Jeremia 10 - KITABU KITAKATIFU

¹ Mu hulire likuva lya Yahova a mu volera, O inyumba ya Israeli:

² Yahova a vola ndi, Mu teyegidza inzira ya vetsihiri, mu ta timuka inkolo ku vilolekidzu vyomi gulu; kigira avetsihiri va timuka inkolo ku yivi.

³ Kigira miima gyavandu ni gya vutswa: kigira mu lala a tema musala mu mulitu, gyi veye miyinzi gyamakono gomusidza nembadzi.

⁴ Va ki syahanga nefetha nethahabu; va ki dinnyanga nemisu mari netsinyundu, ki vule kudengeya.

⁵ Vi veye kuli likindu, vyemiyinzi gyomulweyi, na si vi molomanga: ga vi dukira kugingwa, kigira si vi nyala kugenda vyene. Mu ta vi tia mba; kigira si vi nyala kukola ubudamano, kandi likola bulahi si li veye muvyo mba.

⁶ Si ha veye nowundi kuli ive, O Yahova; u veye munene, na lieta lilyo li veye linene mu tsingulu.

⁷ Ni bwaha u vula kutia ive, O Mwami wavetsihiri? Kigira ga ku dukira yaga: kigira mu vageeri vosi avetsihiri, nomu vindu vyavo vyosi vyobwami, si ha veye mulala u veye kuli ive.

⁸ Navutswa va veye kuli tsinyama nobusiru halala: lyegidza lyevifwananyi li veye kitinya kyomusala vutswa.

⁹ Ifetha i veye ho ya duywa kuva tsimbabale tsi letwa kutwula Tarshishi, nethahabu i twulanga Ufazu, miyinzi gyomusidza na gyamakono gomutuuli wethahabu tsingubo tsyavyo tsi veye blue nekiforasadi; vyosi vi veye miyinzi gya vasidza.

¹⁰ Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

¹¹ Mu la va volera yaga, Avanyasaye ava vula kulomba ligulu na lirova, yava va la diva va twule mu kivala, va twule isi weligulu.

¹² Uyu ya lomba kivala nobunyali bwibwe, ya dinyeridza lirova nobugeeri bwibwe, na ya vambula ligulu nelimanya lilye.

¹³ Lwa a vola nomwoyo gwigwe, ha veye nomuliviti gwamadzi manene mwigulu, a duminya lilumbe kutwula ku tsintulu tsyelirova; tsimpeni lugano lugano a lombere imbula, a twulidzanga imbuudza mu kyagi kikye.

¹⁴ Mu ndu sa mulala u gwiye kuli inyama si a veye nelimanya; mutuuli wethahabu sa mulala u legannyeywi kigira kifwa nanyi kikye kya vadzwa; kigira kifwananyi kikye kyokulongwa ki veye bubehi, si ha veye nomwika mukyo.

¹⁵ Vi veye vya vutswa, miyinzi gyobugotidzi: inyinga yelidukirwa lyavo vi la diva.

¹⁶ Kidieli kya Yakobo si ki veye kuli yivi: kigira a veye mulombi wevindu vyosi na Israeli a veye ihiri yemiyandu gyigye: Yahova wa mahe ni lieta lilye.

¹⁷ U vungidze vyobuguli bubwo mu kivala yikyo, Ive u menyanga mu likumbiridzwa lyelidala.

¹⁸ Kigira Yahova a vola ndi, Henza, inyinga yiyi nolukova lwokulasa nda ta avamenyi ku kivala yiki, nda va dambidza, va hulire kivi.

¹⁹ O bayaye ku inze kigira ulugoma lwange inkwagu yange i tsunanga ligali: navutswa nda vola, Ligali bu veye ubuverere bwange ga ndukira ku bu ginga.

²⁰ Lihema lyange li lanyeywi, migoye gyange gyosi gyi kaliki: avana vange va tsiye va ndeki, si va veye ho mba: si ha veye nomundu u mambuliye lihema lyange kandi, nokusunga tsi ngubo tsyokukinga tsyange.

²¹ Ki gira avayi va gwiye kuli tsinyama, si va tevanga ku Yahova: kigira yaga si va gasidzwa, na vyayo vyavo vyamagondi vyosi vi salani.

²² Gu veye mwoyo gwamakuva, henza, gudzanga, umuliviti munene gu twula ku kivala kya kasikasini, kukola madala ga Yuda kuva hatswa, ga ve ubumenyo bwevibwe.

²³ O Yahova, mmanya inzira yomundu si i veye mu mwoyo gwigwe; si li veye mu mundu mwene kulungi kidza ligenda lilye.

²⁴ O Yahova, u mbe amageli, navutswa ku bulungi; ga ta va ku butima, gase u la ngehidza.

²⁵ U tsuke ubutima bubwo ku tsihiri ava ta manya ive, noku bwiko ava vula kwanira lieta lilyo; kigira va lia Yakobo, yee, va mu lia nokumudividza ligali, na ubumenyo bwibwe va bu koli hatswa.