Isaya 28 - KITABU KITAKATIFU

¹ Ubudamano bu veye ku itaji yoluyai lwa avahambiki va Efiraim, noku kimuli ki nialanga kyobulahi bwobukumi bwibwe, ki veye ku mutwe gwelivona linolu lya yava ava guutwa na iwaini

² Henza, Yahova a veye nomulala wobunyali nowetsingulu; kuli kihi kyembula ya magina, kihi kyononnyanga, kuli kihi kyamadzi manene gizulitsanga, a la tsoma hasi nomukono.

³ Itaji yoluyai yavahambiki va Efiraim i la duvagirwa isi wevirenge:

⁴ nekimuli kyobulahi bwibwe bwobukumi, ki veye ku mutwe gwelivona linolu, ki la va kuli likuyu lyengu li kala muhiga; lya uyu u li henzanga, lwa a li lola, nonoho a li litsanga lwa li veye mmukono gwigwe.

⁵ Mu lidiku yilyo Yahova u a mahe a la va itaji yobukumi, negudwa yobulahi, ku vatigala aveve;

⁶ naye a la va roho welikalaga ku uyu wikalanga mu likalaga, kandi a la va tsingulu ku yavo avirannyanga ubulwani ha kiri bwa.

⁷ Navutswa yavo va hyola ku iwaini, noku lihambika va leki inzira; musalisi nomuprofeti va hyoye kigira lihambika, iwaini i va miri, va leki inzira kigira lihambika; va hyoye mu malola, vikigitala mu likalaga.

⁸ Kigira tsimeza tsyosi tsizuye maluki nobudamano, si ha veye na hanifu.

⁹ A legidza bwaha limanya? A la mannya bwaha megidzo? Ni yavo ava luguhira, nokutwulidzwa ku tsimbeere?

¹⁰ Kigira li la va lilaga ku lilaga, lilaga ku lilaga; luvaso ku luvaso, luvaso ku luvaso; yiyi kikekeke, na yiyi kikekeke.

¹¹ Auwa, navutswa a la volera avandu yava neminwa migeni, nolulimi lundi;

¹² ava ya volera, Yibu nobwelemeridzi, mu he uyu u luhi lisosa; na yili ni lisosa: navutswa si va hulira.

¹³ Kigira yaga likuva lya Yahova li la va kuvo ndi, lilaga ku lilaga, lilaga ku lilaga; luvaso ku luvaso, luvaso ku luvaso; yiyi kikekeke, na yiyi kikekeke; va duke kutsia, nokugwa mugongo, nokuvunanywa, nokuhambwa nomutego, nokuvugulwa.

¹⁴ Kunangwa mu hulire likuva lya Yahova, mwinye avalegi, mwinye avamehanga ku avandu yava ava veyemu Yerusalemi:

¹⁵ Kigiramwa vola, Kwinye ku koli lilagana nelikudza, na ku hambana ne Kihadisi; liduya lizulira lwa li la vita hagati si li la duka ku kwimze; kigira ku lombi ububehi kuva hokwivisa hetu, na kwivisi isi wobugadi:

¹⁶ kunangwa kigira yaga Yahova Nyasaye a vola, Henza, mbikanga ligina mu Zioni li duke kuva muse, li veye ligina lya geridzwa, li ve ligina lyolwiga lwomuse, lyobuguli budinyu: na uyu u suuvira a ta kola bwangu.

¹⁷ Nda singeridza likalaga kuva ligera, nobulungi bu la singelidzua kuva iplum; na imbula vamagina i la hila kyokwivisa mu kyobubehi, namadzi ga lizulitsa kuvita hokwivisa.

¹⁸ Na lilagana lyenyu lya mu a lomba nelikudza li loneka, na lihambana lyenyu lya mua kola na Kihadisi si li la singira mba; liduya lizulira lwa li vita hagati, mwinye mu la duvagirwa isi walyo.

¹⁹ Tsinyinga tsyosi tsya ki vita hagati, ki la vugula mwinye; kigira ki la vita mugamba nomugamha, inyi nga yombasu na inyinga yobudiku; i la va litihidza lyere kumanya likuva.

²⁰ Kigira kitali ki veye kimbi kuduka mundu si a nyala kwinyira kukyo; nengubo yokwifuma si i veye nobuvamhalalu bwokuduka ku mundu kwelingira mu.

²¹ Kizira Yahova a la singira kuli mu kigulu kya Pera zim, a la va nobutima kuli mu livona lya Gibeon, a kole muyinzi gwigwe; muyinzi gwigwe mugeni; nokukola likola lilye, likola lilye ligeni.

²² Kunangwa kalunu mu ta va avalegi, gase viboheru vyenyu vi la vikwa tsingulu; kigira mbuliye makuva geli dividza ku lirova lyos ga twulanga ku Yahova, Yahova wa mahe.

²³ Mu tegidze amatu, mu hulire mwoyo gwange; mu huliridze, mu hulire livola lyange.

²⁴ Mulimi a limanga kazozo a duke kutaga? A veye mu lituula amakindi, nokukong'onda kazozo?

²⁵ Lwa a mali kuvusa mmoni mwekivala si a midza yiyi na yiyi tsimpindi, nokumidza bugutsa, nokumidza ingano mu tsimbaso, ne shairi mu bugono bwayo bwa lagwa, nobuswage bundi himbi nolwako?

²⁶ Kigira Nyasaye wewe a mu laga nga bulungi, nokumwegidza.

²⁷ Kigira tsimpindi si tsi huulangua nekindu kyogi, kandi ingida yeligari si i hilangwa yiyi na yiyi ku bugu tsa; navutswa tsimpindi tsi huulira ngwa nolusala, nobugutsa nempimbo.

²⁸ Na ingano yobukima i syezangwa kigira si ha la va nelihuula madiku gosi: kandi kali ingida yeligari lilye netsiparasi tsitsye tsi bu salannya, si a la gi sia.

²⁹ Yaga kandi ga twula ku Yahova wa mahe, a veye wa makuva wobugenyi, nowobulahi mu ubugeeri.