Isaya 46 - KITABU KITAKATIFU

¹ Bel a sigama hasi, Nebo yina manga hasi; vifwananyi vyavo vi veye ku tsinyama, nokumitugu: vindu vya mwa hila yiyi na yiyi vi koleywi kuva musigo, musigo gwokumina inyima i luhi.

² Vinamanga hasi, va sigama hasi halala; si tsi nyala kudukidza musigo, navutswa tsyhne tsi tsiye mu libofwa.

³ Mu hulire inze, mwinye inyumba ya Yakobo, na va tigala vosi avenyumba ya Israeli, ava nda vugula kutwula mu livulwa lyavo, ava gingwa kutwula munda;

⁴ kali kuduka busakulu bwenyu inze niye, kali kuduka inyinga ye tsimbudzi nda mu ginga: inze nda lomba, na nda ginga; yee, nda vugula mwinye, nokumuhonnya.

⁵ Mu la fwanannya inze na bwaha, nokuneng'annya naye, nokungeranya, ku duke kuleng'ana?

⁶ Ava twulidzanga ithahabu mmuya bugira kugera, nokugera ifetha ku tsiratili, va langanga mutuuli wethahabu, naye a tuula vindu zana nokuvikola munyasaye; va gwa hasi, yee va mu sigamira.

⁷ Va mu gingira kwivega, va genda naye, nokumusingeridza ha bugono hehe, naye a singira; si a nyala kutwula mbugono bwibwe: yee, kali mulala a lanira kuye, naye si a nyala kumutivulira, kandi si a nyala kumuhonnya ku kivi kikye.

⁸ Mwidzulitse yaga, mwelang'aminye mwinye avene kuva vasatsa midzulitsane likuva yili, mwinye avahyoli.

⁹ Mwidzulitie vindu vya ma tsyambiri: kigira inze mbeye Nyasaye, si ha veye nowundi; inze mbeye Nyasaye, si ha veye nowundi u veye kuli inze;

¹⁰ u lolekidzanga kiheri kutwula ku litanga, kandi kutwula ku matsyambiri nda vuula vindu vi kikiri kukolwa; ni mbola, Makuva gange ga la singira, na nda kola vyosi vya nyanzanga;

¹¹ nokulanga linyonyi likuvali kutwula ivugwe, umundu welivola lyange kutwula mu kivala kye ihale; yee, inze mboye, kandi nda dukidza nsaaviye, kandi nda ga kola.

¹² Mu hulire inze, mwinye ave myoyo midinyu, ava veye ihale ku bulungi:

¹³ nda leta ubulungi bwa nge bu ve himbi; si bu la va ihale mba na ubuhonnyi bwange si bu la lindar gira; nda vika buhonnyi mu Zioni kigira Israeli ubukumi bwange.