Isaya 44 - KITABU KITAKATIFU

¹ Navutswa kalunu u hulire o Yakobo mutumekiri wange na ive Israeli, wa ntovoye:

² Yahova wa ku kola, nokukulomba kutwula munda, u li ku konya, a vola ndi: U ta tia, O Yakobo mutumekiri wange; na ive, Jeshurun, wa ntovoye.

³ Kigira nda tsuka amadzi ku uyu u veye nobuluhu, noku tsuka tugera mu kivala kyumu: nda tsuka Roho wange ku kisukululwi kikyo, nobugasu bwange nda tsuka ku yavo avolwivulu Iwulwo:

⁴ na va la sebuka hagati ho bunyasi, na kuli misala gya hunamirira himbi nomugerera.

⁵ Mulala a la vola, Inze mbeye wa Yahova; nowu ndi a lelanga ku lieta lya Yakobo; nowundi a la ng'oda nomukono gwi gwe ku Yahova, na a legulika ku lieta lya Israeli.

⁶ Yahova a vola yaga, Mwami wa Israeli, Mutungiri wewe, Yahova wa mahe: inze mbeye wokutanga, nowekiheri; si ha veye na Nyasaye wundi ku inze.

⁷ Kandi, ni bwaha, kuli inze, u langa, nokwilwadza yaga, nokunombera yaga, kutwula inyinga ya nda vika avandu va kale? Na vindu vidzanga, na vindu vi dukanga, va vilwadze.

⁸ Mu ta tia, kandi mu ta kola ubutii: si nda ku yolera yaga kutwula kale, nokukuvuulira? Na mwinye mu veye avaloli vange. A veye ho Nyasaye wundi lugano ku inze? Yee, si ha veye no Lwanda; si manya wundi mba.

⁹ Yavo va lomba kifwananyi kyokuvadzwa va veye vutswa vosi; na vindu vya va yanzidzanga si vi la va konya kindu; na valoli vavo avene si va lolanga mba, kandi si va manya: va duke kuva isoni.

¹⁰ Ni bwaha wa lomba munyasaye, kinga wa longa kifwananyi ki ta konya kindu?

¹¹ Henza, avakye vosi va la va isoni; navasidza vavo va veye avandu: va vungidzwe halala vosi, va singire; va la tia, va la va isoni halala.

¹² Umusidza a tuula imbadzi, nokutumika mu amanda, nokugilomba netsinyundu, nokugikolera miyinzi nomukono gwigwe gu veye netsi ngulu: yee, na a lola inzala, netsingulu tsitsye tsi geha; si a nwa madzi, na a kudza mwoyo.

¹³ Mubadzi a nyira mugoye; ya gu ng'oda nekalamu; na a lomba noluvadziru, na a ng'oda na a gera nekyokukudiemba, na a ki lomba ku lifwana lyomundu, ku ubulahi bwomundu, kumenya mu inyumba.

¹⁴ A tema mitaragwa, na a vugula cypres na muduguyu, na yekolera mu sala mulala kuva netsingulu ku misala gyommulitu: a simika cypres, ne mbula i gu virukidza.

¹⁵ Kunangwa gu la va ku mundu kuguvika mmuliru; na a vugula kugwo, noku gwota; yee, a gwaadukidzanga noku lugira ubukima; yee, a lomba munya saye, na a mu sigamira; a ki lomba kifwananyi kyokuvadzwa, nokugwa imbiri wakyo.

¹⁶ A sambanga ki dieli mu muliru, na kidieli a liranga ku inyama; yominyanga vyokulia vyo kwominywa, na yiguta; yee, yotanga muliru mwene, nokuvola, Ah, nzoti muliru, nyoye uluya.

¹⁷ Na kidonye ki tigaye a ki lomba kuva mu nyasaye; ki veye kifwananyi kikye kya vadzwa; a gwidzanga imbiri wakyo nokusigamira, a ki saalanga, nokuvola, Konya inze; kigira ive u veye munyasaye wange.

¹⁸ Si va manya, kandi si va gana gana: kigira u va vakulidzi tsimoni tsyavo, va vule kulola; na myoyo gyavo va ta nyala kurnanya.

¹⁹ Kasi ha veye nomulala widzulitsa, kandi si ha veye nobugeeri kinga limanya kuvola, Inze ngu sambi kido nye mu muliru; yee, kandi ndugiye ubukima ku amanda gagwo; nkalangi inyama, na mali kulia: kunangwa kandi kidonye ki tigaye nki lombe kuva livihiriridza? Nda gwa hasi imbiri wekitinya kyomusala?

²⁰ Uyu a litsanga ligoke; mwoyo gwa gadwa gu mu girunkannyi haluvega; si a nyala kwehonnya mwene, kandi si nyala kuvola, Inze si mbeye nobubehi mmukono gwange mulungi?

²¹ Widzulitse vindu yivi, O Yakobo, na Israeli; kigira u veye mutumekiri wange: inze nda ku lomba; ive u veye mutumekiri wange: O Israeli, si ndivirira ive mba.

²² Nzeyi amahyolo gogo, kuli lilesi liliduhu, na ubwoni bubwo kuli lilesi: wirane ku inze; kigira nku tungiye.

²³ Mwimbe, mwinye ligulu, kigira Yahova u lombi inkuva yiyi; mu kupe lwanga, mwinye isi welirova; mu lete tsinyimbu, mu imbe mwinye vigulu, O mulitu, na misala gyosi gyi veye mugwo: kigira Yahova u tungiye Yakobo, na a lekuminya mwene mu Israeli.

²⁴ Yahova Mutungiri wowo, wa ku lomba kutwula munda, a vola ndi: Inze mbeye Yahova, u lombanga vindu vyosi; u vagalanga ligulu, inze tsyeng'ine u vambulanga lirova (ni bwaha u veye halala na inze?);

²⁵ U heridzanga vilolekidzu vya yavo avobehi, nokukola avasegetiri kugwa avalalu; wirannyanga avageeri inyi ma, nokukola bugeeri bwavo kuva lubusiru;

²⁶ u dinyiridzanga likuva lyomutumekiri wewe, nokudukidza makuva gavatumwa veve; u voleranga ku makuva ga Yerusalemi, Li la menywa: noku madala ga Yuda, Ga lombakwa, nda singeridza tsing'anye;

²⁷ u voleranga luliva, Kama, nda kaminya migera gigyo;

²⁸ u volanga ku uyu Kurusi, A veye mwayi wange, na a la kola aga nyanzanga gosi: kali kuvola ku Yerusalemi, U lombakwu; noku litempeli, Umuse gugwo gu la temwa.