Ayubu 27 - KITABU KITAKATIFU

¹ Na Ayubu ya tsitsagil'la nolu gano lwilwe, na a vola,

² Kuli Nyasaye a veye mwoyo, wa twulidza likalagirwa lyange, Na Wanyala Vyosi wa kupidza mwoyo gwange kivi

³ (Kigira livamwoyo lyange li kikiri ligima mu inze, Na mwika gwa Nyasaye gu veye mu amolo gange);

⁴ Ligali minwa gyange gyi la vula kuvola bu ta li bulungi, Kandi lulimi lwange si lu la vola bugadi.

⁵ Ga ta va ku inze kuvola mwinye mu veye avalungi: Kuduka lwa nkudza si nda bugi rira kuta ubulungi bwange.

⁶ Ubulungi bwange mbu gumiye ligali, na nda vula kubuleka; Mwoyo gwange si gu la ngondo kera lwa mbeye mwoyo mba.

⁷ Musigu wange a ve kuli avadamano, Na uyu u senuka kuhing'ana ninze a ve kuli uyu u ta li mulungi.

⁸ Kigira lisuuvira lya uyu u vula kutia Nyasaye li veye ki, kali ni yenyolera vyambeti, Lwa Nyasaye a twulidza mwoyo gwigwe?

⁹ Nyasaye a la hulira lilira lilye, Lwa kivi ki duka kuye?

¹⁰ A leyanzidza mu Wanyala Vyosi, Nokwanira Nyasaye tsinyinga tsyosi?

¹¹ Inze ndegidza mwinye mu makuva gomukono gwa Nyasaye; Yaga ga veye halala na Wanyala Vyosi si nda ga visa mba.

¹² Henza, mwinye mwosi mu ga loli; Kunangwa kigira ki mwinye kuva ava vutswa ligali?

¹³ Yiki nikyo kidieli kyomundu mu damano imbiri wa Nyasaye, Na miyandu gyavadambidzi va li nyola gi twulanga ku uyu Wanyala Vyosi:

¹⁴ Avana veve ni va medeka va medekera kivavi; Na vivulwa kuye va la vula kwiguuta vyokulia.

¹⁵ Yava ava li tigala kuye va la tebwa mu likudza, Na vakunzakali veve va la vula kutemera.

¹⁶ Kali na a vungidza ifetha kuli lugukyi, Nokwelombera tsingubo kuli ma rova;

¹⁷ Namusia a la lomba, navutswa avalungi va la tsi vika, Na va ta li na mahyolo va la gavula ifetha.

¹⁸ Yombakanga inyumba yeye kuli tsisere, Kandi kuli lidiri lyomulindi a lombanga.

¹⁹ A gonanga hasi na a veye mutugi, navutswa si a la vungidzwa mba; A kunulanga tsimoni tsitsye, na si a veye ho mba;

²⁰ Vyokutihidza vi mu londanga, nokumunyola kuli amadzi manene; Kihi ki mwivanga kubia naye mbudiku.

²¹ Imbuudza yevugwi i mu hilanga kutsia naye, naye a twulanga; Nokumweya a twule mbugono bwibwe.

²² Kigira Nyasatle a la sikisa kuye, na si a la mu vererera mba: Nkano a yanza kwiruka a twule mmukono gwigwe.

²³ Avandu va la mu kong'ondera makono gavo, Nokumukunukira a twule mbu gono bwibwe.