Ayubu 34 - KITABU KITAKATIFU

¹ Kandi Elihu ya tivula, na a

² Mu hulire makuva gange, mwinye avobugeeri; Mu tegidza amatu ku inze, mwinye avenelimanya.

³ Kigira ugutu gu geridzanga amakuva, Kuli tsintama tsi tsatsamanga vyokulia.

⁴ Kwetovolere agobulungi: Ku manye hagati hetu agobulahi.

⁵ Kigira Ayubu a voli, Inze mbeye mulungi, Na Nyasaye u nyad ubulungi bwange:

⁶ Kali ubulungi bwange ni bu veye ho, mbalidzeywi kuua mubehi; Ingwagu yange si i nyala kuhonywa, kali mbeye bugira mahyolo.

⁷ Ni mundu ki a veye kuli Ayubu, U nwedzanga kihenyahenye kuli amadzi,

⁸ U gendange mu livugana lya yavo ava kolanga ubwoni, Nokugenda halala navandu avadamano.

⁹ Kigira a volanga, Si ga konyanga mundu, Kweyanzidza na Nyasaye.

¹⁰ Kigira yaga mu hulire inze, mwinye avandu velimanya: Li ve ihale ku Nyasaye likola ubukyamu Noku Wanyala Vyosi, likola ubudamano.

¹¹ Kigira a la tunga mundu miyinzi gyigye, Na mundu sa mulala a la mu kola kunyola kuli tsinzira tsitsye.

¹² Yee, ligali, Nyasaye si a la kola ubukyamu, Kandi Wanyala Vyosi si a la kyaminya likalaga.

¹³ Nibwaha wa mu laga kuhenza kivala? Kinga ni bwaha wa vika lirova lyosi?

¹⁴ Na a va ni ya vika mwoyo gwigwe ku vandu, Na a va ni yevungidzira mwene roho wewe nomwika gwigwe;

¹⁵ Avembiri vosi va la diva halala Na vandu va lirana kandi kuva lugukyi.

¹⁶ Nu u ra nu u veye nelimanya, u hulire likuva yili: Hulira mwoyo gwamakuva gange.

¹⁷ A lameha kali mulala a dunyira agobulungi? Na ive u la kalagira wobulungi nowetsingulu kuva nelihyola?

¹⁸ Ga dukanga kuvolera mwami, U veye mudamano? Kinoa kuvolera avanene, Mu veye avakyamu?

¹⁹ Nasindi uyu u vulanga kwelidza myoyo gyavanene, Kinga kuhenza avatugi kuvita avadaka; Kigira yava vosi va veye miyinzigyamakono gege.

²⁰ Mu idagika indala va kudzanga, kali mbudiku hagati; Avandu va vungululangwa nokuvita. Avetsingulu va twulidzangwa bugira mukono.

²¹ Kigira tsimoni tsitsye tsi veye ku tsinzira tsyomundu, Na a lolanga ligenda lilye lyosi.

²² Si ha veye nekisundi kinga kiriri kyelikudza, Ha va nyolanga lyevisa, yavo ava kolanga ubukyamu.

²³ Kigira si a veye nelyenya lyokuganagana mundu kuvita A duke kutsia imbiri wa Nyasaye mu likalagwa.

²⁴ A donyanyanga avaluviriri ku tinzira tsi ta manyekana, Na a vikanga avandi mbugono bwavo.

²⁵ Kigira yaga a manya ligali likola lyavo; Na a va tung'aminyanga mbudiku, va duke kudiva.

²⁶ A va kuyanga kuli a kuvanga avakyamu Havulavu imbiri wetsimoni tsya vandi;

²⁷ Kigira va tsia haluvega ni va vula kumulonda, Na si va bugirira kugumira tsinzira tsitsye, kali indala kutsyo:

²⁸ Kuduka va kola lilira lyavadaka kuduka kuye, Na ya hulira lilira lya yavo ava dambidzangwa.

²⁹ Lwa a leta mirembe, ni bwaha a nyala kulola kuye ubudamano? Na lwa a visanga mmoni mwimwe ni bwaha u nyala kumulola? Na a va na ga lomberwa ihiri, kinga umundu, ga leng'ana:

³⁰ Mundu u vula kutia Nyasaye si yameha mba A ta va ho mundu kali mulala kutega avandu.

³¹ Kigira a veye ho mundu wa volera Nyasaye makuva yaga, Inze mbeveywi mageli, si ndona kandi mba:

³² Aga mbula kulola u nzegidze: Ni mba ni nkoli ubudamano, si nda bu kola kandi?

³³ Mitungu gyigye gyi la va kuli ive u yanza, kuduka ive u vule kugyisula? Kigira ga dukira ive kutovola, si a li inze mba: Kigira yaga vola aga u manya.

³⁴ Avandu va veye nelimanya va la mbolera, Yee, sa mulala wobugeeri u mbuliranga:

³⁵ Ayubu a volanga bugira kuva nelimanya, Namakuva gege si ga veye nobugeeri mba.

³⁶ Nkano Ayubu u geridzeywi kuduka ku kiheri Kigira litivula lilye kuli avandu avakyamu va tivulanga.

³⁷ Kigira a medanga ubwoni bwibwe nobwebaali; A kupanga makono hagati hetu Nokumeda makuva gege ku Nyasaye.