Isaya 63 - KITABU KITAKATIFU

¹ Ni bwaha uyu u twulanga Edom, wetsingubo tsyeligondo lyakanyu u twulanga Bozra? Uyu u veye netsingubo tsyobukumi, a tsi tsanga imbiri mu bunyingi bwetsi ngulu tsitsye? Ninze u volanga mu bulungi, wetsingulu kuhonnya.

² Ki gira ki u veye netsingubo tsinzakanyu kandi kigira ki tsi ingubo tsitsyo tsi veye kuli tsyomundu u duvaganga mu kyokumina iwaini?

³ Inze mali ku duvaga kyokumina iwaini tsyeng'ine; na ku avandu si ha li nomundu halala na inze: yee, nda va duvaga nobutima bwange, nokuvaduvaga ligali nobu tima bwange bululu; na masahi geli vamwoyo lyavo ga salikira ku ingubo yange, na mmali kwononnya tsingubo tsyange tsyosi.

⁴ Kigira nda li nelidiku lyekisalya mu mwoyo gwa nge, na muhiga gwa vatungirwa vange gu duki.

⁵ Na nda henza, na si ha li nowokunkonya; na nda genya kigira si ha li nowokudinyeridza: kigira yaga mukono gwange mwene gwa nnyolira ubuhonnyi; nobutiman bwange bululu, bwa ndinyeridza.

⁶ Na nda duvaga avandu nobutima bwange, nokuvahambikidza nobutima bwange bululu, na nda tsuka masahi gelivamwoyo lyavo ku lirova.

⁷ Nda vola tsimbabasi tsyobuyanzi bwa Yahova, na lidzominywa lya Yahova, kuli gosi ga Yahova ya ku kolera, nobunyingi bwobulahi bwibwe ku inyumba ya Israeli, bwa ya vika kuvo kuli tsimbabasi tsitsye, na kuli bunyingi bwetsimbabasi tsyobuyanzi bwibwe.

⁸ Kigira ya vola, Ligali, va veye avandu vange, avana ava li vula kukola nobugadi: kunangwa ya li Muhonnyi wavo.

⁹ Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

¹⁰ Navutswa va kola ubwebaali, ni va verereridza Roho Mutakatifu wewe: kigira yaga ya girunkana a duke kuva musigu wavo, naye ya lwana navo.

¹¹ Hene yaho lwa yidzulitsa madiku ga kale, Musa navandu veve, ya vola, A veye haliha uyu wa vanegeridza kutwula mu inyanza halala na avayi ve kyayo kikye? A veye haliha uyu wa vika Roho Mutakatifu wewe hagati havo?

¹² Uyu wa gendidza mukono gwigwe gwobukumi ku mukono mulungi gwa Musa? Uyu watannya amadzi imbiri wavo a duke kwelombera mwene lieta lyemiihiga nemihiga?

¹³ Wa vimirira mu luliva, kuli iparasi mu kyangala ngwi, va vule kwikigitala?

¹⁴ Kuli tsing'ombe tsi sulungutanga kutsia mivona, Roho wa Yahova ya va sosidza: ni ndiyo wimirira avandu vovo u duke kwelombera ive mwene lieta iyobukumi.

¹⁵ Henza hasi kutwula migulu ha u veye, u lole kufwula ubumenyo bwo butakatifu bubwo nobukumi bubwo: ubugulu bubwo nelikola lyetsingulu lilyo li veye haliha? Lyenya lyomwoyo gugwo nelivererera lilyo ku inze li gayeywi li vula kuduka ku inze.

¹⁶ Kigira ive u veye Dada wetu, kali Abrahamu na a vula kukumanya, na Israeli na a vula kukubugirira: ive, O Yahova, u veye Dada wetu; Mutungiri wetu kutwula mihiga nemi higa li veye lieta lilyo.

¹⁷ O Yahova, kigira ki u ku gotidzanga ku tsinzira tsitsyo, nokukola myoyo gyetu kuva miliduhu mu litibwa lilyo? Yirana kigira avatumekiri vovo, tsihiri tsye miyandu gyigyo.

¹⁸ Avandu vovo vatakatifu va gyi nyola inyinga inke keke: avasigu vetu va duvaga hata katifu hoho.

¹⁹ Kwa duka kuva kuli yavo ava wa vula kwameha kuvo, kuli yavo ava vula kulangwa ku lieta lilyo.