Ezekieli 1 - KITABU KITAKATIFU

¹ Ma ga duka ku muhiga gwa makumi gavaka, mweli gwegyine, lidiku lya gatano lyomweli, lwa nda li hagati ha yavo avadikidzwa, ahimbi nomugera gwa Kebari, ligulu ligulika, na nda lola malola ga Nyasaye.

² Ku lidiku lya gatano lyomweli, nagwo gwa li muhiga gwegyitano gwelyadikidiwa lyomwami Jehoiakin

³ likuva lya Yahova lya duka ku Ezekieli musalisi, mwana wa Buzi, mu kivala kya Vakalidei himbi ku mugera gwa Kebari; nomukono gwa Yahova gwa li kuye ha zana.

⁴ Na nda lola, henza, imbuudza yekihudzudzi ya twula ku luvega lwa kasikasini, lilesi linene, halala nomuliru gwolumemo lwa gumirana, nobung'ering'anu bwa kumbiridza tsimbega tsyosi, na hagati hagwo ha li nekindu kuli ubwakanyu bwekivya, hagati homuliru zana.

⁵ Kandi ha gati hagwo lifwana lyevilombe vi veye mwoyo vine vya loleka ho. Liloleka lyavyo lya li ndi: Lya li nelifwana lyomundu;

⁶ kandi sa kilala kya li nommoni hali kane, na sa kilala kya li netsimbaha tsine.

⁷ Nevirenge vyavyo vya li virenge vilungi; netsinduvatiru tsyevirenge vyavyo tsya li kuli induvatiru yolu hagayu lwekimolu: navyo vya li vi ng'ering'ani kuli ligondo lyomugasa gu siyeywi.

⁸ Na vya li na makono kuli agomundu isi wetsimbaha tsyavyo ku tsimbega tsyavyo tsine; nevilombe vine yivyo vya li nommoni mwavyo netsimbaha tsyavyo:

⁹ netsimbaha tsyavyo tsya li ni tsya hambana yilu neyilu; navyo si vye girunkannya lwa vi tsitsanga; vi tsitsanga sa kilala kuhenza imbiri bulungi.

¹⁰ Ku makuva gelifwana lyommoni mwavyo; vya li nommoni mwomundu; navyo vya li nommoni mweking'ang'a ku luvega lwomukono mulungi; navyo vine vya li nommoni mweng'ombe ku luvega lwo mukono mmosi; navyo vine kandi vya li nommoni mwendidzu.

¹¹ Na mmoni mwavyo netsimbaha tsyavyo vya li nelyavukana igulu, tsimbaha tsiviri tsya sa kilala tsya hambana yilu neyilu, na tsiviri tsya kunika mibiri gyavyo.

¹² Navyo vya genda sa kilala kuhenza imbiri bulungi: ha roho gwenya kutsia, ni ho ha vya tsia; si vya girunkana lwa vya tsitsa nga imbiri.

¹³ Ku makuva gelifwa na lyevilombe vi veye mwoyo, liloleka lyavyo lya li kuli amanda gomuliru gaakanga, kuli liloleka lyolumuli lwekiyayi: muliru gwanegira nokuyera hagati hevilombe vi veye mwoyo; nomuliru gwaaka, noluheni lwa twula mu.

¹⁴ Nevilombe vi veye mwoyo vya nyagula yiyi nokwirana yiyi kuli liloleka lyenkupa lyoluheni.

¹⁵ Kunangwa lwa nda henza vilo mbe vi veye mwoyo, henza, ingida indala ya li ku lirova himbi nevilombe vi veye mwoyo, indala kuvye mmoni mwosi sa mulala mmoni mwavyo hali kane.

¹⁶ Neliloleka lyetsingida zana nelilomba lyatsyo lya li kuli iberulo: tsyosi tsine tsya li lugano lu lala, neliloleka lyatsyo nelilombwa lyatsyo lya li kuli ingida mugati mu yindi.

¹⁷ Lwa vya tsia imbiri, vya tsira ku tsimbega tsyavyo tsine: si vya girunkana mba lwa vya tsia imbiri.

¹⁸ Ku makuva go bwekudumbu bwatsyo, bwa li butambi na bwokutihidza; nevilombe vi veye mwoyo vine vya li nobwekudumbu bune bwizula tsimoni hosi.

¹⁹ Na lwa vilombe vi veye mwoyo vya tsia imbiri, tsingida tsya tsia ku tsimbega tsyavyo; na lwa vilombe vi veye mwoyo vya gingwa igulu kutwula hasi, tsingida kandi tsya gingwa.

²⁰ Hosi ha roho gwenya kutsia, niho ha vya tsia; niho ha roho gwenya kutsia: tsingida tsya gingwa igulu ahimbi navyo; kigira roho gwekilombe ki veye mwo; o gwa li mu tsingida yitsyo.

²¹ Lwa vya tsia imbiri, natsyo tsya tsia imbiri; na lwa vya singira, natsyo tsya singira; na lwa vya gingwa igulu, tsingida tsya gingwa himbi navyo: kigira roho gwekilombe ki veye mwoyo gwa li mu tsingida.

²² Kandi igulu womutwe gwekilombe ki veye mwoyo ha li nelifwana lyombwerefu, kuli lifwana lyamagina gembula lyokutihidza, lya vambulwa igulu wemitwe gyavyo.

²³ Kandi isi wobwerefu tsimbaha tsyavyo tsya nyirwa bulungi, lulala kuhenza ku lundi: sa kilala kya li na tsiviri tsya kunika mibiri gyavyo ku luvega yilu, na sa kilala kya li na tsiviri tsya kunika mibiri gyavyo ku luvega yilu.

²⁴ Na lwa vya tsia imbiri nda hulira muhumu gwetsimbaha tsyavyo kuli liluuma lwamadzi manene, kuli mwoyo gwa Wanyala; Vyosi, muhumu gwokulfwuma kuli muliviti gwelihe: na lwa vya singira, vyereridza tsimbaha tsyavyo.

²⁵ Kandi ha li nomwoyo igulu wobwerefu bwa li igulu wemitwe gyavyo: lwa vya singira vyereridza tsimbaha.

²⁶ Na igulu wobwerefu bwa li igulu wemitwe gyavyo ha li nelifwanana lyentebe yobwami, liloleka lyayo lya li ku liloleka lyeligina lya isafiro; noku lifwanana lyentebe yobwami zana ha li nelifwanana lyomundu kuyo.

²⁷ Na nda lola kuli ubwakanyu bwekivya, kuli liloleka lyomuliru mukyo kukumbiridza tsimbega tsyosi, kutwula ku liloleka lyekikenge kikye ku luvega lwegulu; nokutwula kuliloleka lyekikenge kikye ku luvega lwa isi nda lola kuli liloleka lyomuliru kandi ha li nobung'ering'anu bu mu kumbiridza.

²⁸ Kandi kuli liloleka lyekisahi kyembula ki veye mu lilesi mu lidiku lyembula, ni ndiyo kya loleka bung'ering'anu bwa kumbiridza tsimbega tsyosi. Lya li ndiyo liloleka lyelifwana lyobukumi bwa Yahova. Na inze nonoho lwa nda lola, nda gwa mammama, na nda hulira mwoyo gwomulala u volanga.