Isaya 10 - KITABU KITAKATIFU

¹ Ubudamano bu ve ku yavo ava laganga amalago makyamu, na kuvo avang'odi ava ng'odanga makuva makyamu;

² kuduka kugiru nkanya mudaka a vule kunyola ubulungi bwibwe, nokutwulidza ubulungi bwavadaka va veye mu vandu vange, avakunzakali va duke kuva avaha mbe na va duke kukolaa vabisandu va ve vilanye

³ Na mu la kola ki mu lidiku lyokuhenzwa, nomu lidividza li la twula ihale? Mu lirukira ku bwaha kunyola bukonyi? Nobukumi bwenyu mu la bu vika haliha?

⁴ Bugira inze va linama isi wa vahambe, nokugwa isi wa yavo aviitwa. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

⁵ O ive Muasuria, u veye impimbo yobutima bwange, mundu wekivihiri kyange ki veye mukono gugwo

⁶ Nda mu tuma ku ihiri i kolanga kihenyahenye, nokumuha amalago ku avandu vobutima bwange, a vugule vilanye, nokugumira avahambe, nokuvaduvaga kuli amadohi ga mahasi.

⁷ Navutswa mwene si ya saavira ndiyo, nomwoyo gwigwe si gu gana gana ndiyo; navutswa mu mwoyo gwigwe a saavira kwononnya, nokuheridza tsihiri tsinyingi.

⁸ Kigira a vola, Avanene vange si va veye avami vosi?

⁹ Kalino si li veye kuli Karkemishi? Hamathu si li veye kuli Aripadi? Samaria si li veye kuli Da masko?

¹⁰ Kuli mukono gwange gu nyoye ubwami bwevifwananyi vi sigamirangwa, avevifwananyi vyavo vyokuvadzwa vya li vilahi kuvita vya Yerusalemi na vya Samaria;

¹¹ kuli nda kolera Samaria nevifwananyi vyalyo, si nda kola ndiyo Yerusalemi nevifwananyi vyalyo?

¹² Kigira yaga ga la va, lwa Yahova a mala kudukidza miyinzi gyigye gyosi ku kigulu kya Zioni noku Yerusalemi, nda kalagira makuyu gomwoyo mudinyu gwomwami wa Asuria, nobukumi bunene bwetsimoni tsitsye tsyobwegingiri.

¹³ Kigira a vola, Inze nkoli inkuva yiyi netsingulu tsyomukono gwange, nobugeeri bwange; kigira inze mbeye nelimanya linyingi: na nda twulidza tsinzako tsyavandu, nokwiba ubutugi bwavo bwakiba, na kuli muluviriri nzikidzi hasi avikalanga ku tsintebe tsyobuami:

¹⁴ mukono gwa nge gu nyoye ubutugi bwetsihiri; kuli mundu a vungidzanga amabuyu ga lekwa, ni ndiyo nda vungidza lirova lyosi: si ha li nomulala wa hungudza tsimbaha, kinga wa kunula munwa, kinga wa lira.

¹⁵ Imbadzi i liidzominya ku uyu u gi tumekiranga? Msameno gu liidzominya ku uyu u gu nyiranga? Kuli musala gu sung'usa yavo ava gu ginga, kinga kuli impimbo i ginga uyu u ta li musala.

¹⁶ Kigira yaga Yahova, Yahova wa mahe, a la hila ubung'afu bwingire mu vikomeru vivye; kandi isi wobukumi bwibwe li laakidzwa lisamba, kuli lisamba lyomuliru.

¹⁷ Na ubulavu bwa Israeli bu la va muliru na Mutakatifu a la va lumemo lwomuiiru; nalwo lu laaka nokusamba amafwa gege nolutavati lwilwe mu lidiku lilala.

¹⁸ Naye a la samba ubukumi bwomulitu bwibwe, nobwo mulimi gwigwe gwamanga ligali, mwoyo nomubiri gyombi: gu la va kuli uyu u ginga ibendera akudzanga mwoyo.

¹⁹ Nemisala gyomulitu gwigwe gyi la tigala gyi la va mikekeke, kali mwana a nyala kugyivalidza.

²⁰ Mu lidiku yilyo ga la va, avatigala va Israeli, na va hona avenyumba ya Yakobo, si va lesedema kandi ku uyu wa va kuya, navutswa va lesedema ku Yahova, Mutakatifu wa Israeli, mu ageligali.

²¹ Avati gala va lirana, navo na vatigala va Yakobo, va lirana ku Nyasaye Wa nyala Vyosi.

²² Kigira avandu vovo Israeli, kali ni va veye vanyingi kuli muyeke gwenyanza, avatigaye veng'ine va lirana: ubudividzi bu saaveywi, bwizuye du ubulungi.

²³ Kigira kiheri kya lagwa, Yahova, Yahova wa mahe, a la ki kola hagati helirova lyosi.

²⁴ Kunangwa kigira yaga Mwami Yahova wa mahe, a vola ndi, O avandu vange ava menyanga mu Zioni, mu ta tia Muasuria kali na a ku kuya nempimbo, na a ginga lusala wilwe ku ive, kuli miima gya Egepeti.

²⁵ Kigira ikikiri inyinga inkekeke ubutima bwange ku ive bu la heridzwa, nelivihirirwa lyange li la duka ku lidividzwa lilye.

²⁶ Kandi Yahova wa mahe a la vukidza liduywa kuye, kuli ya kola mu liitwa lya Mi diani ha lwanda lwa Orebu: nempi mbo yeye i la va igulu ku inyanza, na a la gi gingira kuli miima gya Egepeti.

²⁷ Na ga la duka ku lidiku yilyo musigo gwigwe gu la twula ku mavega gogo, nenira yeye i la twula kwigoti lilyo, nenira zana i lononywa nama guta.

²⁸ U duki Aiathu, u viti hagati ha Migiron; u viki viju vivye ha Miki mashi;

²⁹ vambuki inyambuku; va tsiye kugona ha Geba; Rama li degera; Gibea lya Saulo liruki.

³⁰ Kupa lwanga ligali nomwoyo gu gwo, O mukana wa Galimu hulira O Laishi O Anathothu wekivi l

³¹ Madimena no mwirukidzi; avandu va Gebim viruka.

³² Lidiku lya lero yili a la singira ha Nobu: a sima nomukono gwigwe ku kigulu kyomukana wa Zioni, kigulu kya Yerusalemi.

³³ Henza, Mwami, Yahova wa mahe, a la kalaga tsisya nelitihidza; navatambi va la temwa ligali, na veginga va likidzwa hasi.

³⁴ Na a la timula maginga gomulitu nekivya, na Lebanon gu la gwa ku mukono gwomulala wobunyali.