Jeremia 18 - KITABU KITAKATIFU

¹ Likuva lya duka ku Jeremia kutwula ku Yahova, kuvola,

² Singira, na u sulungute ku inyumba yomulongi, nda ku kola u hulirire yo amakuva gange.

³ Ma nda sulunguta ku inyumba yomulongi, henza, ya li na a longanga miyinzi gyigye ku vyokulongera.

⁴ Na kiju kyobudohi kya ya longanga lwa kyoneka mmakono gornulongi, ya ki longa kandi kuva kiju kindi, kuli umulongi ya lola bulahi kukola.

⁵ Hene yaho likuva lya Yahova lya duka ku inze kuvola,

⁶ O inyumba ya Israeli, si nyala kukola na mwinye kuli umulongi u kolanga? Yahova a vola. Henza, kuli ubudohi bu veye mmukono gwomulongi, ni ndiyo mwinye mu veye mmukono gwange, O inyumba ya Israeli.

⁷ Nonoho lwa mbola kindu ku ihiri ku tsyosi, noku bwami ku bwosi ukwiha, nokusambula, nokubudividza;

⁸ ni i va ihiri zana ya mbola ku makuva gayo, yeganira, nokuleka budamano bwavo, inze ndeganira ku budamano bwa nsaaviye kuvakolera.

⁹ Kandi nonoho lwa mbola ku ihiri ku tsyosi, noku bwami ku bwosi, kubwombaka nokubusimika;

¹⁰ ni va va ni va kola budamano imbiri wetsimoni tsyange, ni va vula kuhulira mwoyo gwange, hene yaho ndeganira ku bulahi bwa nda vola nda va gasidzira.

¹¹ Kunangwa kalunu, u volere avandu va Yuda, na va menya mu Yerusalemi, u vole, Yahova a vola: Henza, nombanga ubudamano ku mwinye, nokusaavira lisaava ku mwinye: mwirane kalunu sa mulala a leke inzira yeye indamano, mu lombe tsinzira tsyenyu, nevikolwa vyenyu.

¹² Navutswa va vola, Si ha veye nelisuuvira, kigira kwinye ku la tsia kulonda tsiganagani tsyetu avene, na ku la kola sa mulala ku kwinye kuli ubukyamu bwomwoyo gwigwe mudamano.

¹³ Kunangwa kigira yaga Yahova a vola: Mu teve kalunu mu tsihiri yitsyo, ni bwaha wa hulira makuva gevindu kuli yivi; mukana mugima wa Israeli u koli inkuva yokuvihiridza Iigali.

¹⁴ Likonza lya Lebanon li Ia kama ku ligina lyommulimi? Kinga amadzi makindu aga gwidzanga hasi kutwula ihale ga luminywa?

¹⁵ Kigira avandu vange va nziviriye, va vuyidzi vimuli ku vya vutswa; na vikigitalidzangwa mu tsinzira tsyavo, nokugenda mu tsinzira tsya haluvega, ku inzira ya vula kulombwa;

¹⁶ va duke kukola kivala kyavo kuva a kyokugenya, nokukunukirwa kazozo; sa mulala u vita ho a la genya, nokusung'usa mutwe gwigwe.

¹⁷ Nda va salannya imbiri wavasigu vavo kuli imbuudza yevugwe; nda va kupa mugongo, si mu li mmoni, mu lidiku lyekivi kyavo.

¹⁸ Hene yaho va vola, Genda, ku tsie kusaavira lisaava ku Jeremia; kigira lilaga yili si li la vula kuva ku musalisi; kandi amakuva si ga la vula kuva ku vageeri, kinga livola ku mprofeti. Hamba, ku mu kuye netsinimi tsyetu, ku vule kuvika amakuva gege kali lilala mu myoyo.

¹⁹ U mbenze, O Yahova, u hulire myoyo gya yavo ava hing'ana ninze.

²⁰ Ubudamano bu tungwe mbugono bwobulahi naho? Kigira va yaviye mwoyo gwange ubogo. Widzulitse kuli nda singira imbiri wowo kuvola ubulahi kigira yavo, nduke kugirunkannya ubutima bubwo bu vule kuvanyola.

²¹ Kunangwa kigira yaga haana avana yavo va lola inzala, u va haane va ve isi wetsingulu tsyekivavi; navakali vavo, avana va gote kuvo, navo va ve avakunzakali; na avasatsa vavo viitwe nelikudza, na vasoleli vavo vayai viitwe nekivavi mbulwani.

²² Na lilira li hulirwe li twulanga mu tsinyumba tsyavo, lwa u leta lihe kuvo nonoho: kigira va yavi bogo kung'umira, na va visi mitego kutega virenge vyange.

²³ Navutswa, Yahova, ive u manya amakuva gavo gosi aga va veye nago ku inze kunziita; u ta sameha ubudamano bwavo mba, kandi u teya ubwoni bwavo imbiri wetsimoni tsitsyo mba; navutswa va tung'aminywe imbiri wowo; u va kolere ku inyinga yobutima bubwo.