Jeremia 20 - KITABU KITAKATIFU

¹ Kalunu Pashuri, mwana wa Imeri musalisi, na li musingeriri munene mu inyumba ya Yahova, ya hulira Jeremia na a profetanga makuva yaga.

² Ma Pashuri ya kuya Jeremia muprofeti, na a mu boha mu mikatale gya li ha zana mu kiribwa kyeluhya kya Benjamini, kya li mu inyumba ya Yahova.

³ Na ga duka mugamba, Pashuri ya twulidza Jeremia mu mikatale. Hene yaho Jeremia ya mu volera, Yahova si a ku guliki lieta lilyo Pashuri, navutswa a ku gulika Magormisabibu.

⁴ Kigira Yahova ya vola yaga, Henza, nda kola ive u ve kyokutihidza ku ive mwene, noku valina vovo vosi; na va la gwa ku kivavi kyavasigli vavo netsimoni tsitsyo tsi la ga lola; na nda haana Yuda yosi nokuvavika mu mukono gwomwami wa Babuloni, naye a la va lanya kuduka Babuloni, na a la viita nekivavi.

⁵ Kuvita yaga nda haana ubutugi bwosi bwelidala yili, nevyambeti vyalyo vyosi, nevindu vyalyo vyosi vyobuguli budinyu, yee, tsikiba tsyosi tsya avami va Yuda nda ha avasigu vavo mmakono gavo; yavo ava li va lanya, nokuvavugula, nokuvahila va tsia navo Babuloni.

⁶ Na ive, Pashuri, na vosi ava menya mu inyumba yoyo mu la tsia mu butugwa; na u la duka Babuloni, na u la kudzira yo, nokutebwa yo, ive navalina vovo vosi, ava wa profeta kuvo agobubehi.

⁷ O Yahova, wa ng'oonya, na inze nda goonyeka; ive u veye netsingulu kuvita inze, na u guuti: inze nda gwa kihenyahenye mbasu bei, sa mulala ya nkolerakihenyahenye.

⁸ Kigirainyinga mbolaltga, mbanzukanga; mbanzuka, kirage nobwoneku kigira likuva lya Yahova li koleywi ku inze kuva lilegwa, nekihenyahenye, mbasu bei.

⁹ Ni mbola, Si nda mu tala kandi, kandi si nda vola kandi ku lieta lilye, ma ga veye mu mwoyo gwange kuli umuliru gwaakanga gwa bofwa mu vigumba vyange, na nduhi kwekudzira si nyala kweyaya.

¹⁰ Kigira mbuiiye linyega lyavandu vanyingi, litihidza li nkumbiridzi. Avalina vange vosi ava veye ahimbi, yavo ava lindiriranga ubuleema bwange, va vola, Yale, na kwinye ku la mu yala. Namusia a la goonyeka, na ku la mu guuta, na ku la vanza kisalya kyetu kuye.

¹¹ Navutswa Yahova a veye halala ninze kuli wetsingulu wokutihidza: kigira yaga ava dambidzanga inze va lekigitala, navo va la vula kunguuta; va la va isoni ligali, kigira si va kola nobugeeri kali kwegugunnya mihiga nemihiga gi vula kwivirirwa.

¹² Navutswa, O Yahova wa mahe, u geridzanga avalungi, u lolanga kikenge nomwoyo, u mbe ndole kisalya kikyo kuvo; kigira nda vuulira ive makuva gange.

¹³ Mwimbire Yahova, mwidzominye Yahova; kigira a honnyi mwoyo gwomudambi ku mukono gwa yava ava kolanga ubudamano.

¹⁴ Li laamwe lidiku lya ndivulwa: lidiku lya mama wange ya nzivula li ta gasidzwa mba.

¹⁵ A laamwe uyu wa leta makuva ku dada wange kuvola, mwana muyai wivuleywi ku ive; nokumusangalidza ligali.

¹⁶ Mundu uyu a ve kuli amadala ga Yahova ya tung'aminya, na a vula kweganira: a hulire lilira mugamba, neliyoga lyekivihiri mbasu hagat;;

¹⁷ kigira ya vula kunziita lwa nda twula munda; na ndiyo nkano mama wange wa gwa kilindwa kyange, na inda yeye i la va inene madiku gosi.

¹⁸ Kigira ki nda twula munda kulola kivi no ubuvereri, na madiku gange ga dive mu tsisoni?