Danyeli 3 - KITABU KITAKATIFU

¹ Nebukadinezaru mwami ya lomba kifwananyi kyethahabu, ubutambi bwakyo bwa li mikono amakumi gatano na mulala, nobugalamu bwakyo bwa li gyitano na mulala: na ya ki singeridza mu kereremo kya Dura, mu iprovinse ya Babuloni.

² Ma inyinga yeyo Nebukadinezaru mwami ya tanga kuvungidza avanene, navanyampara, na vagovona na avakalagi, na avalindi vetsishilingi, na avakulundu, na avanene va mahe, na avamehi vosi vetsiprovinse, va duke mu litanga lyelisigamirwa lyekifwananyi kyomwami Nebukadinezaru ya singeridza.

³ Kunangwa avanene na avanyampara, na avagovona, na avakalagi, na avalindi vetsishilingi, na avakulundu, na avanene va mahe na avamehi vosi vetsiprovinse, va vungidzwa ku litanga lyelisigamirwa lyekifwananyi kya Nebukadinezaru ya singeridza; navo va singira imbiri wekifwananyi kyomwami Nebukadinezaru ya singeridza.

⁴ Kunangwa mugambi ya hanzuka na a gamba, Mu lageywi, mwinye avandu vetsihiri, navetsimpya tsyosi, navetsinimi tsyosi,

⁵ inyinga mu hulira mwoyo gwekisiliva, nogwelilere, nogwelidienyi, nogwekinangoli, nogwobukana, nogwekidulere, nogwetsing'ano tsyosi tsyevikupangwa, mu gwe hasi nokusi gamira kifwananyi kyethahabu kyomwami Nebukadinezaru ya singeridza;

⁶ na ku vosi u vula kugwa hasi nokusigamira, isaa zana a la te bwa mu kisambiru kyaakanga muliru ligali.

⁷ Kunangwa inyinga yeyo, avandu vosi lwa va hulira mwoyo gwekisiliva, nogwelilere, nogwelidieyi, nogwekinangoli, nogwobukana, no gwetsing'ano tsyosi tsyevikupangwa avandu vosi, na tsihiri, na tsinimi tsyosi, va gwa hasi, ni va sigamira kifwananyi kyethahabu kya Nebukadinezaru mwami ya singeridza.

⁸ Kunangwa inyinga zana, avalala ku Vakalidei visunda himbi, ni va yala avalala ku Vayuda.

⁹ Va tivula ni va volera mwami Nebukadinezaru O mwami, u hindire mihiga nemihiga.

¹⁰ Ive, O mwami, wa haana munwa, ku vosi mundu u hulira mwoyo gwekisiliva, nogwelilere, nogwelidienyi nogwekinang'oli, nogwobukana, nogwekidulere, nogwetsing'ano tsyosi tsyevikupangwa, ga mu dukira kugwa hasi nokusigamira kifwananyi kyethahabu;

¹¹ kandi ku vosi u vula kugwa hasi nokusigamira, a tebwe mu kisambiru kyaakanga muliru ligali.

¹² Va veye ho Avayuda valala ava wa vika ku makuva getsiprovinse ya Babuloni: Shadaraka, Meshaka na Abedinego; avandu yava, O mwa mi, va suye kuhulira ive: si va tume kira vanyasaye vovo, kandi si va sigamira kifwananyi kyethahabu kya u singeridzi mba.

¹³ Kunangwa Nebukadinezaru mu livihirirwa nomu butima bunene ya haana munwa kuleta Shadaraka, Me shaka, na Abedinego. Ma va leta avandu yava imbiri womwami.

¹⁴ Nebukadinezaru ya tivula na a va volera, Shadaraka, Meshaka, na Abedinego, Ga veye agelisaavira mwinye mu vule kutumekira munyasaye wange, nokusigamira kifwananyi kyethahabu kya nsingeridzi?

¹⁵ Kalunu ni mu va ni mwetegeki inyinga mu hulira mwoyo gwekisiliva, nogwelilere, nogweiidienyi, nogwekinang'oli, nogwobukana, nogwekidulere, nogwetsing'ano tsyosi tsyevikupangwa, mu gwe hasi nokusigamira kifwananyi kya nombi, nu bulahi: navutswa ni mu vula kukisigamira, mu la tebwa isaa zana yeyo, mu kisambiru kyaakanga muliru ligali; na munyasaye zana u nyala kumutwulidza mu makono gange, ni bwaha?

¹⁶ Shadaraka, Meshaka, na Abedinego va tivula, ni va volera mwami, O Nebukadinezaru, Si ku veye nelyenya kukutivulira ku likuva yili.

¹⁷ Ni ga va ni ga veye ndiyo, Nyasaye wetu wa ku tumekira a nyala kukuhonnya mu kisambiru kyaakanga muliru ligali; naye a la ku honnya mu mukona gugwo, O mwami.

¹⁸ Navutswa ni ga vula kuva ndiyo, ga manyekane ku ive, O mwami, si ku li tumekira vanyasaye vovo, kinga kusigamira kifwananyi kyethahabu kya wa singeridza.

¹⁹ Hene yaho Nebukadinezaru yizula ubutima ubululu, na ligondo lyommoni mumwe lya galula ku Shadaraka, Meshaka, na Abedi-nego: ma ya vola, na a laga va vike muliru ml: kisambiru nokumeda mu kuduka hal katano na kaviri kuvita gu vedzanga gwamadiku gosi.

²⁰ Kandi ya laga avandu valala avetsingulu avomu lihe lilye, va bohe Shadaraka, Meshaka na Abedinego, nokuva vika mu ki sambiru kyaakanga muliru ligali

²¹ Hene yaho avandu yava va bofwa ni vivika tsisuruhali tsyavo, na tsi joho tsyavo, na tsikanzu tsyavo na tsingubo tsyavo tsindi, ni va tebwa mu kisambiru kyaakanga muliru li gali.

²² Kunangwa kigira munwa gwomwami gwa li nobwangu, na ki sambiru kya li nomuliru ligali, ulu memo lwomuliru lwiita avandu yav ava gumira Shadaraka, Meshaka, na Abedinego.

²³ Na avandu yav; vavaka, Shadaraka, Meshaka, n; Abedinego, va gwa hasi mu libofw: hagati ha kisambiru, kyaakanga mu liru ligali.

²⁴ Hene yaho Nebukadinezaru mwami ya genya, na a singira bwangu: na a volera avakulundu veve, na a teva, Si kwa ta mu muliru ava ndu vavaka avabohe? Navo va tivula, ni va volera mwami, Ga veye ageligali, O mwami.

²⁵ Ya tivula na a vola, Henza, ndola avandu vane avaboholole, va vodonkana hagati ho muliru, muliru si gu va diye mba; na ligondo lya uyu wa kane li fwanana nelyomwana wa vanyasaye.

²⁶ Hene yaho Nebukadinezaru yesunda ha kiliango kyekisambiru kyaakanga muliru ligali: na a gamba, na a vola, Shadaraka, Meshaka, na Abedinego, mwinye avatumekiri va Nyasaye U Veye Igulu Ligali, mu twule, mudze yino. Ma Shadaraka, Meshaka, na Abedinego va twula hagati ho muliru.

²⁷ Na avanene, navanyampara, na vagovona, na avakulundu vomwami, ava li ni va vugani halala va lola ava ndu yava, kuva avo muiiru si gwa li netsingulu ku mibiri gyavo, na lisu lyavo lyoku mitwe lya vula kululwa, na tsisuruhali tsyavo si tsya galula, na lifunya lyomuliru si lya funya kuvo.

²⁸ Nebukadinezaru ya gamba na a vola, Nyasaye wa Shadaraka, Meshaka, na Abedinego, yidzominywe, u tumi ingelosi wewe, no kuhonnya avatumekiri veve ava mu suuvira, nokugirunkannya likuva lyomwami, nokuhaana mibiri gyavo, va vule kutumekiri nokusigamira munyasaye wundi, u ta li Nyasaye wavo.

²⁹ Kigira yaga inze mbaana munwa, ku tsihiri tsyosi, ku tsimpya tsyosi, ku tsinimi tsyosi, ava vola kindu kidamano ku Nyasaye wa Shadaraka, Meshaka, na Abedinego, va la kalagwa vidonye, na tsinyumba tsyavo tsi la kolwa isina; kigira si ha veye na munyasaye wundi u nyala kuhonnya kuli ndi.

³⁰ Ma mwami ya nenehidza Shadaraka, Meshaka, na Abedinego, mu iprovinse ya Babuloni.