Jeremia 1 - KITABU KITAKATIFU

¹ Makuva ga Jeremia mwana wa Hilkia, wa li ku vasalisi ava li mu Anathothu mu kivala kya Benja mini:

² wa makuva ga Yahova ga duka kuye mu amadiku gelyameha lya Josia mwana wa Amoni, mwami wa Yuda, ku muhiga gwelikumi nagyivaka gwelyameha lilye.

³ Kandi ga duka kuye mu amadiku gelyameha lya Jehoiakim mwana wa Josia, mwami wa Yuda kuduka ku kiheri kyomuhiga gwelikumi na mulala gwelyameha lya Zedekia, mwana wa Josia, mwami wa Yuda, kuduka lihilwa lya Yerusalemi mbuhambe mu mweli gwegitano.

⁴ Likuva lya Yahova lya duka ku inze, kuvola,

⁵ Kutwula ni nkikiri kukulomba munda nda ku manya, kandi nu u kikiri kutwula munda nda ku takasa; nda ku vika u ve mprofeti kuprofetera avetsihiri.

⁶ Hene yaho nda vola, Ai, Mwami Nyasaye henza, si nyala kuvola; kigira mbeye mwana.

⁷ Navutswa Yahova ya mbolera, U ta vola, Inze mbeye mwana; kigira u la tsia ku uyu wa nku hila kuye, na gosi aga nku laga u la ga vola.

⁸ U ta tia mba kigira yavo; kigira inze mbeye halala nive kukuhonnya, Yahova a vola.

⁹ Hene yaho nonoho Yahova ya nyira mukono gwigwe nokudira munwa gwange; Yahova ya mbolera, Henza, mbikanga makuva gange mrnunwa gugwo:

¹⁰ henza, lidiku lya lero nku viki u ve igulu wetsihiri, na igulu wobwami, tsing'ano netsing'ano, u duke kwiha, nokusambula, nokudivi dza, nokutung'aminya; kwombaka, nokusimika.

¹¹ Kandi likuva lya Yahova lya duka ku inze, kuvola, Jeremia, U lola ki? Na inze nda vola, Ndolanga lusala lwomusala gwomulodzi.

¹² Hene yaho Yahova ya mbolera, U loli bulahi: kigira nda linda likuva lyange ku li dukidza.

¹³ Na likuva lya Yahova li duka ku inze hali kaviri, kuvola, U lola ki? Na inze nda vola, Ndolanga inyingu yamadzi ga tavagiranga; na mumoni mwayo mu henza ku luvega lwa kasikasini.

¹⁴ Hene yaho Yahova ya mbolera, Kutwula kasikasini ubudamano bu la twulira kuduka ku vandu vosi ava menyanga mu kivala.

¹⁵ Kigira, henza, nda langa bwiko bwosi bwobwami bwa kasikasini, Yahova a vola; navo va ladza, na va la vika mundu sa mulala intebe yeye yobwami ha bwingiriru bwekiribwa kya Yerusalemi, na himbi ku madigi galvo gosi tsimbega tsyosi, na himbi ku madala gosi ga Yuda.

¹⁶ Na inze nda vola likalaga lyange lyosi kuvo ku makuva gobukyamu bwavo bwosi, kigira va ndeki, na va vuyidza vimuli ku vanyasaye vandi, nokusigamira miyi nzi gyamakono gavo avene.

¹⁷ Ku nangwa ive webohe kikenge kikyo, u vuke, na u va volere gosi aga nku laga: u ta henda mwoyo mmoni mwavo, gase nda ku hendidza mmoni mwavo.

¹⁸ Kigira, henza, nkoli ive lero kuva lidala lyolugaga, na itiru yekivya, namadigi gomugasa, ku kivala kyosi, ku avami va Yuda, ku vanene vakyo, ku vasalisi vakyo, noku yavo avamenyi vekivala.

¹⁹ Va la lwana nive; navutswa si va la ku guuta mba: kigira inze mbeye halala nive kukuhonnya, Yahova a vola.