Ayubu 9 - KITABU KITAKATIFU

¹ Hene yaho Ayubu ya tivula, na a vola,

² Ligali inze manya ga veye ndiyo: Navutswa mundu a vedzanga ndi wobulungi imbiri wa Nyasaye?

³ Na a va na a yanza kuhing'ana naye, Si a nyala kumutwulira kindu kilala mu tsielfu.

⁴ A veye wobugeeri mmwoyo, wobunyali mu tsingulu: Ni bwaha wekola kuva mudinyu kuye, na a gasidzwa?

⁵ U twulidzanga vigulu, navyo ni vi ta manya, Lwa u li vi tung'aminya mbutima bwibwe.

⁶ U sung'usanga lirova li twule ho bugono bwalyo, Tsitiru tsyalyo tsi degeranga

⁷ U laganga liuva, nalyo li vula kutonga, A vikanga muhuri ku tsing'ereng'ini.

⁸ Uyu weng'ine niye waala ligulu, Nokusena ku viguvuli vyenyanza;

⁹ Uyu a lombanga tsing'ereng'ani tsi langangu a Arkituru, na Orion, na Pleiades Netsinyumba tsya kusini;

¹⁰ Uyu wa kola vindu vinene vi ta manyika, Yee, vyokugenya vi ta valika.

¹¹ Henza, a vitanga himbi ku inze, na si mmu lola mba: Kandi a vitanga kutsia imbiri, na inze si mmu manya mba.

¹² Henza, u gumiye vilanye, ni bwaha u nyala kumugayidza? Ni bwaha u nyala kumuteva, U kolanga ki, ive?

¹³ Nyasaye si a twulidzanga ubutima bwibwe; Yavo avakonyi veve voluyai vinamanga isi wewe.

¹⁴ Nasindi inze nda mu tivulira ndi, Nokutovola makuva gange kuhangalidzana naye?

¹⁵ Uyu, kali inze ni mbeye wobulungi, nkano si nda ka mu tivulira; Nkano nda ka goonya mukalagi wange.

¹⁶ Mba nzaniye, nkano u ntivuliye, Navutswa nkano si nda ka suuvira u huliye mwoyo gwange.

¹⁷ Kigira yononyanga inze nekihi, Nokumeda tsing'oma tsyange bugira kivune.

¹⁸ Si a la ndeka kuheerana, Navutswa wizulitsa ku inze nekivi.

¹⁹ Ni ga va makuva ga valuviriri henza uyu a veve wetsingulu Ni ga va gelikalaga, Ni bwaha u mbikira inyinga yokuyalana?

²⁰ Kali ni mbeye mulungi, munwa gwange mwene gu la kalaga lihyolo ku inze: Kali ni mbeye mudukiru, munlla guange gu la lolekidza ku inze bukyamu.

²¹ Ni mba mudukiru, si nzimanya inze mwene; Ndeganga livamwoyo lyange.

²² Yaga gosi ga veye kindu kilala; kigira yaga mbola, Uyu a dividzanga yavo avadukiru navadamano.

²³ Lukova ni lu veye lwiita bwangu, Uyu a la kola kihenyehenyi ku liyalwa lya uyu u ta veye nelihyolo.

²⁴ Lirova yili li vikeye mmukono gwavadamano; Uyu a kunikanga mmoni mwa vakalagi valyo; Ni i va si a veye uyu u kolanga, a ka veye bwaha?

²⁵ Kalunu madiku gange ga veye netsimbiru kuvita munyaguli: Girukanga, si ga lolanga kilahi kali kilala.

²⁶ Ga mali kutsia kuli amato getsimbiru; Kuli indidzu yikanga ku kyokuhima kyayo.

²⁷ Ni mba ni mbola, Ndivirira likenya lyange, Nda leka ligondo lyelivererera, nda lema mwoyo;

²⁸ Ntidzanga liverera lyange lyosi, Mmanya ive si u la vola ku inze mbeye bugira lihyolo.

²⁹ Nda kalagirwa kuva namahyolo; Kunangwa kigira ki nyankananga vutswa?

³⁰ Kali ni nzisinga namadzi gelikonza, Nokutakasa makono gange kuduka kuva aga ta takaswa kuvita;

³¹ Halala na yaga u la nzina mu luhongo lwobudohi, Na tsingubo tsyange tsi la ndunyira.

³² Kigira uyu si a veye mundu, kuli inze, nduke kumutivulira, Ku duke kuvugana mu likalagana.

³³ Si ha veye nomulala u kalaga hagati hetu, A duke kuvika mukono gwigwe ku kwinye vombi.

³⁴ A twulidze ku inze impimbo yeye, Nelitihidza lilye li vule kuntihidza:

³⁵ Hene yaho nkano nda vola, na si nda mu tia; Kigira si mbeye ndiyo mu mwoyo gwange.