Jeremia 14 - KITABU KITAKATIFU

¹ Yili ni likuva lya Yahova lya duka ku Jeremia ku makuva genyinga yekimeyu.

² Yuda a syomanga, kandi viribwa vi syomanga, vikaye hasi viviki tsingubo tsimwamu; lilira lya Yerusalemi lyanegiye igulu.

³ Avanene veve va tumi avake vavo va dahe madzi: va duka mu madavalia, na si va nyola madzi mba; virana neviju vyavo vikaya: va veye isoni, nokugenya nokukunika mitwe gyavo.

⁴ Kigira kivala kyadika, kigira imbula si i kupanga mkivala yikyo, avalimi va ve isoni va kunika mitwe gyavo.

⁵ Yee, kaii imboongo yombulimu yivulanga, ma i ta mwana wayo, kigira si ha veye nobunyasi.

⁶ Tsisukiri tsyombulimu tsi singiye ku vigulu, tsi herananga kuli vibwe kunyola myika, tsimoni tsyatsyo si tsi lolanga bulungi, kigira si ha veye na hokwaya.

⁷ Kali ubudamano bwetu ni bu lolekidza ku kwinye, u kole miyinzi kigira lieta lilyo, O Yahova; k igira lirana inyima lyetu ni linyingi; ku koleye ive ubwoni.

⁸ O ive u veye kisuuviri kya Israeli Muhonnyi wewe inyinga yekivi, kigira ki ive u veye kuli mugeni mu kivala, kuli mundu u samulanga, yeveta a nyole hokugona ubudiku?

⁹ Kigira ki ive u veye kuli mundu wa timuka enkolo, kuli mundu wetsingulu u ta nyala kuhonnya? Navutswa ive, O Yahova, u veye hagati hetu, na kwinye ku langangwa ku lieta lilyo; u ta ku leka mba.

¹⁰ Yahova a volera avandu yava likuva yili, Ni ndiyo va yanzi kuvoyavoya; si va gaya virenge vyavo: kigira yaga Yahova si ya va bugirira mba; kalunu a lidzulitsa ubudamano bwavo, nokuvanza kisalya ubwoni bwavo.

¹¹ Kandi Yahova ya mbolera, U ta saalira avandu yava ubulahi bwavo mba.

¹² Lwa va honga lilia, inze si nda hulira lilira lyavo mba; lwa va haana vihaanwa vyokusambwa na visyuviriru, si nda vi bugirira mba; navutswa nda va dividza nekivavi, nenzala, nobulwzye.

¹³ Hene yaho nda vola, Ai, Mwami Nyasaye henza, avaprofeti va va volera, Mwinye si mu la lola kivavi, kandi si mu la va nenzala mba; navutswa nda mu ha mirembe gya dinyeridzwa hano.

¹⁴ Hene yaho Yahova ya mbolera, Vaprofeti yavo va profeta ububehi ku lieta lyange; si nda va laga mba, kandi si nda va volera mba: va hedzanga mwinye ubuprofeti bwamalola gobubehi, nobusegetiri, nelikuva lya vutswa, nobugadi bwemyoyo gyavo.

¹⁵ Kigira yaga Yahova a vola ku makuva ga vaprofeti va profeta ku lieta Ivange, bugira inze kuvatuma, navutswa va vola, Si ki la va ho kivavi kinga inzala mu kivala yiki: avaprofeti yava va la diva ku kivavi nenzala.

¹⁶ Navandu yavo ava va vikanga kuvo ubuprofeti, va la tebwa ku mahasi ga Yerusalemi kigira inzala nekivavi; si va la va nomundu wokuvata yavo, navakali vavo, navana vavo vayai, navakana: kigira nda tsuka ubudamano bwavo kuvo.

¹⁷ Na ive u la va volera likuva yili, Tsimoni tsyange tsi ganguluke amaliga mbasu nobudiku, tsi vule kuleka; kigira mukana wa avandu vange mugima wononnyeywi lyoneka linene, nolugoma lwokusaliridza ligali.

¹⁸ Ni ntwula kutsia mmulimi, henza, aviitwa nekivavi ni nzingira mu lidala, henza, avalwaye kigira inzala kigira muprofeti nomusalisi vombi va tsia yiyi na yiyi mu kivala kya va ta manya.

¹⁹ Ive u mali kusula Yuda ligali? Mwoyo gugwo gu dunyira Zioni? Kigira ki u ku kuyi, na si ku veye nobuhonnyi? Kwa li ni kwenya mirembe, navutswa bulahi si bwadza mba; ku enya inyinga yobuhonnyi, na, lya li litimuka enkolo

²⁰ O Yahova, kweyama ubudamano bwetu, nobudamano bwavaguga vetu; kigira kwa kolera ive ubwoni.

²¹ U ta ku vihirirwa mba, kigira lieta lilyo; u ta legannya intebe yobwami yobukumi bubwo: widzulitse, u tononnya lilagana lya wa kola nekwinye.

²² Mu vindu vya vutswa vyosi vya yavo avetsihiri ki veye ho ki nyala kuleta imbula? Naho ligulu li nyala kuleta lunyirira? Si a veye ive, O Yahova Nyasaye wetu? Kigira yaga kwinye ku la linda ive; kigira ive u lombi vindu ylvi vyosi.