Ezara 6 - KITABU KITAKATIFU

¹ Hene yaho mwami Dario ya laga, navo venya mu inyumba yevitabu vyetsinyinga, hevindu vya akiba vya vikwa mu Babuloni.

² Na kitabu kilala kya nyoleka ha Akimetha, mu inyumba yobwami ya li mu kivala kya Media, nomu kitabu zana kya li ni kya ng'odwa mu amakuva yaga kuva kyokwidzulitsa:

³ Mu muhiga gwo kutanga Rwomwami Kurusi mwami Kurusi ya laga lilaga yili: Ku makuva genyumba ya Nyasaye i veye ha Yerusalemi, inyumba yeyo yomba kwe, ha viitiranga vihaanwa, nemise gyayo gyi vikwe kuva midinyu ligali; budiguluku bwayo li ve ligera lyamakono amakumi gatano na lilala, nobugalamu bwayo amakono ma kumi gatano na lilala;

⁴ ku livika tsimbaso tsivaka tsyamagina manene noluvaso lulala lwemisala mihya, nemitungu gyayo gyi tungwe kutwula mu inyumba yomwami.

⁵ Kandi viju vyethahabu nevyefetha vyenyu mba ya Nyasaye, vya Nebukadine zaru ya twulidza mu litempeli li veye ha Yerusalemi, vya ya leta Babuloni vi galukidzwe, nokuhilwa kandi mu litempeli li veye ha Yerusalemi, sa kilala mbugono bwakyo, na u vi vike mu inyumba ya Nyasaye.

⁶ Kunangwa kalunu, ive Tatenai mwamehi wekivala ki veye engereka wo Mugera, na Shetharubozenai, na avakye venyu, Vaafarisaki, ava veye engereka wo Mugera, mwerehe mu ve ihale na ha zana:

⁷ mu leke miyinzi gyenyumba yiyi ya Nyasaye; mu leke mwamehi wa Vayuda nava kulundu va Vayuda vombake inyu mba ya Nyasaye ha bugono bwayo.

⁸ Halala na yaga mbaananga lilaga ku ga mu li kolera avakulundu va Vayuda kigira lyombakwa lyenyumba ya Nyasaye: mu vindu vyomwami, li vola li veye ku kodi yekivala ki veye engereka wo Mugera, avandu yavo va hebwa bwangu mitungu, va vule ku gayidzwa.

⁹ Noku vyosi kya va da ka, ku tsigiriki tsisoleli, noku mago ndi makole, noku avana vamagondi, vyevihaanwa vyokusambwa vyoku haana ku Nyasaye womigulu; nenga no nomunyu, na iwaini, na maguta, kuli vasalisi va veye ha Yerusale mi va li iola, va hebwe lidiku nelidiku ga ta vula kukolwa mba;

¹⁰ va duke kuhaana vihaanwa ku Nyasaye womigulu kuva muhomo gwokuya nzidza, nokusaalira livamwoyo lyo mwami, nelyavana veve.

¹¹ Kandi mbaananga lilaga, mundu ku vosi u li girunkannya likuva yili, mwaliru gu twulidzwe mu inyumba yeye, na mwene a sungwe ku, nenyumba yeye i kolwe isina kigira likuva yili:

¹² na Nyasaye u viki lieta lilye li menya ha zana u tung'aminye avami vosi netsihiri tsyavandu vosi, ava li nyira makono gavo kugirunkannya iikuva yili, nokwononnya inyumba ya Nyasaye i veye Yerusalemi. Inze Dario mbaani lilaga; na inkuva yiyi i kolwe bwangu.

¹³ Hene yaho Tatenai, mwamehi wekivala ki veye engereka wo Mugera, na Shetharu bozenai, na vakye vavo, va kola ndiyo bwangu, kigira mwami Dario ya tuma avandu kuvo.

¹⁴ Navakulundu va Vayuda vo mbaka nokugasidzwa, kigira lipro feta lyomuprofeti Hagai, na Zekaria mwana wa Ido. Na vombaka noku gimala, kuli liva lyamalago ga Nya saye wa Israeli, na kuli lilaga lya Kurusi, na lya Dario, na lya Arita shashita mwami wa Persia.

¹⁵ Na inyumba zana ya maliridzwa lyo mbakwa lyalyo ku lidiku lya kavaka lyomweli gwa Adari, nago ga li mu muhiga gwegyitano na mulala gwe lyameha lyomwami Dario.

¹⁶ Navana va Israeli, vasalisi na Valevi, navana vandi vosi avelyadi kidzwa, va gumira litakasa lye nyumba ya Nyasaye nobusangali.

¹⁷ Nomu litakasa lyenyumba lya Nyasaye va haana tsing'ombe mia, namagondi makole tsimia tsiviri, navana vamagondi tsimia tsine; kandi va haana tsikole likumi na tsiviri kuva kihaanwa kyobwoni kya Israeli vosi, kuli livalidzwa lyetsihiri tsya Israeli.

¹⁸ Va vika vasalisi mu tsikura tsyavo, na Valevi va va vika mu litovoka lyavo, va ve avobutumwa bwenyumba ya Nyasaye, ya li mu Yerusalemi; kuli ga ng'odwa mu kitabu kya Musa.

¹⁹ Navana velyadikidzwa va lomba lisavo lyelipasaka ku lidiku lyelikumi na gane lyomweli gwokutanga.

²⁰ Kigira vasalisi na Valevi va li ni va mali kwetakasa vosi halala; vosi va li avanifu: na viitira avana velyadikidzwa vosi lipasaka, kandi li ve lyavamwavo vavo avasa lisi na lyavene.

²¹ Navana va Israeli avirana kutwula wa vadiki dzirwa na yavo vosi ava li ni veyahula kuvo kutwula ku budamano bwetsi hiri tsya avekivala, va ve halala navo, mu lyenya Yahova, Nyasaye wa Israeli, va lia,

²² nokulomba lisavo lyobukima bu ta li namamera nobu sangali, madiku gatano na gaviri: kigira Yahova ya va sangalidza, nokugirunkannya mwoyo gwomwami wa Asuria gu yeke kuvo, a duke ku dinyeridza makono gavo ku miyinzi gyenyumba ya Nyasaye, Nyasaye wa Israeli.