Isaya 8 - KITABU KITAKATIFU

¹ Na Yahova ya mbolera, Vugula kibao kinene, na u ng'ode ku nekalamu yomundu, Kigira Maherisha lali hashi-bazu;

² na nda nyola va lolekidzi avasuuvirifu kung'oda makuva. Navo ni Uria musalisi, na Zekaria mwana wa Jeberekia.

³ Na nda tsia ku muprofeti mukali; naye ya vereka, na yivula mwana muyai. Hene yaho Yahova ya mbolera, U gulike lieta lilye Maherishalalihashi bazu.

⁴ Kigira lwa mwana uyu a kikiri kumanya kuvola, Dada wange, na Mama wange, ubutugi bwa Da masko, nevilanye vya Samaria vi la hilwa imbiri womwami wa Asuria.

⁵ Na Yahova ya mbolera kandi, ni ya mbolera,

⁶ Kigira avandu yava va suye amadzi ga Shiloa aga genda galaha, na va sangalira Rezin nomwana wa Remalia;

⁷ kunangwa kalunu, henza, Yahova a letanga kuduka kuvo amadzi go Mugera yigwo, ga veye netsingulu kandi manyingi, nago gu veye mwami wa Asuria nobukumi bwibwe bwosi: nago ga lanegira mu migera gyigye gyosi nokwizula kuvita luginga lwosi:

⁸ na ga la vita kwanegira nokwingira Buyuda na ga lizula nokuvita hagati; ga la duka kwigoti; na linyira lyetsimbaha tsitsye li lizula ubugalamu bwekivala kikyo, O Imanueli.

⁹ Mu kole liyoga, O mwinye avandu, mu wnanywe vidonye; mwinye ava mu veye mu vivala vye ihale mu tegidze amatu; mwebohe vikenge vyenyu, mu vunanywe vidonye; mwe bohe vikenge vyenyu, mu vunanywe vidonye.

¹⁰ Mu lomba makuva ha lala, na ga la kolwa kuva vutswa; mu vole likuva, na li la vula kusingira: kigira Nyasaye a veye halala ne kwinye.

¹¹ Kigira Yahova ya mbo lera yaga nomukono gwetsingulu, nokunzegidza mbule kugenda mu inzira yavandu yavo, ya vola,

¹² Mu ta vola, Tsi veye tsimbemba, mu makuva gosi aga avandu yava va vola Tsi veye tsimbemba; kandi mu ta tia litihidza lyavo, kandi mu ta kola ubutii.

¹³ Yahova wa mahe, niye wa mu takasa; uyu a ve ubutii bwe nyu, uyu a ve litihidza lyenyu.

¹⁴ Naye a la va hobutakatifu; navutswa a la va ligina lyokwikigitalidza nolwanda lwelikigitala lyetsinyumba tsyombi tsya Israeli; a la va mutego nombeto ku avamenyi va Yerusalemi.

¹⁵ Na vanyingi va likigitala ho, nokugwa, nokuvunika, nokugumirwa, nokuhambwa.

¹⁶ Mubohe lilolekidza yilyo, na u vike muhuri ku malago hagati ha vegidzwi vange.

¹⁷ Na nda lindirira Yahova, uyu u visanga mmoni mwi mwe ku inyumba ya Yakobo, na nda mhenzererera.

¹⁸ Henza, inze navana va Yahova ya mba ku ve vilolekidza nevyokugenya mu Israeli vi twulanga ku Yahova wa mahe, u menyanga mkigulu kya Zioni.

¹⁹ Na lwa va ku volera, Tsia ku yavo ava veye na roho gyobukumu, noku vasegetiri, ava lagulanga nokufuguma: si ga dukanga avandu kwenya Nyasaye wavo? Ga dukanga va tsie ku vakudzu kigira ava veye mwoyo?

²⁰ Mu tsie ku malago nokulilolekidza ni i va va ta vola ga leng'ana ne likuva yili, ligali ubulavu si bu veye kuvo.

²¹ Va la vita hagati havyo, ni va tameywi, ni va veye nenzala, kandi ga la va, lwa va la va nenzala, va la vihirirwa, na va laama ku mwami wavo noku Nyasaye wavo, nokuginga tsimoni tsyavo ku henza igulu:

²² na va la henza ku kivala, na henza, kivi nekisundi kisundi kyelitsunwa, na va la kungwa va tsia mu kisundi kinene.