Ezara 7 - KITABU KITAKATIFU

¹ Inyima wevindu yivi inyinga yelyameha lya Aritashashita mwami wa Persia, Ezara mwana wa Seraia, mwana wa Azaria, mwana wa Hilikia,

² mwana wa Shalum, mwana wa Za doku, mwana wa Ahitubu,

³ mwana wa Amaria, mwana wa Azaria, mwana wa Meraiothu,

⁴ mwana wa Zera hia, mwana wa Uzi, mwana wa Buki

⁵ mwana wa Abishua, mwana wa Finehasi, mwana wa Eleazaru, mwana wa Haruni musalisi munene

⁶ uyu Ezara yanegira kutwula Babuloni. Naye ya li mung'odi musidza welilaga lya Musa, lya Yahova, Nyasaye wa Israeli, lya ya ha avandu: nomwami ya mu kolera kuli amateva gege gosi, kuli mukono gwa Yahova Nyasaye wewe gwa li kuye.

⁷ Na avalala ku avana va Israeli vanegira, noku vasalisi na Valevi, noku avimbi, na avalindi veviribwa, na Vanethini, kutsia Yerusalemi, ku muhiga gwe gyitano na gyiviri gwomwami Arita shashita.

⁸ Na Ezara ya duka Yerusalemi ku mweli gwegyitano, ku muhiga gwegyitano na gyiviri gwo mwami.

⁹ Kigira ya tanga kwane gira kutwula Babuloni ku lidiku lyokutanga lyomweli gwokutanga; na ya duka Yerusalemi lidiku lyokutanga lyomweli gwegyitano, kuli mukono mulahi gwa Nyasaye wewe gwa li kuye.

¹⁰ Kigira Ezara ya li ni ya yekidza mwoyo gwigwe a duke kwenya lilaga lya Yahova, nokuga kola, nokwegidza amalago nelikalaga mu Israeli.

¹¹ Na yaga na mang'oda agebaru wa yomwami Aritashashita ya ha Ezara musalisi, mung'odi, naye niye mung'odi wamakuva gelilaga lya Ya hova, na wamalago gege ga ya ha Israeli:

¹² Aritashashita, mwami wamavi, ibaruua yange yiyi i duka ku ive Ezara musalisi, mung'odi welilaga lya Nyasaye womigulu, mudukiru mirembe.

¹³ Mbaananga lilaga, vosi avavandu va Israeli, noku vasalisi na Valevi, mu bwami bwange, ava veye ni lisaavira lyobuyanzi bwavo avene va tsie Yerusalemi, va tsie halala nive.

¹⁴ Kigira ive, mwami na vavoli veve vatano na vaviri, va ku tuma, u duke kuteva makuva ga Yuda na Yerusalemi, kuli lilaga lya Nyasaye wowo li veye mmukono gugwo,

¹⁵ nokuhila ifetha netha habu, yomwami na vavoli veve va haana nomwoyo gwobuyanzi ku Nyasaye wa Israeli, welimenya lilye li veye mu Yerusalemi,

¹⁶ ne fetha yosi nethahabu yosi ya u li nyola mu kivala kyosi kya Babu Ioni, halala nevindu vyavandu, ne vyavasalisi, va li haana nomwoyo gwobuyanzi, vi ve kyenyumba ya Nyasaye wavo i veye Yerusalemi;

¹⁷ kunangwa ku vindu yivi u la gula bwangu, tsing'ombe, namagondi makole, navana vamagondi, halala nevihaanwa vyavo vyobusie, nevi haanwa vyavo vyokunwa, na u la vi haana ku bwali bwenyumba ya Nyasaye wenyu i veye Yerusalemi.

¹⁸ Noku butumiki bwosi ubwa u li lola kuva ubulahi ku ive noku va mwavo vovo kutumekira ifetha netha habu i tigala, mu kole yaga kuli ubulaliri bwa Nyasaye wenyu.

¹⁹ Na viju vya wa hebwa vi ve vyobutumiki bwenyumba ya Nyasaye wowo, u virannye imbiri wa Nyasaye wa Yeru salemi.

²⁰ Kandi ku vyosi vyenyu mba ya Nyasaye wowo i dakanga, kya ga dukiranga ive kuvihaana, u vi haane kutwula ku nyumba ya akiba yomwami.

²¹ Na inze, inze mwami Aritashashita, mbaananga lilaga nokuleta ku mwinye avalindi va akiba vosi ava veye engereka wo Mugera, ku vyosi kya Ezara musalisi, mung'odi welilaga lya Nyasaye womi gulu, yenya ku mwinye, ki kolwe a bwangu,

²² kali ni ki duka tsita ienta tsyefetha mia, na vigero vye ngano mia, na tsisiongo tsye iwaini rnia, na tsisiongo tsyamaguta mia, na munyu bugira kugera.

²³ Gosi ga Nyasaye womigulu ya laga, ga kolerwe inyumba ya Nyasaye womi gulu, nobudukiru; kigira ki ubutima bu ve ku bwami bwomwami navana veve?

²⁴ Kandi ku mannya mwi nye, ku makuva gavasalisi na Valevi, navokwimba, navalindi veviribwa, na Vanethini, kinga vatumekiri venyu mba yiyi ya Nyasaye, si ha veye nomunwa kuvatungidza kodi, kinga busutu, kinga mitungu.

²⁵ Na ive, Ezara, ku lilonda ubugeeri bwa Nyasaye wowo bu veye mmwoyo gugwo, u viki avakalagi, na avidzo dzi, va duke kukalagira avandu vosi ava veye engereka wo Mugera, yavo vosi ava manya amalago ga Nyasaye wowo; nokwegidza uyu wa vula kugamanya.

²⁶ Noku vosi u vula kwenya kutumekira amalago ga Nya saye wowo, namalago gomwami, a kalagirwa bwangu, ni ga veye ku liitwa, kinga ni ga veye agelyadikidzwa, kinga ni ya veye agelitungidzwa miyandu, kinga ni ga veye agelivikwa mbuhambe.

²⁷ A gasidzwe Yahova Nyasaye wavaguga vetu, wa vika kindu kuli yiki mu mwoyo gwomwami, kusiyaha inyumba ya Yahova i veye Yerusalemi:

²⁸ kandi ya ndukidzira tsimbabasi imbiri womwami, navavoli veve, na imbiri wavanene vosi vomwami avetsingulu. Kandi inze nda li netsingulu kuli mukono gwa Yahova Nyasaye wange ugwa li ku inze, na nda va vungidza mu Israeli avandu avanene ava lyanegira kutsia ninze.