Ezara 4 - KITABU KITAKATIFU

¹ Kunangwa avasigu va Yuda na Benjamini lwa va hulira avana ve lyadikidzwa vombakiranga Yahova; Nyasaye wa Israeli, litempeli;

² hene yaho visunda himbi ku Zerubabeli, noku mitwe gyetsinyumba tsyava guga, nokuvavolera, leki kwombake halala nemwinye; kigira kwinye kwenyanga Nyasaye wenyu, kuli mwinye mu kolanga; nokumiitira vihaanwa kutwula ku madiku ga Esarihadon mwami wa Asuria, wa ku leta kukuvika hano.

³ Navutswa Zerubabeli na Jeshua, na avandi ave mitwe gyetsinyumba tsyavaguga mu Israeli, va va volera, Mwinye si mu veye nekindu nekwinye mu lyomba kira Nyasaye wetu inyumba: navu tswa kwinye avene na avene ku lombakira Yahova, Nyasaye wa Isra eli, kuli mwami Kurusi mwami wa Persia ya ku laga.

⁴ Hene yaho avandu vekivala va kola makono gavandu va Yuda amadedekere, no kuvanyankidza lwa va li mu lyo mbaka,

⁵ kandi va laga avavoli kuhing'ana navo, va duke kugayidza lisaavira lyavo, madiku gosi ga Kurusi mwami wa Persia, kuduka inyinga yelyameha lya Dario mwami wa Persia.

⁶ Na inyinga yelyameha lya Ahasueru, mu litanga lyelyameha lilye, avandu yavo vang'oda makuva gokuyala avandu va Yuda na Yeru salemi.

⁷ Na mmadiku ga Aritashashita avandu yava Bishilam, na Mithire dathu, na Tabeeli, na avakye veve vandi va tigala, va ng'odera Ari tashashita mwami wa Persia; na mang'oda gebaruwa zana ga ng'odwa mu tsinduguta tsye Kisiria, na ya lang'aminya yago lya li mu lulimi lwe Kisiria.

⁸ Rehum munene wekina na Shimshai mung'odi, va ng'odera Aritashasbita mwami iba ruwa ku lugano yilu ku Yerusalemi:

⁹ ma Rehum munene wekina ya ng'oda na Shimshai mung'odi, na avakye vavo vandi, Avadinai, na Vaafarisathuki, na Vataripeli, na Vaaiarisi, na Vaarikevi, na Vababu loni, na Vashushaniki, na Vadehai, na Vaelam,

¹⁰ na avetsihiri tsindi tsya Osinapari munene wobukumi, ya leta, nokuvavika mu lidala lya Samaria, nomu vivala vindi vya tigala engereka wo Mugera, mirembe.

¹¹ Yaga nigo mang'oda gebaruwa ya va hilira Aritashashita mwami: Avatumekiri vovo avandu vengereka wo Mugera, mirembe.

¹² Ga ma nyekane ku ive mwami, Vayuda vanegira kutwula ku ive va duka ku kwinye ha Yerusalemi; vombakanga lidala lyobwebaali nelidamano, na va maliye madigi galyo, nokulomba mise gyalyo.

¹³ Ga manyekane kalunu ku ive mwami, lidala yili ni lyomba kwa, na madigi galyo ni ga malilidzwa, si va la tunga kodi kinga ubusutu, kinga mitungu, nenyima wago avami va la va vutswa.

¹⁴ Kunangwa kigira kwinye va ku litsanga munyu gwenyumba yobwami, si ga ku dukira kulola mwami ni yononywa, kigira yaga ku tumi nokuvolera mwami;

¹⁵ wenye mu kitabu kyetsinyinga tsyavaguga vovo: na ndiyo u la nyola mu kitabu zana kyetsinyinga, nokumanya lidala yili li veye lidala lyobwebaali, nelyokuleta ku avami ligota, noku vivala, kandi avandu yava va tanga bwebzali mbivala yivyo ku matsyambiri; nelidala yili lya dividzwa kigira yaga.

¹⁶ Ku mannya mwami, lidala yili ni lyomba kwa, na madigi galyo ni ga maliri dzwa, kigira yaga ive si u la va neki dieli kyekivala engereka wo Mugera mba.

¹⁷ Hene yaho mwami ya leta liti vula ku vanga Rehum munene, na Shimshai mung'odi, noku vakye vavo avamenyanga mu Samaria, nomu kivala kindi engereka wo Mugera: Mirembe.

¹⁸ Ibaruwa ya mwa nde tera ya mala kusomwa havulavu imbiri wange.

¹⁹ Na inze nda laga lyenya, na va mali kwenya, na ga nyoleki lidala yili ku matsyambiri lya li lyobwebaali ku avami, kandi bwe baali na kivihiri vya kolwa mulyo.

²⁰ Va li yo avami avanene ku Yerusalemi, avameha ku kivala kyosi engereka wo Mugera; na va hebwa kodi, nobusutu, na mitungu.

²¹ Ku nangwa kalunu mu lombe lilaga lyo kuniga avandu yavo va leke, na lidala yili li vule kwombakwa, kuduka lwa ndi haana lilaga, inze mwene.

²² Ka ndi mu gelihe mu ta va avagata mu inkuva yiyi: kigira ki ubwoneku bu medeka neligotidza lyavami?

²³ Hene yaho mang'oda gebaruwa yomwami Aritashashita lwa ya somwa imbiri wa Rehum, na Shimshai mung'odi, na vakye vavo, va tsia bwangu Yerusalemi ku Vayuda, noku valekidza miyinzi netsingulu noku vaniga.

²⁴ Ma miyinzi gyenyumbaya Nyasaye ya li mu Yerusalemi gya hera; na gya hera kuduka ku muhiga gwa kaviri gwelyameha lya Dario mwami wa Persia.