Isaya 55 - KITABU KITAKATIFU

¹ O, mwinye sa mulala u veye nobuluhu, hambi ku madzi, na u veye bugira ifetha; hambi, mu gule, mu lie; yee, hambi, mu gule iwaini namaveere bugira ifetha, na bugira buguli.

² Kigira ki mu tungange if e tha ku ki ta veye kyokulia? Nokutunga miyinzi gyenyu ku yikyo ki vula kwigutidza? Mu hulire inze nobugulu, mu lie ki veye kilahi, na myoyo gyenyu gyi sangale mu bunolu.

³ Mu tegidze matu genyu, mudze ku inze; mu hulire, na myoyo gyenyu gyi la va mwoyo: na nda kola lilagana nemwinye li hongeranga mihiga nemihiga, nalyo li veye ubugasu bwa Daudi bu veye nobusuuvirifu.

⁴ Henza, mali kumuhaana a ve muloli imbiri wavandu, mwimiriri nomunene wavandu.

⁵ Henza, ive u la langa ihiri ya u ta manya; kandi ihiri ya vula kumanya ive, i la nyagulira ku ive, kigira Yahova Nyasaye wowo, kandi kigira uyu Mutakatifu wa Israeli; kigira u kuminyi ive.

⁶ Mwenye Yahova inyinga a nyoleka; mu mwanire lwa a veye ahimbi:

⁷ mudamano a leke inzira yeye, nomundu u ta li mulungi a leke tsi ganagani tsitsye; yirane ku Yahova, naye a la mbererera; yirane ku Nya saye wetu, naye a la mu sameha ligali.

⁸ Kigira tsiganagani tsyange si tsi veye tsiganagani tsyenyu, na tsinzira tsyenyu si tsi veye tsinzira tsyange mba, Yahova a vola.

⁹ Kigira kuli ligulu li veye igulu ligali kuvita kivala, ni ndiyo tsinzira tsyange tsi veye igulu kuvita tsinzira tsyenyu, netsi ganagani tsyange kuvita tsiganagani tsyenyu.

¹⁰ Kigira kuli imbula i kupanga nelikonza kutwula migulu, nayo i vula kwirana yo kandi, navu tswa i kupa ku kivala, nokukikola lyame, nokusebuka, nokuleta bugutsa kuha uyu u midzanga, nokuhaana kyokulia ku uyu u litsanga;

¹¹ ni ndiyo likuva lyange li la va li twulanga munwa gwange: si li lirana ku inze lyere, navutswa li la dukidza aga nyenyanga, na li la gasidzwa mu inkuva ya nda li tuma ku.

¹² Kigira mu la twula nobuyanzi, nokwimirirwa nemirembe: vigulu notugulu vi laleta tsinyimbu nokwimba imbiri wenyu, nemisala gyosi gyommilimi gyi la kong'onda mikono.

¹³ Mbugono bwelitagalu mutaragwa gu la mera mu; nobugono bwolutavati ulwuvu lu la mera mu: na ga la va gokuha Yahova lieta, kuva kilolekidzu kyemihiga nemihiga ki ta hera mba.