Jeremia 19 - KITABU KITAKATIFU

¹ Yahova ya mbolera yaga, Tsia, u gule isiongo yomulongi, na u vugule avand u ku vakulundu vavandu, nokuvakulundu vavasalisi;

² u twule u tsie mwivona lyomwana wa Hinom, i veye ha bwingiriru bwekiribwa kya Harsithu, wilwadze ho makuva ga nku volera;

³ u vole, Mu hulire likuva lya Yahova, mwinye avami va Yuda, na va menyanga mu Yerusalemi: Yahova wa mahe, Nyasaye wa lsraeli a vola, Henza, nda leta budamano hano, ubwa uyu u hulira kubwo, amatu gege ga la mu tsuna.

⁴ Kigira va leka inze, nokukola hano ha vule kumanyakana, va vuyidza vimuli hano ku vanyasaye vandi, ava va ta manya, avene kinga vaguga vavo, kinga avami va Yuda, va mali kwizulitsa hano amasahi aga yava ava ta li nekindu kuvo,

⁵ navombaki hadiguluku ha Baal, va duke kusamba avana vavo avayai ku muliru va ve vihaanwa vyokusambwa ku Baal; likuva lya nda vula kulaga, kandi lya nda vula kuvola, kandi lya vula kwingira mu mwoyo gwange:

⁶ kunangwa, kigira yaga, henza, amadiku gadzanga, Yahova a vola, mmadiku yago hano si ha la langwa kandi Tofethu mba, kinga Livona lyomwana wa Hinom, navutswa ha la langwa Livona lyo Kwiita.

⁷ Na nda kola makuva ga Yuda na Yerusalemi kuva vutswa hano; na nda va dividza nekivavi imbiri wa vasigu vavo, noku makono ga yava avenyanga livamwoyo lyavo: nemibiri mikudzu gyavo nda gyi haana gyi ve vyokulia vyamanyonyi gombwerefu, netsinyama tsindulu tsyekivala.

⁸ Na nda kola lidala yili kuva kyobugenyi nokukunukirwa: ku vosi u vita ahimbi kulyo a la genya nokukunuka kigira liduywa lyalyo lyosi.

⁹ Nda va niga va lie inyama yavana vavo vayai navakana; navo va la lia sa mulala inyama yomulina wewe, mu likumbiridzwa nomu lidambidzwa lyavasigu vavo va la kola, na lya yavo avenyanga liva mwoyo lyavo, va la va dambi dza.

¹⁰ Hene yaho ive u latannya isio ngo zana imbiri wetsimoni tsya ava ndu ava tsia halala nive,

¹¹ na u la va volera, Yahova wa mahe a vola Ndatannya kuli ndiyo avandu yava nelidala yili, kuli mundu yatannyanga kiju kyomulongi, ki ta nyala kulo mbwa ki duka kuva kandi kigima navo va la ta avandu mu Tofethu kuduka ha la vula kuva nobwiyangu kandi bwokuta ho.

¹² Nda kolera ndiyo hano, Yahova a vola, avandu va menyanga yimu nda va kolera ndiyo, kali kukola lidala yili kuva kuli Tofethu:

¹³ na tsinyumba tsya Yerusalemi, netsinyumba tsyavami va Yuda, tsyononywa, tsi la va kuli Tofethu, li vola li veye, tsinyumba tsyosi tsya va vuyidzira lihe lyosi iyomwigulu kimuli ku visegese vyatsyo, nokutsuka ku vanyasaye vandi vihaanwa vyevyokunwa.

¹⁴ Hene yaho Jeremia yadza na a twula ha Tofethu, ha Yahova ya mu tuma a tsie kuprofeta; na a singira hamgizi henyumba ya Yahova, na a volera avandu vosi:

¹⁵ Yahova wa mahe, Nyasaye wa Israeli, a vola Henza, nda leta ku lidala yili noku tudala twalyo twosi ubudamano yibu bwosi ubwa nda vola kulyo; kigira va kola magoti gavo kuva madinyu, va vule kuhulira makuva gange.