Hosea 9 - KITABU KITAKATIFU

¹ O Israeli, u ta sangala kigira busangali, kuli avetsihiri; kigira ive wa leka Nyasaye wowo, na wa tsia kulonda malaya, ive u yanzi madanyi ku tsindze tsyosi.

² Ulodze lwokuhuulira ku ubuswage, nekyokumina iwaini si vi nyala kuvalageridza, newaini impya i la geha kuye.

³ Si va la menya mu kivala kya Yahova; navutswa Efiraim a lirana Egepeti, na va la lagira ubukima bu ta li bulahi ha Asuria.

⁴ Si va la tsukira Yahova visyuviriru vyewaini, kandi si va la mu yanzidza: vihaanwa vyavo vi la va kuvo kuii ubukima bwa yavo ava syomanga; yavo vosi ava lagira va la kolwa vadamano; kigira ubukima bwavo bu la va ku inzala yavo; si bu lingira mu inyumba ya Yahova.

⁵ Mu la kola ki mwinye mu lidiku lyelivugana lyobutakatifu, nomu lidiku lyelilia lya Yahova?

⁶ Kigira, henza, va tsiye kutwula ku budivi; navutswa Egepeti ki la va vungidza, Memfisi li la va ta; vindu vyavo vilahi vyefetha, vi yanzidzanga, litambadza li la va nyola; mahema gavo ga la va na mafwa.

⁷ Madiku gelidukirwa lyavo ga duki, madiku gelitunga ga duki; Israeli a la manya: muprofeti a veye musiru, umundu a veye na roho a veye mulalu, kigira ubunyingi bwobudamano bubwo, kandi kigira ubusigu bu veyebunyingi.

⁸ Efiraim ya li mulindi halala na Nyasaye wange: ku makuva gomuprofeti, mutego gwomutegi wamanyonyi gu veye mu tsinzira tsitsye tsyosi, na busigu mu inyumba ya Nyasaye wewe.

⁹ Va mali kweyononnya ligali, kuli mmadiku ga Gibea: uyu a lidzulitsa ubudamano bwavo, naye a la vika ubwoni bwavo kuvo.

¹⁰ Nda nyola Israeli kuli mazabibu mwigendanyama; nda lola vaguga venyu kuli likuyu lyokutanga lyengi ku musala ku inyinga yalyo: navutswa va duka Baal-peoru, na vehaana avene ku kindu kyokuvihiriridza, navo va gwa avokuvihiriridza, kuli kindu kya va yanza.

¹¹ Ku makuva ga Efiraim, ubukumi bwavo bu la buluka kuli linyonyi: ulwivulu si lu la va ho mba, kinga u veye inda, kinga livereka.

¹² Kali ni va kulidza avana vavo, inze nda va visa avana vavo kuduka a vule kuva ho mundu mulala u tigala: yee, O bayaye kuvo lwa ntwula kuvo kuvaleka

¹³ Efiraim kuli nda lola Turo, na a simikwa halahi: navutswa Efiraim a la twulidza avana veve kuvahila ku mwiiti.

¹⁴ O Yahova, u va heu la va ha kindu ki? U va he inda yevihusu netsimbere tsinyumu.

¹⁵ Budamano bwavo bwosi bu veye mu Gilgali; kigira nda va dunyi'ra yo: kigira ubudamano bwelikola lyavo nda va kunga va twule mu inyumba yange: si nda va yanza kandi mba; avanene vavo vosi va veye avatingu.

¹⁶ Efiraim u duyeywi, kitinya kyavo kyumi, va la vula kwama makuyu kali lilala: yee kali ni vama inze ndiita lyama lyenda yavo li yanzangwa ligali.

¹⁷ Nya saye wange a la va ta, kigira si va mu hulira; navo va la va avokugendagenda mu tsihiri.