Isaya 9 - KITABU KITAKATIFU

¹ Navutswa ubulavu si bu la geha mba ku mukali u veye mu litsunwa. Mu madiku ga matsyambiri ya kola kivala kya Zebuloni kulegwa nekivala kya Nafitali; navutswa mmadiku gekiheri ya vi kuminya, ku inzira yenyanza, ingereka wa Yordani Galilaya kyetsihiri.

² Avandu va genda mu kisundi va loli ubulavu bunene: yavo va menya mkivala kvekiriri kyelikudza, ubulavu bu ng'e ring'ani kuvo.

³ Ive u medi tsihiri u medi ubusangali bwavo: va sangala imbiri wowo kuli lisangala lyeligesa, kuli lisangala lyavasatsa mu ligavula vilanye.

⁴ Kigira ive u mali kuvu nannya inira yomusigo gwigwe, nomu digiru gwomivega lilye, nempimbo ya uyu u dambidzanga, kuli ku lidiku lya Midiani.

⁵ Kigira vyuma vyosi vyavasatsa veyavalanga vyuma mu muliviti, netsingubo tsiinwa mma sahi, vi la va vyelisambwa, nokuva tsinku tsyokuvikwa mnuliru.

⁶ Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

⁷ Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.

⁸ Yahova ya hila likuva ku Yakobo, na lya duka ku Israeli.

⁹ Na vandu vosi va la manya, li veve kuvola Efiraim navamenyi mu Samaria, ava vola nekirage kyavo noluyai lwe myoyo,

¹⁰ Matafali ga gwiye, na vutswa ku lombaka namagina ga vadzwa: mikuyu gyi temageywi, na vutswa ku la vika mbugono bwagyo mitaragwa.

¹¹ Kigira yaga Yahova a la singeridza avasigu va Rezin, va hing'ana naye, na a la tsyuva avasigu veve,

¹² Vasiria ku; luvega lwe mbiri, na Vafilisiti ku luvega lwe nvuma; na va la mira Israeli nomu nwa mwalamu. Navutswa ku yaga gosi ubutima bwibwe bu kikiri kugiru nkanywa, navutswa mukono gwigwe gu nyireywi kuduka kalunu.

¹³ Navutswa avandu va vula kugi runkana ku uyu wa va kuya, kandi va vula kwenya Yahova wa mahe.

¹⁴ Kigira yaga Yahova a la kalaga mu Israeli mutwe nomukira, litu lyelikindu no mberani, mu lidiku lilala.

¹⁵ Na mukulundu na mundu wolu yali, uyu a veye mutwe; nomuprofeti wegidzanga makuva gobubehi, uyu a veye mukira.

¹⁶ Kigira yavo avemiriri vavandu yava va va kyaminya; navo va vandu yavo vimirira va dividzwa.

¹⁷ Kunangwa kigira yaga Yahova si a la sangalira avasoleli vavo, kandi si a la vererera avabisandu na vakunzakali; kigira sa mulala va veye avanyegi navada mano, neminwa gyosi gvi volanga ubusiru. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

¹⁸ Kigira ubudamano bu sambanga kuli muliru; bu sambanga luta vati namafwa; yee, bu sambanga maginga gommulitu, nabwo bu dumanga igulu mu malesi maliduhu go mwoki.

¹⁹ Kivala yiki ki hidzanga ligali kigira ubutima bwa Yahova wa mahe: navandu va veye kuli tsinku tsyoku vikwa mrnuliru; si ha veye nomundu u verererera amwavo wewe.

²⁰ Na mulala a la nuula ku luvega lwomukono mulungi, na a la va nenzala; a la lia ku luvega lwomukono mmosi, na a la vula kwiguta: mundu sa mulala a la lia inyama yomukono gwigwe mwene:

²¹ Manase kulia Efiraim, na Efiraim kulia Manase: na vombi va la va nelihing'ana na Yuda. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.