Isaya 3 - KITABU KITAKATIFU

¹ Kigira, henza, Yahova, Yahova wamahe, a twulidzanga mudigiru nempimbo mu Yerusalemi nomu Buyuda, mudigiru gwosi gwobukima, nempimbo yosi yamadzi;

² mundu wetsingulu, nomundu wobulwani; mu kalagi, nomuprofeti, musegetiri, no mukulundu;

³ munyampara wavandu makumi gatano, nomundu mmanyekanu, nomboli, nomusidza, nomulongoli.

⁴ Na nda va ha avana kuva avanene vavo, navana vadoto va lameha kuvo.

⁵ Navandu va la dambidzwa, sa mulala nowakye, na sa mulala nomutende wewe: mwana a legingira imbiri womukulundu, nomu nyaaviru a legingira imbiri womma nyekanu.

⁶ Hene yaho mundu a la gumira amwavo wewe mu inyumba ya dada wewe, nokuvola, Ive u veye nengubo, wamehe ku kwinye, nobwoneku yibu bu ve isi womukono gugwo;

⁷ mu lidiku yilyo a la ginga mwoyo gwigwe, kuvola, Inze si nda va muhonnyi; kigira mu inyumba yange si mu veye nevyokulia kinga tsingubo: si mu nyala kunkola kuva mwami ku vandu yava.

⁸ Kigira Yerusalemi li sambuywe, ne Buyuda bu gwiye; kigira tsinimi tsyavo nevikolwa vyavo vi hing'ana na Yahova, kuvihiriridza tsimoni tsyobukumi bwibwe.

⁹ Liloleka lyommoni mwavo li lolekidza lihing'ana kuvo: na va lang'aminya ubwoni bwavo kuli Sodoma, si va visanga mba. Budamano bu ve ku mwoyo gwavo kigira vekoli avene ubuda mano.

¹⁰ Mu vole ku mulungi, ga la va amalahi kuye: kigira va la lia makuyu gevikolwa vyavo.

¹¹ Bu damano bu ve ku mudamano ki la va kivi kuye; kigira a la hebwa likola lyamakono gege.

¹² Makuva gava ndu vange, avana va va dambidza, na vakali vameha kuvo. O avandu vange, yavo ava kwimiriranga va ku kyaminyanga, va dividzanga inzira yetsinzira tsitsyo.

¹³ Yahova ya singiranga a duke kuhing'ana, a singiranga kukalagira avetsihiri.

¹⁴ Yahova a lingira mu likalaga navakulundu vavandu veve navanene vavo: Ni mwinye ava mali kulia mulimi gwamazabibu; vyalanywa ku vadaka vi veye mu tsinyu mba tsyenyu:

¹⁵ kigira ki mu dambidza avandu vange, nokusia mmoni mwa vadaka? Mwami Yahova wa mahe, a vola.

¹⁶ Kuvita yaga, Yahova a vola, Kigira avakana va Zioni vegingira, na va gendanga namagoti manyiriku, netsimoni tsinyumu, ni va genda ku litematema inzira, nokutuula muliviti gwetsinyambula tsyomu virenge vyavo;

¹⁷ kigira yaga Yahova a la kuya avakana va Zioni yavo nobufuma ku mitwe, na Yahova a la lang'aminya vyaviswa vyavo.

¹⁸ Mu lidiku yilyo Yahova a la twulidza ubulahi bwetsinyambula tsyavo, migoye gyokumitwe, netsisimbi tsyavo;

¹⁹ na tsinono tsyavo, nevisambo, netsingubo tsyokumutwe;

²⁰ nevigu du, neminyoro gyoku virenge, nobu tsiiri, neviseve vyevifunyanga mwayu, na tsinkombo;

²¹ netsimingiri, netsinono tsyamolo;

²² netsingubo tsyobukumi, nevisibao, netsingubo tsyavo tsinziyuhira notumuya;

²³ nevyelolero, nekatani indahi, netsigudwa, netsingubo tsinzasasu.

²⁴ Na ga la duka, mu bugono bwe vifunyanga mwayu gu la funya ubugundu; nombugono bwobutsiiri, ha la va na lufuno, nobugono bwelisu lya navwa, ha la va ne kyavusu; nombu gono bwekisibao, ha la va netsingu; bo tsyamagunia; na maballanda ga la va mbugono bweligondo lilahi.

²⁵ Na vekisatsa vovo va la gwa ku kivavi, navanene vovo va la gwa mu bulwani.

²⁶ Na viribwa vivye vi la lira nokusyoma; naye a la va mukali wa lekwa, naye a likala hasi.