimbega tsyosi.

³³ Yahova wa mahe a vola ndi: Avana va Israeli navana va Yuda va dambidzeywi halala; na vosi ava va hila avahambe va va gumira ligali; va sula kuvaha munwa va tsie.

³⁴ Mutungi wavo nowetsingulu; Ya hova wa mahe ni lieta lilye: uyu a la vera makuva gavo ligali, a duke kusosidza lirova, nokunyangidza yavo ava menyanga mu Babuloni.

³⁵ Kivavi ki veye ku Vakalidei, Yahova a vola, noku va menyanga Babuloni, noku vanene veve, noku avageeri veve.

³⁶ Kivavi ki veye ku vokwidzominya, navo va la siruhala: kivavi ki veye ku valuviriri, navo va la timuka enkolo.

³⁷ Kivavi ki veye ku tsiparasi tsyavo, noku magari gavo gobulwani, noku avandu vosi ava hambana halala va veye hagati hehe; navo va la gwa kuli avakali: kivavi ki veye ku livikiru lilye lya akiba, navyo vi libwa.

³⁸ Kimeyu ki duki ku amadzi gege, nago ga la kama; kigira ki veye kivala kyevifwananyi vya vadzwa, navo va laluki kigira lisigamira vifwananyi.

³⁹ Kigira yaga tsinyama tsindulu tsyombulimu halala nevisalang'ongo vi la menya yo, na maudo ga la menya mukyo: kivala yikyo si ki la menywa mihiga nemihiga; kandi si ha veye nomundu u nyala kumenya yo kutwula ku makula na makula.

⁴⁰ Ku li ga li lwa Nyasaye ya tung'a minya Sodoma na Gomora na madala aga li ahimbi nago, Yahova a vola; ni ndiyo si ha veye nomundu u rnenya yo, kinga mwana womundu u menya y o mugeni.

⁴¹ Henza, avandu vadzanga ava twulanga ku luvega lwa kasikasini; va veve ihiri inene navavami avanyingi va la vukidzwa kutwula ku kiheri kyelirova.

⁴² Va gumira ubuta na matimu; va veye avalulu ligali, si va veye netsimbabasi mba; myoyo gyavo gyi luumanga kuli inyanza; navo va ninanga ku tsiparasi; sa mulala u lombeywi, kuli umundu u tsitsanga mbulwani, ku ive, O mukana wa Babuloni.

⁴³ Mwami wa Babuloni a huliye makuva gavo na makono gege ga dendeya: kivi ki mu gumiye, nelitsunwa kuli mukali mu lilumwa lilye.

⁴⁴ Henza, a lanegira kuli king'ang'a kutwula ku luya lwa. Yordani ku bumenyo bwetsingulu: navutswa nda va kola viruke nonoho; na uyu u tovolwa nda mu vika kulyo: kigira ni bwaha u fwanana ninze? Kandi ni bwaha u ntovolera inyinga? Ni mwayi ki u nyala kusingira imbiri wange?

⁴⁵ Kunangwa mu hulire livola lya Yahova, lya ya kola ku Babuloni, nelisaavira lilye lya ya saavira ku kivala kya Vakalidei: Lioali va la va kwesa va tsie navo, kali avakekeke vekyayo; ligali a la kola ubumenyo bwavo kuva vyanyi kuvo.

⁴⁶ Kigira muliviti gweligumirwa lya Babuloni lirova li degera, nelilira lyalyo li hulirwa mu tsihiri yitsyo.