Isaya 2 - KITABU KITAKATIFU

¹ Yili ni likuva lya Isaya mwana wa Amozu ya lola mu makuva ga Yuda na Yerusalemi.

² Mmadiku gekiheri, kigulu kyenyumba ya Yahova ki la singeridzwa ku tsisonga tsyevigulu, nokugingwa igulu kuvita vigulu; na tsihiri tsyosi tsi la tsia ku tsimbiru.

³ Na tsihiri tsinyingi tsyavandu va la tsia noku vola, Hambi kwanegire, kutsia ku kigulu kya Yahova, kutsia ku inyumba ya Nyasaye wa Yakobo; na a la kwegidza mu tsinzira tsitsye, ku la genda mu tsinzira tsitsye: kigira amalago ga la twula mu Zioni, na likuva lya Yahova li la twula mu Yerusalemi.

⁴ Naye a la kalaga hagati hetsihiri, nokuha tsihiri tsinyingi tsyavandu amageli; navo va la tuula vivavi vyavo kuvikola tsimbago, na matimu gavo va la ga lomba tsinkonono; ihiri yiyi i la vula kuginga kivavi ku ihiri yindi, kandi va la vula kwega ubulwani.

⁵ O inyumba ya Yakobo, hambi, ku gende mu bulavu bwa Yahova.

⁶ Kigira ive u leki avandu vovo avenyumba ya Yakobo, kigira vizuye miima gyevugwe, navo va ng'oleranga ku malesi kuli Vafilisiti, na va huliri dzana navana vavageni.

⁷ Kivala kyavo kandi kizuye ifetha netha habu, nobutugi bwavo bwakiba si bu veye nekigero; kivala kyavo kizuye tsiparasi, na magari gavo gobulwani si ga veye nekigero mba.

⁸ Kivala kyavo kizuye vifwananyi vyokusiga mirwa; va sigamiranga miyinzi gyamakono gavo avene, vindu vyevidete vyavo vi lombi avene.

⁹ Na mundu munyaaviru yinaminyangwa, nomu ndu munene a gehidzangwa, kuna ngwa kigira yaga u ta va sameha mba.

¹⁰ Ingira mu lwanda, wevise mu lugukyi, ku litihidza lya Yahova, noku ubukumi bwobwami bwibwe.

¹¹ Tsimoni tsyavandu tsya diguluka tsi likidzwa hasi, noluyai iwavandu lu linaminywa, na Yahova yeng'ine a li diguluka mu lidiku yilyo.

¹² Kigira li la va ho lidiku lilala lya Yahova wa mahe, ku gosi agekirage na goluyai, noku gosi aga diguluka; ga likidzwa hasi;

¹³ kandi ku mita ragwa gya Lebanon mitambi, gyokutsia igulu, kandi ku misala gyosi gya Bashan,

¹⁴ noku vigulu vyosi vitambi, noku tugulu twosi twa tambiha

¹⁵ noku minara gyosi mitambi, noku madigi gosi getsingulu,

¹⁶ noku mato gosi ga Tarshishi, noku tsing'a no tsyosi tsi yanzeka.

¹⁷ Noluyai lwomundu lu linaminywa, nekirage kyavandu ki likidzwa hasi; na Yahova yeng'ine mu lidiku yilyo a la kumi nywa.

¹⁸ Na vifwananyi vyosi vi la hera ligali.

¹⁹ Navandu va lingira mu tsimbangaywa tsyetsinyanda, nomu malina gelirova, ku litihidza lya Yahova, noku bukumi bwobwami bwibwe, lwa a singira kudegeridza ligali lirova.

²⁰ Mu lidiku yilyo avandu va la sikisira tsimbuku na manyinya, vifwananyi vyavo vyefetha na vyethahabu, vya velombera avene kusigamira;

²¹ va duke kwi ngira mu tsimbangaywa tsyetsinya nda, nomu tsiimbwa tsyetsinyanda tsya dika, kutwula ku litihidza lya Yahova noku bukumi bwobwami bwibwe lwa a singira kudegeridza li gali lirova.

²² Mu leke umundu, wemiyika gyigye gyi veye mu amolo gege; kigira uyu a ganaganangwa a veye kindu ku inzira ki?