Isaya 12 - KITABU KITAKATIFU

¹ Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.

² Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

³ Kuna ngwa kigira yaga mwinye mu la daha amadzi nobuyanzi mu vidaho vyelihonywa.

⁴ Na mu lidiku yilyo mu la vola, Mu santidze Yahova, mwa nire lieta lilye, mu landidze vikolwa vivye mu tsihiri, mu vole lieta lilye lya nenehidzwa ligali.

⁵ Mwimbire Yahova; kigira u koli vikolwa vinene ligali: makuva yaga ga lande mu lirova lyosi.

⁶ U hanzuke ligali, kupe lwanga, ive u menyanga mu Zioni; kigira Mutakatifu wa Israeli a veye munene ligali hagati hoho.