Jeremia 45 - KITABU KITAKATIFU

¹ Likuva lya Jeremia muprofeti ya volera Baruku mwana wa Neria, lwa ya ng'oda makuva yaga mu kitabu ku munwa gwa Jeremia, ku muhiga gwa kola gyine gwelyameha lya Jehoiakim mwana wa Josia, mwami wa Yuda, na a vola,

² Yahova Nyasaye wa Israeli, a volera ive Baruku:

³ Ive wa vola, O bayaye ku inze kalunu kigira Yahova u mali kumeda livererera ku litsunwa lyange; nduhi kigira likenya lyange, na si ndolanga ubusosi mba.

⁴ U mu volere likuva yili, Yahova a ku volera: Henza, vya nzombaki nda vi sambula, na vya nsimiki ndiha; uindu yivi vi la va mu kivala yikyo kyosi.

⁵ Na ive weyenyeranga mwene vindu vinene? U ta vyenya mba; kigira, henza, nda leta buda mano ku mibiri gyosi, Yahova a vola; navutswa nda ku ha livamwoyo lilyo li ve vilanye ku ive hosi ha u tsitsanga.