Isaya 36 - KITABU KITAKATIFU

¹ Kunangwa ga duka mmuhiga gwelikumi na gyine gwelyameha lyomwami Hezekia, Sanakeribu mwami wa Asuria yanegira kulwana namadala gosi ga Yuda getsingaga, na ya ga vugula.

² Na mwami wa Asuria ya tuma Rabishake kutwula Lakishi kutsia Yerusalemi ku mwami Hezekia halala nelihe linene lyavasikari. Na ya singira himbi nomugerera gwelidavalia lye igulu mu lihasi li tsitsanga mu mugidzi gwelyogidza.

³ Ma Eliakim mwana wa Hilikia, wa li munene mu inyumba, na Shebina mung'odi, na Joa, mwana wa Asafu mu validzi wetsinyinga, va loleka kuye.

⁴ Na Rabishake ya va volera, Mu volere Hezekia, Umwami munene, mwami wa Asuria, a vola, Ni lisuuvira ki lya u suuviranga?

⁵ Mbolanga, amakuva gogo netsingulu tsitsyo tsya u veye natsyo ku bulwani vi veye vya vutswa: u suuviranga ku bwaha kalunu, u giri ni webaala ku inze?

⁶ Henza, wediranga ku kidundu ki kyaminwa, kigira wediranga ku Egepeti; ni kidundu kya mundu ni yedira kukyo, ki lingira mmukono gwigwe, nokumutumita: Farao, mwami wa Egepeti a veye ndiyo ku vosi ava suuviranga kuye.

⁷ Navutswa no u mbolera, Kwinye ku suuviranga Yahova Nyasaye wetu: si a li uyu wa Hezekia ya twulidza hadiguluku hehe, nobwali bwibwe, nokuvolera Yuda na Yerusalemi, Mwinye mu la sigamira imbiri wobwali yibu?

⁸ Kunangwa kalunu, mwadza, u haane kihambiriru ku munene wange, mwa mi wa Asuria, na inze nda ku ha tsiparasi tsielfu tsiviri, nu u va nu u nyala ku luvega lulwo ku nyinya avandu kutsyo.

⁹ U nyala ndi kugirunkannya mmoni mwomunya mpara mulala mu yavo avakekeke mu vatugwa vomunene wange, nokusuuvira ku Egepeti kukuha magari gobulwani, navokunina ku tsiparasi?

¹⁰ Na inze ndanegira hano kulwana nekivala yiki nokukidividza bugira kuva na Yahova? Yahova ya mbolera, Wanegire u lwane nekivala yiki nokukidividza.

¹¹ Hene yaho Eliakim na Shebina na Joa va volera Rabishake, Mwadza, u volere kwinye avatugwa wowo mu lulimi lwa Kisiria; kigira kwinye ku ki manya: u ta volera kwinye mu lulimi lwe Kiyuda, mu amatu gavandu ava veye ku lugaga.

¹² Navutswa Rabishake ya tivula, Munene wange ya ntuma ku munene wowo, noku ive, nduke kuvola makuva yaga? Si va nturna nduki kandi ku avandu va veye ku lugaga, va duke kulia amabi gavo avene, nokunwa amadzi gavo avene, halala nemwinye?

¹³ Hene yaho Rabishake ya singira, na hanzuka nomwoyo munene mu lulimi lwe Kiyuda, na a vola, Mwinye mu hulire amakuva gomwami munene, mwami wa Asuria.

¹⁴ Mwami a vola, Mu ta bugirira kugadwa na uyu Hezekia; kigira si a la nyala kumuhonnya mba:

¹⁵ kandi mu ta leka Hezekia a mu suuviridze ku Yahova mba, na a vola, Yahova, ligali a la ku honnya; lidala yili si li la vikwa mmukono gwomwami wa Asuria mba.

¹⁶ Mu ta hulira Hezekia mba: kigira mwami wa Asuria a vola, Mu kole ninze mirembe, mu twule mudze ku inze; na mu lie sa mulala muzabibu gwigwe, na sa mulala amakuyu gege, na mu nwe sa mulala amadzi ga isiongo yeye mwene:

¹⁷ kuduka lwa nduka ku muhila mu kivala ki veye kuli kivala kyenyu avene, ni kivala kyobuswage newaini, nekivala kyevyokulia nemi limi gyemizabibu.

¹⁸ Mu gelihe, gase Hezekia a la mu girunkannya, nokuvola, Yahova a la ku honnya. A veye ho munyasaye mulala mu vanyasaye vetsihiri wa honnya kivala kikye ku mukono gwomwami wa Asuria?

¹⁹ Avanyasaye va Hama thu, na va Aripadi va veye haliha? Na vanyasaye va Sefarivaim va veye haliha? Avanyasaye ava honnya Samaria ku mukono gwange?

²⁰ Ni vanga bwaha mu vanyasaye yavo vosi avevivala yivyo, ava honnya kivala kyavo ku mukono gwange, Yahova a duke kuhonnya Yerusalemi ku mukono gwange?

²¹ Navutswa yavo va kiring'ana, si va mu tivulira kindu kali kilala mba; kigira lilaga lyomwami lya vola, Mu ta mu tivulira kindu.

²² Hene yaho Eliakim mwana wa Hilikia, wa li munene mu inyumba, na Shebina mung'odi, na Joa mwana wa Asafu i muvalidzi, va tsia ku Hezekia, ni va tanduye tsingubo tsyavo, na va mu volera amakuva ga Rabishake.