Isaya 61 - KITABU KITAKATIFU

¹ Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

² kulandidza muhiga gwa Yahova gwa bugirirwa, nelidiku lyo kuvanze kisalya kya Nyasaye wetu; kuleminya myoyo gya vosi ava syo manga;

³ kutovolera yavo ava syomanga mu Zioni, kuvaha igudwa yekimuli mbugono bweligoke, amaguta gobuyanzi mbugono bwelisyoma, tsingubo tsyelidzominywa mbugono bwomwoyo muliduhu; va duke kulangwa misala gyobulungi, gya Yahova ya simika, a duke kukuminywa.

⁴ Kandi va lombaka mu vyanyi, na va la digulula lisasuguka lya kale, nokulomba madala ga veye vyanyi, lisasuguka lyamakula manyingi.

⁵ Na vageni va la singira nokwaya vyayo vyenyu, na vetsihiri tsindi va la va avalimi venyu navalindi vemilimi gyenyu gyemizabibu.

⁶ Navu tswa mwinye mu la langwa avasalisi va Yahova; avandu va la langa mwi nye avatumekiri va Nyasaye wetu: mu la lia ubutugi bwa vetsihiri, rnu leyidzominya nobukumi bwavo.

⁷ Mbugono bwetsisoni tsyenyu mu la nyola hali kaviri; na mbugono bwelidambidzwa va la sangala mu kidieli kyavo: kigira yaga mu kivala kyavo va la nyola hali kaviri; kuvo li la va lisangala lyemihiga nemihiga.

⁸ Kigira inze, Yahova, nda yanza likalaga lilungi, ndunyira bunuuli nobudamano; nda va tunga litungwa lyavo mu geligali, na nda lomba lilagana lyemihiga nemihiga halala navo.

⁹ Na kisukululwi kyavo ki la manyekana mu tsihiri, na lwivulu lwavo lu la manyekana mu vetsihiri: vosi ava va lola va la va bugirira, kuva kisukululwi kya Yahova ya gasidza.

¹⁰ Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

¹¹ Kigira kuli lirova li sebukanga musoga gwekimuli, na kuli mulimi gu virukidzanga vindu vya tagwa mu; ni ndiyo Mwami Nyasaye a li virukidza ubulungi nelidzominywa kuviruka imbiri wetsihiri tsyosi.