Jeremia 12 - KITABU KITAKATIFU

¹ Ive u veye mulungi, O Yahova, ni mba ni nku goonya; navutswa nkano mbolerane nive likuva yili: kigira ki inzira yomudamano i gasidzangwa? Kigira ki ava tumekiranga ubugadi vosi va veye mbwelemeridzi?

² Ive wa va simika, yee, va hili imiri; va viruka, yee, vama makuyu: ive u veye himbi mu minwa gyavo, na u veye ihale mu vikenge vyavo.

³ Navutswa ive, O Yahova, u manya inze; u ndolanga, na u geridzanga mwoyo gwange kuli gu yeka ku ive: u va kwese kuli amagondi ga tsitsanga mu liitwa, u va tegeke ku lidiku lyokwiitwa.

⁴ Kivala ki la syoma ku duka inyinga ki, netsingutsa tsyekivala kyosi tsi niala? Kigira ubudamano bwa yavo ava menyanga mukyo, tsinyama tsi divi, na manyonyi; kigira va vola, Uyu si a la lola kiheri kyetu mba.

⁵ Nu u va ni wa nyagula halala na va gendanga nevirenge, ni va ku luhidza, u nyala ndi kugerana netsiparasi? Kandi navo va ku luhidza mu kivala kyemirembe, kya u suuvira nga mu u la kola ndi mu lizula lya Yordani?

⁶ Kigira kali avamwavo vovo, nenyumba ya dada wowo, kali avandu yavo va ku koleye ubugadi; va ku kupiye uluku inyima wowo: u ta suuvira avandu yavo kali ni va ku volera amakuva malahi.

⁷ Inze mmali kuleka inyumba yange, nteye miyandu gyange; na mukali muyanze womwoyo gwange mmu viki mu makono gavasigu veve.

⁸ Miyandu gyange gyi gwiye ku inze kuli king'ang'a mmulitu: a ginganga mwoyo gwigwe ku inze; kigira yaga mmu dunyiye.

⁹ Miyandu gyange gyi gwiye ku inze kuli linyonyi lisalago li gumiranga inyama? Amanyonyi ga gumiranga inyama ga kupananga naye ku tsimbega tsitsye tsyosi? Mu tsie, mu vungidze tsinyama tsyosi tsyomwigendanyama, mu tsi lete tsi lie.

¹⁰ Avayi vanyingi vononnyi milimi gwange gwemizabibu, va duvagi kidieli kyange isi wevirenge vyavo, va koli kidieli kyange kilahi kuva kyangalangwi ki ta li navandu.

¹¹ Va ki koli kuva hatswa; ki liranga ku inze kigira ki veye hatswa; kivala kyosi ki kolwa hatswa, kigira si ha veye nomundu u ganagana likuva yili mu mwoyo gwigwe.

¹² Avala nyi va nini ku vigulu mu kyangala ngwi; kigira kivavi kya Yahova kiitanga kutwula ku luvega yilu kuduka ku luvega yilu lwekivala: si ha veye nowombiri u veve mu mire mbe.

¹³ Va tagi ingano, na va gesa amafwa; vesaliridza avene, si va nyolanga madanyi: va la va isoni mu makuyu genyu, kigira ubutima bululu bwa Yahova.

¹⁴ Yahova a vola ndi ku vakye vange vadamano vosi, ava diranga miyandu gya nda ha vandu vange Israeli kugumira: Henza, nda viha va twule mu kivala kyavo, kandi ndiha inyumba ya Yuda i twule hagati havo.

¹⁵ Na ga la duka, inyima wokuviha, ndirana nokuva vererera; nda va leta kandi, mundu sa mulala yingire mu miyandu gyigye, sa mulala yingire mu kivala kikye.

¹⁶ Na ga la duka, ni va va ni vega ligali va manya tsinzira tsyavandu vange, kwisuha ku lieta lyange, Kuli Yahova a veye mwoyo; kuli vegidza avandu vange kwisuha ku Baal; hene yaho va lombakwa hagati ha vandu vange.

¹⁷ Navutswa nl va vula kuhulira, hene yaho ndiha ihiri zana, kugyiha nokugidividza, Yahova a vola.