Isaya 14 - KITABU KITAKATIFU

¹ Kigira Yahova a la vererera Yakobo, na a la tovola Israeli, na a la va vika mu kivala kyavo: na mumenya a la hambana navo, va la hambana nenyumba ya Yakobo.

² Navandu vetsihiri va la va vugula, nokuvaleta mbugono bwavo; nenyumba ya Israeli i la va navandu yavo mu kivala kya Yahova, va ve avatugwa vavo navakana vatugwa vavo: na va la va hamba ubuhambe ava li avahambe vavo; va lameha ku yavo ava li avadambidzi vavo.

³ Na ga la duka mu lidiku yilyo lya Yahova a ku sosidza ku liverera lilyo, noku litihidzwa lilyo, noku butumekiri budinyu bwa wa tumekirwa,

⁴ ga la va u la vola lugano yilu ku mwami wa Babuloni, kuvola, Ai wa ku dambidza ya hera ndi lidala lyethahabu lya hera kuli ndi

⁵ Yahova ya vunannya midigiru gya vadamano, impimbo yobwami ya yavo avamehanga;

⁶ avakuya avandu nobutima ku likuya lyakazozo, vameha ku tsihiri mu butima, neli dambidza lyomundu a vula kwigalira.

⁷ Lirova lyosi li sosa, nokwelemereridza: va leterera tsinyimbu.

⁸ Yee, misala ku lugano lwemitaragwa gya sangalira ive, na misala gya Lebanon, gya vola, Kutwula lwa wa vikwa hasi, si ha veye nomundu mutemi wemisala u dukanga ku kwinye.

⁹ Kihadisi kya hasi kya sung'uswa kigira ive ki duke ku ku vuganira lwa udzanga; ki vukidzanga avukudzu kigira ive, kali vosi yavo avanene vomu lirova; ki vukidza avami vosi vetsihiri va twule ku tsintebe tsyavo tsyobwami.

¹⁰ Yavo vosi va la tivula nokukuvo lera, Ive kandi u gwiye mudedekere kuleng'ana nekwinye? Ive u gwiye lugano lulala nekwinye?

¹¹ Ubunene bubwo bwikidzeywi hasi mu Kihadisi, nemyoyo gyamamuga gogo: ing'ende i vagaywi isi wowo, netsing'ende tsi ku kuniki.

¹² Wagalulwa kuli ndi kutwula migulu, ive Lusiferi, mwana womugamba wa kalika kuli ndi kuduka hasi, ive wa vika tsihiri tsyosi hasi

¹³ Na wa vola mu mwoyo gugwo, Inze ndanegira kuduka migulu, nda ginga intebe yange yobwami igulu kuvita tsing'ering'ani tsya Nyasaye; na ndikala ku kigulu kyelivugana, mu tsimbega tsyekiheri kyakasikasini;

¹⁴ nda nina igulu kuvita ubwerefu bwamalesi; ndekola mwene kuva lugano lulala na uyu U Veye Igulu Ligali.

¹⁵ Navutswa u likidzwa hasi kuduka ku Kihadisi, kuduka ku tsimbega tsyekiheri ligali tsyobogo.

¹⁶ Yavo ava lolanga ive va la kwu mika ligali, nokukuganagana ligali, ni va vola, Uyu niye umundu wa degeridza lirova yili, uyu wa dege yidza ubwami bunyingi;

¹⁷ wa kola lirova kuva kuli kyangalangwi, noku tung'aminya madala galyo; uyu wa vula kuboholola avahambe veve vi rane wavo?

¹⁸ Avami vosi avetsi hiri, vosi ligali, va gona mu bukumi, sa mulala mu inyumba yeye mwene.

¹⁹ Navutswa ive u tebeywi kyova ihale nekilindwa kikyo kuli lusya lwokuvihiriridza, wa vikwa yavo aviitwa, yavo avatumitwa nekivavi, yavo avikanga mu magina gombogo; kuli mubiri mukudzu gwa duvagirwa hasi nevirenge.

²⁰ Ive si u la hambana navo mu litebwa mba, kigira wononnya kivala kikyo, wiiti avandu vovo; kisukululwi kya yavo ava kolanga ubudamano ki la vula kutalwa mihiga nemihiga.

²¹ Mu lungikidzire avana veve liitwa kigira ubudamano bwavadada vavo; va vule kusingira, nokugumira kivala, nokwizulitsa lirova amadala.

²² Na nda singira kuhing'ana navo, Yahova wa mahe a vola, nda kalaga kutwulidza ku Babuloni lieta nelitigala, na mwana muyai na mwisukulu, Yahova a vola.

²³ Na nda kola kivala yikyo ki gwe kivala kyevilungu vi menya mu, na madavalia: na nda kyeya na meyo agobwoneku, Yahova wa mahe a vola.

²⁴ Yahova wa mahe yisuha, na a vola, Ligali, kuli nda saavira, vi la va ndiyo; kuli ndalalira, i la singira ndiyo:

²⁵ nda vunannya Muasuria mu kivala kyange, nda mu duvagira isi wevirenge mu vigulu vyange: kunangwa inira yeye i la twula kuvo, nemisigo gyigye gyi la twula ku ma vega gavo.

²⁶ Lisaavira lya saavirwa ku lirova lyosi ni yili; nomu kono gwa nyirwa ku tsihiri tsyosi ni yigu.

²⁷ Kigira Yahova wa mahe wa saavira, nibwaha u la kola ga vule kuva? Nomukono gwigwe gwa nyirwa, nibwaha u girunkannya gwirane?

²⁸ Mu muhiga yigwo gwomwami Ahazu ya kudza lya li ho likuva yili liliduhu.

²⁹ U ta sangala, ive Filisitia, ive wosi, kigira impimbo ya ku kuya i vuniki; kigira mu kitinya kyenzoka, kihirigoma ki la twula mu, nolwivulo lwakyo lu la va inzoka yokubuluka yomuliru.

³⁰ Na wokutanga kwivulwa womudaka a la lia vyokulia, nomudambi a la gona hasi nemirembe; na ndiita kitinya kikyo nenzala, nelitigala lilyo li liitwa.

³¹ U kupe tsikwili, O kiribwa; u lire, O lidala; wa salaluka ku kama, O Filisitia, ive wosi; kigira mwoki gu twula kasika sini, na si ha veye nomundu kuvo u lyeyahula mu tsinyinga tsyagwo tsya lagwa.

³² Kunangwa mundu a la tivulira ndi avatumwa vehiri? A la vola, Yahova u temi muse gwa Zioni, na yavo va dambidzwa mu avandu veve va lirukira yo.