Hosea 3 - KITABU KITAKATIFU

¹ Na Yahova ya mbolera, Tsia kandi, u yanze mukali wa valina veve va yanzanga, naye a veye muheyi, kuli Yahova a yanzanga avana va Israeli, kali ni va girunkana nokulonda avanyasaye vandi, nokuyanza ubukima bwemizabibu myumu.

² Ma ndegulira mukali uyu nevidonye vyefetha likumi na vitano, nomudiema mulala gweshairi, nomudiema muke gweshairi;

³ na nda mu volera, U la lindirira inze madiku manyingi; u la vula kwekola wamalaya, na u la vula kuvamukali wowundi: na inze nda va ndiyo ku ive.

⁴ Kigira ayana va Israeli va la menya madiku manyingi bugira mwami, na bugira munene, na bugira kihaanwa, na bugira itiru, na bugira kisibao na bugira kifwananyi:

⁵ na lwenyima avana va Israeli va la galuka, nokwenya Yahova Nyasaye wavo, na Daudi mwami wavo, na va ladza nobutii ku Yahova noku bulahi bwibwe mmadiku gekiheri.