Ayubu 14 - KITABU KITAKATIFU

¹ Mundu, womukali yivula, A veye wamadiku ga gehi na yizuye kivi.

² A lavidzanga kuli kimuli, ma a kalagwa: A nyagulanga kuli kiriri, si a singiranga mba.

³ Ive u kunula tsimoni tsitsyo kulola mulala u veye kuli ndiyo Nokuvika inze mu likalagirwa halala nive?

⁴ Ni bwaha u nyala kutwulidza kindu kinifu ku kidamano? Si ha veye nonyala.

⁵ Kigira madiku gege ga lageywi, Livalidzwa lyemyeli gyigye li veye halala nive, Na ive u viki tsinzako tsitsye tsya a ta nyala kuvita;

⁶ Henza ha luvega u ta mu henza mba, a duke kusosa, Kuduka lwa a dukidza lidiku lilye, kuli mutungwi.

⁷ Ku makuva gomusala, lisuuvira li veye ho, Ni gu temagwa, gu la sibuka kandi, Kandi kisibu kyagwo si ki la hera mba.

⁸ Kali umuri gwagwo gu kunguhanga mu lirova, Na kitinya kyagwo ki kudza mu marova;

⁹ Navutswa ni gu nyola lifunya lyamadzi gu la sibuka, Nokutwulidza tsisya kuli musala muvisi.

¹⁰ Navutswa mundu a kudzanga, na a vedzanga mudedekere: Vee, mundu a twulidzanga mwoyo, naye a veye haliha?

¹¹ Kuli amadzi ga twulanga munyanza, Na mugera gu gehanga nokukama;

¹² Ni ndiyo mundu a gonanga hasi na si a vuka kandi mba: Kuduka inyinga yeligulu li vula kuva ho, si va la vuka kandi, Kandi si va la vukidzwa kandi mu tsindolo tsyavo.

¹³ Nkano u mbisi mu Mung'ani, U nindi makiriri, kuduka lwobutima bubwo bu vita, U la ng'odera iny lga ya lagwa, nokunzidzulitsa

¹⁴ Mundu na a kudza, a la va mwoyo kandi? Nkano nda ka linda madiku gosi gobulwani bwange Kuduka libohololwa lyange li duke ku inze.

¹⁵ Ive nkano u lange, na inze nda bugirira: Nkano u kayirwa nemiyinzi gyamakono gogo.

¹⁶ Navutswa kalunu u validzanga tsinduvatiru tsyange: Si u veye nobulindi ku ubwoni bwange?

¹⁷ Lihyolo lyange li vikeywi umuhuri mu muya, Na u bohi ubudamano bwange.

¹⁸ Na kigulu ligali ni ki gwa si ki vedzanga kindu, Na lwanda lu twulidzangwa ha bugono halwo

¹⁹ Amadzi ga gehidzanga magina; Lizulira lyago li hilanga lugukyi lwelirova: Na ndiyo ive u dividzanga lisuuviridza lyavandu.

²⁰ Ive u mu guutanga :nadiku gosi, na a vitanga; U girunkanyanga ligondo lilye, nokumuhila a tsie.

²¹ Avana veve vayai va duka kwidzominywa, naye si a manya; Kandi va gehidzangwa, navutswa uyu si a manya yaga mba.

²² Navutswa mubiri gwigwe gu veye kuye, gu veye nobusaliri, Na mwoyo gwigwe gu syomanga muye.