Danyeli 8 - KITABU KITAKATIFU

¹ Mu muhiga gwegyivaka gwelyameha lyomwami Belishazaru malola ga loleka ku inze, inze Danyeli, inyima wa yaga aga loleka ku inze inyinga yokutanga.

² Na nda lola mu malola; ga li ndi, lwa nda lola, nda li mu inyumba yobwami, Shushan, i veye mu iprovinse ya Elam; na nda lola mu lilola, nda li himbi mugera Ulai.

³ Hene yaho nda ginga tsimoni tsyange, ni ndola, henza, imbiri womugera lya singira ho ligondi likole, lya li netsinziga tsiviri; na tsinziga tsya li tsintambi; navutswa ulwiga lulala lwa tambiha kuvita lundi, na lu tambi lwa mera inyima.

⁴ Nda lola ligondi likole zana lyesunda ha luvega lwemadioli, kandi ha luvega lwa kasikasini na ha luvega lwa kusini; na si ha li netsinyama tsya nyala kusingira imbiri walyo, kandi si ha li na tsi nyala kusola kindu mu mukono gwalyo; navutswa lya kola kuli lya yanza, nokwenenehidza.

⁵ Kandi inyinga nda ganagana, henza, ikole ya twula madioli ku lirova lyosi, na si ya dira ku marova: na ikole ya li nolwiga lwobukumi hagati hetsimoni.

⁶ Na ya duka ku ligondi likole lya li netsinziga tsiviri, lya nda lola ni li singira himbi na mugera, na ya li twulira nobutima bwetsingulu tsyayo.

⁷ Na nda gi lola i duka himbi neligondi likole, kandi ya vihirirwa ligali, ya duya ligondi likole, nokuvunannya tsinziga tsyalyo tsiviri; na si ha li netsingulu mu ligondi likole kusingira imbiri wayo mba; navutswa ya li tula hasi ku lirova, nokuliduvaga; na si ha li netsya nyala kusola ligondi likole mu mukono gwayo mba.

⁸ Na ikole yenenehidza ligali: kandi inyinga ya duka kuva netsingulu, ulwiga lunene lwa vunannywa; na tsinziga tsine tsyobukumi tsya mera mu bugono bwalwo, na tsi henza ku tsimbuudza tsine tsyomigulu.

⁹ Na ku lwiga lulala kutsyo, lwiga lukekeke lwa mera, ku lwa viruka kuduka kuva lunene ligali, kuhenza ku luvega lwa kusini, kandi lwa ivugwe, kandi ku luvega lwekivala kyobukumi.

¹⁰ Na lwa medeka kugva lunene, kuduka ku lihe lyomigulu; na lwagulula hasi gandi ku lihe, noku tsing'ereng'ani nokutsiduvaga.

¹¹ Yee, lwenenehidza kuduka ku munene welihe; na lwa mu nyaga kihaanua kyokusambwa kya kazozo, na hatakatifu hehe ha tsomwa hasi.

¹² Na lihe lya vikwa mu mukono gwalwo halala nekihaanwa kyokusambwa kya kazozo kigira mahyolo; na lwa tsoma hasi ageligali, na lwa kola ubulaliri bwalwo nokumenya bulahi.

¹³ Ma nda hulira mutakatifu a volanga; na mutakatifu wundi ya volers uyu wa vola, Malola ga makuva gkihaanwa kyokusambu a kazozo, na ga mahyolo ga kola hatswa, nokuvika hatakatifu na lihe vi duvagwe, ga la duka inyinga ki?

¹⁴ Na ya mbolera, kuduka tsinyinga tsya mgolova netsya mugamba tsielfu tsiviri na tsimia tsivaka; ma hatakatifu ha la takaswa.

¹⁵ Na ga duka ku inze, kali inze Danyeli, lwa nda li ni ndoli malola, ndenya kugamanya, na henza, ya singira imbiri wange kuli liloleka lyomundu.

¹⁶ Na nda hulira mwoyo gwomundu hagati ho mugera gwa Ulai, gwa langirira, nokuvola, Gabirieli, Lungika mundu uyu malola.

¹⁷ Kunangwa yesunda himbi ha nda singira; na lwa ya duka himbi, nda li nobutii, na nda gwa hasi mammama: navutswa ya mbolera, U hulire, O ive mwana womundu; kigira malola yaga ga veye genyinga yekiheri.

¹⁸ Lwa ya volerana ninze, nda gwa mu tsindolo tsinene, na tsimoni tsyange tsya li tsi henzi hasi; navutswa ya ndira, na a nsingeridza bulungi.

¹⁹ Na ya mbolera, Henza, nda ku mannya aga liidza kuva ho inyinga yekiheri yobutima yeyo; kigira ga veye genyinga yekiheri ya lagwa.

²⁰ Ligondi likole lya wa lola, lya li netsinziga tsiviri, tsi veye avami va Media na Persia.

²¹ Na ikole ya amaswa i veye mwami wa Bugreki: na lwiga lunene lu veye hagati ha tsirnoni tsyayo lu veye mwami wokutanga.

²² Na ku yilu lwa vuna nywa, lwetsindi tsine tsya mera ha lwa li ho, ubwami bune bu la singira kutwula mu ihiri yeyo, navutswa si bwa li netsingulu tsitsye.

²³ Na mu inyinga yekiheri kyobwami bwavo, lwa avahyoli va mali kudukidzwa, mwami weligondo lilulu, kandi u hu liranga amakuva madinyu, a la singira.

²⁴ Na tsingulu tsitsye tsi la va tsinene ligali, navutswa si tsi la va netsingulu tsitsye mwene; na a la dividza neligennya, na a la menya bulahi nokukola ubulaliri buibwe; kandi a la dividza avetsingulu na avandu vatakatifu.

²⁵ Na ku miima gyigye a la kola ubugadi bu gase mu mukono gwigwe, na a lenenehidza mwene mu mwoyo gwigwe, na a la dividza avanyingi ava menyanga nelilemerwa: kandi a la singira kuhing'ana na Munene wa vanene; navutswa a la vunanywa bugira mukono.

²⁶ Na malola getsinyinga tsya mgolova netsya mugamba aga voleywi ga veye ageligali: navutswa ive u kunike malola; kigira ga veye genyinga ya madiku manyingi gadza nga.

²⁷ Na inze, Danyeli, ihuvuki ya mbuha, na nda lwala madiku ga duki; ma nda singira nokukola miyinzi gyomwami: na nda genyera malola yaga, navutswa si ha li nowa ga manya.