Haggai 1 - KITABU KITAKATIFU

¹ Mu muhiga gwa kaviri gwomwami Dario, mu mweli gwegyitano na mulala, lidiku lyokutanga lyomweli, likuva lya Yahova lya duka ku Zerubabeli mwana wa Shealitieli, wa li govuna wa Buyuda, noku Joshua mwana wa Jehozadaku, musalisi munene, ku munwa gwa Haggai muprofeti, kuvola,

² Yahova wa mahe a vola ndi, na a vola, Avandu yava va vola, Yiyi si i veye inyinga i dukira kwinye kuudza, si i veye inyinga yenyumba ya Yahova kwombakwa mba.

³ Hene yaho likuva lya Yahova lya duka ku munwa gwomuprofeti Haggai, kuvola,

⁴ Inyinga yiyi i dukiranga mwinye kumenya mu tsinyumba tsyenyu tsya vikwa tsimbao nenyumba yiyi i menyanga mu lisambuka?

⁵ Kunangwa kalunu kigira yaga Yahova wa mahe a vola ndi: Mu vike myoyo gyenyu ku tsinzira tsyenyu.

⁶ Mu midzi bugutsa bunyingi, na mu letanga vikekeke vutswa; mu litsanga, navutswa si mwigutanga; mu nwedzanga, navutswa vyokunwa si vi mu dukanga; mwivikanga tsingubo, navutswa si ha veye na u nyolanga uluya; na uyu u tungangwa mshahara, a tungangwa kuguvika mu imuya ya huduka.

⁷ Yahova wa mahe a vola ndi: Mu vike myoyo Isu tsinzira tsyenyu.

⁸ Mwanegire mu kigulu, mu lete misala, mwombake inyumba yiyi; na inze nda gi yanza, na nda kuminywa, Yahova a vola.

⁹ Mwinye mwa he nzerera vinyingi, na, henza, vya leta vikekeke vutswa; kandi lwa mwa vi leta mu nyumba, nda vi huudza. Kigira ki? Yahova wa mahe a teva. Ga veye kigira inyumba yange ya lekwa vutswa, lwa mwinye sa mulala a nyagula kutsia kunyumba yeye.

¹⁰ Kunangwa kigira mwinye ligulu ligalirwa li vule kuleta lime, nelirova li vule kwama makuyu.

¹¹ Na nda langa kimeyu ki duke ku kivala, noku vigulu, noku ubuswage, noku iwaini impya, noku maguta, noku vyamera, noku vandu, noku mitugu, noku mi yinzi gyosi gyamakono genyu.

¹² Hene yaho Zerubabeli mwana wa Shealitieli, na Joshua mwana wa Jehozadaku, musalisi munene, halala navatigala vosi vavandu, va hulira mwoyo gwa Yahova Nyasaye wavo, namakuva gomuprofeti, Haggai, kuli Yahova Nyasaye wavo ya mu tuma; navandu va tia imbiri wa Yahova.

¹³ Hene yaho Haggai, wa li mutu mwa wa Yahova, ya volera avandu, mu makuva ga Yahova, na a vola Inze mbeye halala nemwinye, Yahova a vola.

¹⁴ Na Yahova ya vukidza mwoyo gwa Zerubabeli mwana wa Shealitieli, wa li govuna wa Buyuda, nomwoyo gwa Joshua mwana wa Jehozadaku, musalisi munene, nemyoyo gyavandu vosi avatigala; navo va tsia ni va kola miyinzi mu inyumba ya Yahova wa mahe, Nyasaye wavo,

¹⁵ ku lidiku lya makumi gaviri na gane lyomweli, ku mweli gwegyitano na mulala, muhiga gwegyiviri gwa Dario mwami. Mu mweli gwegyitano na gyiviri.