Jeremia 44 - KITABU KITAKATIFU

¹ Likuva lya duka ku Jeremia kigira Avayuda vosi ava menya mu kivala kya Egepeti, ava menya ha Migidoli, na Tahapenesi na ha Nofu, mu kivala kya Pathrosi kuvola,

² Yahova wa mahe, Nyasaye wa Israeli, a vola ndi: Mwinye mwa lola ubudamano bwosi bwa nda leta ku Yerusalemi, noku madala gosi ga Yuda; henza, lero ga veye hatswa, si ha veye nomundu u menyanga mu,

³ kigira ubudamano bwavo bwa va kola ku mbihiriridza, mu litsia lyavo kuvuyidza vimuli, nokutumekira ava nyasaye vandi, ava va vula kumanya, yavo, kinga mwinye, kinga vaguga venyu.

⁴ Navutswa nda tuma ku mwinye avatumekiri vange vosi ava profeti, ni mbuka mabwebwe nokuva tuma, ni mbola, O, mu ta kola kivihiri yiki kya ndunyiranga.

⁵ Navutswa si va hulira mba, kinga kutegidza amatu gavo va duke kugirunkana nokuleka ubudamano bwavo, va vule kuvuyidza vimuli ku vanyasaye va ndi.

⁶ Kigira yaga ubutima bwange nelivihiririrwa lyange vya sunduka, na lyaaka ku madala ga Yuda, noku mahasi ga Yerusalemi: na rnadala yago ga lekwa vutswa, bugira mundu mugo, kuli ga veye lero.

⁷ Kunangwa kalunu Yahova, Nyasaye wa mahe, Nyasaye wa Israeli, a vola ndi: Kigira ki mwinye mu kola budamano yibu bunene ku myoyo gyenyu avene, kutwulidza ku mwinye musatsa nomukali, mwana mudoto na uyu u nunanga, mu twulidzwe hagati ha Yuda, mu vule kulekerwa mundu u tigala kali mulala;

⁸ kigira mn a vihiriridza inze nevikolwa vyamakono genyu, ni mu vuyidzira avanyasaye vandi vimuli mu kivala kya Egepeti, kya mwa tsia kumenya mu avageni; mu duke kutwulidzwa, mu ve li laamwa na manyego mu tsihiri tsyosi tsyo mu lirova?

⁹ Mwinye mu mali kwivirira ubudamano bwa vaguga venvu, nobudamano bwavami va Yuda, nobudamano bwavakali vavo, nobudamano bwenyu avene, nobudamano bwavakali venyu, bwa va kola mu kivala kya Yuda, noku mahasi ga Yerusalemi?

¹⁰ Va kikiri kugehidzwa kuduka lidiku lya lero, kandi si va tidzanga, kinga kugenda mu lilaga lyange, kinga mu malago gange, ga nda vika imbiri wenyu na imbiri wa vaguga venyu.

¹¹ Kigira yaga Yahova wa mahe, Nyasaye wa Israeli, a vola: Henza, nda henzidza mmoni mwange ku mwinve nduke kuleta ku mwinye ubudamano, kali ku twulidza Yuda vosi.

¹² Na nda vugula avatigala va Yuda, ava henzidza mmoni mn avo va duke kwingira mu kivala kya Egepeti ku menva yo, na va la dividzwa vosi; va la gwa mu kivala kya Egepeti; va la dividzwa nekivavi, nenzala; va la kudza, kutwula ku mukekeke kuduka ku munene, nekivavi nenzala: na va la va lisufwa, neligenya, nelilaamwa, na linyega.

¹³ Kigira nda va ha mageli yavo ava menyanga mu kivala kya Egepeti, kuli nda ha Yerusalemi mageli, nekivavi, nenzala, nobulwaye;

¹⁴ kali mu yavo avatigala mu Yuda, ava tsia mu kivala kya Egepeti va duke kumenya yo avageni, si ha veye nomundu kali mulala u li hona, kinga u li tigala, va luhe virane mu kivala kya Yuda, kivala kya va kayirangwa virane mukyo nokumenya mu: kigira si ha veye nomundu kali mulala u li duka kwirana ni va ta li yava ava li hona.

¹⁵ Kunangwa avasatsa vosi ava manya avakali vavo va vuyidza vimuli ku vanyasaye vandi, navakali vosi ava singira ho himbi, va li livugana linene, kali avandu yavo vosi ava menya mu kivala kya Egepeti, ha Pathrosi, va tivulira Jeremia ni va vola,

¹⁶ Ku likuva lya u ku voleye mu lieta lya Yahova, kwinye si ku la ku hulira ligali mba.

¹⁷ Navutswa ligali kwinye ku la dukidza likuva sa lilala li twulanga mu minwa gyetu, kuvuyidzira mwami wekikali womi gulu vimuli, nokumutsukira vihaanwa vyevyokunwa, kuli kwa kola, kwinye na vaguga vetu, navami vetu, navane ne vetu, mu madala ga Yuda, nomu mahasi ga Yerusalemi; kigira inyinga yeyo kwa li nevyokulia vinyingi, kandi kwa li nobulamu bwetu, na si kwa lola budamano.

¹⁸ Navutswa kutwula lwa kwa leka kuvuyidzira mwami wekikali womigulu vimuli nokumutsukira vihannwa vyevyokunwa, ku daki vindu yivi vyosi, na kwa dividzwa nekivavi, nenzala.

¹⁹ Na inyinga ya kwa vuyidziranga mwami wekikali womigulu vimuli, nokumutsukira vihaanwa vyevyokunwa kwa mu lombera mikate gyokumusigamira, kwa mu tsukira vihaanwa vyevyokunwa, bugira vasatsa vetu?

²⁰ Hene yaho Jeremia ya volera avandu vosi, avasatsa, navakali, livola li veye avandu vosi ava mu tivulira litivula yili, na a vola,

²¹ Vimuli vya mwa vuyidza mu madala ga Y uda, nomuhasi ga Yerusalemi, mwinye na vaguga venyu, navami venyu, navanene venyu navandu vekivala Yahova si yidzulitsa avandu yava, na inkuva yiyi si yingira mu mwoyo gwigwe?

²² Kuduka Yahova si ya nyala kwikudzira kandi, kigira ubudamano bwevikolwa vyenyu, kandi kigira kivihiri kya mu koli; kigira yaga kivala kyenyu ki gwiye hatswa, neligenya, nelilaamwa, kali si ki veye nomundu mukyo, kuli ga veye lero.

²³ Kigira mu vuyidzi kimuli, kandi kigira mu koli ubwoni ku Yahova, si mwa hulira mwoyo gwa Yahova mba, kandi si mu gendi mu lilaga lilye, kinga mu malago gege, kinga mu lilolekidza lilye; kigira yaga ubu damano yibu bu duki ku mwinye, kuli ga veye lero.

²⁴ Kandi Jeremia ya volera avandu vosi, navakali vosi, Mu hulire likuva lya Yahova, mwinye Avayuda vosi ava mu veye mu kivala kya Egepeti:

²⁵ Yahova wa mahe, Nyasaye wa Israeli, a vola ndi, na a vola, Mwinye navakali venyu mu voye neminwa gyenyu, nokudukidza na makono genyu, ni mu vola, Kwinye ligali ku la dukidza lilagana lyetu lya kwa lagana, ku vuyidzire mwami wekikali womigulu vimuli, nokumutsukira vihaanwa vyevyokunwa: kunangwa mu dinyeridze lilagana lyenyu, mu dukidze lilagana lyenyu.

²⁶ Kigira yaga mu hulire likuva lya Yahova, mwinye Avayuda mwosi ava mu menyanga mu kivala kya Egepeti: Henza, nzisuhi ku lieta lyange linene, Yahova a vola, lieta lyange si li la talwa kandi mu munwa gwomundu kali mulala u veye wa Yuda mu kivala kyosi kya Egepeti, kuli livola, Kuli Mwami Yahova a veye mwoyo.

²⁷ Henza, mbenzeridzanga kuvo mba letere ubudamano, si ga li kuvaletera ubulahi: navandu vosi va Yuda ava veye mu kivala kya Egepeti va la dividzwa nekivavi, nenzala, kuduka va heridzwe ligali.

²⁸ Na yavo ava li hona ku kivavi va lirana kutwula mu kivala kya Egepeti, vingire mu kivala kya Yuda, va la va avakekeke ligali mu livalidzwa lyavo; na yavo ava tigala va Yuda vosi avingira mu kivala kya Egepeti kumenya yo avageni, va la manya nelikuva ki li la singira, likuva lyange, naho likuva lyavo.

²⁹ Lilolekidza yili nilyo li li va lilolekidza ku mwinye, Yahova a vola, nda haana mwinye hano amageli, mu duke kumanya makuva gange ligali ga la singira ku mwinye kumuletera ubuda mano:

³⁰ Yahova a vola ndi, He nza, nda vika Farao Hofira mwami wa Egepeti mmakono ga vasigu veve, na mmakono ga yavo avenyanga mwoyo gwigwe; kuli wa nda vika Zedekia mwami wa Yuda mmukono gwa Nebukadirezaru mwami wa Babuloni, musigu wewe, wenyanga mwoyo gwigwe.