Amosi 6 - KITABU KITAKATIFU

¹ O bayaye kuvo avelemeridzanga mu Zioni, kandi ku yavo ava menyanga nemirembe mu kigulu kya Samaria, avasatsa ava manyekana avehiri inene ku tsyosi, avenyumba ya Israeli yadza kuvo

² Mu vite kutsia Kaline mu lole; nokutwula yo mu tsie Hamathu linene; mu sulungute Gathu lya Vafilisiti; ubwami yibu bu veye bulahi kuvita yibu? Kinga lwako lwavo lu veye lunene kuvita lwenyu?

³ Mwinye ava vika ihale lidiku lidamano nokuleta himbi kisako kyekirage;

⁴ ava gonanga ku vitali vyamino genzogu, na venyirira ku vitali vyavo, na va lia vimeme vi twula mu kyayo, nevimoli vi twulanga mu kego;

⁵ na vimba tsinyimbu tsya vutswa, halala nemyo yo gyobukana; na vekongera avene ubukana lugano lugano kuli wa Daudi ya kola;

⁶ ava nwa iwaini mu lubagu, nobwevaka avene namaguta malahi kuvita gosi; navutswa si va verera kigira kivi kya Yosefa.

⁷ Kunangwa kalunu va hilangwa mbutugwa halala na yavo ava tanga kwadikidzwa; neliyoga lyobukino bwa yavo avenyiranga li la hera.

⁸ Mwami Nyasaye wesuhira, Yahova, Nyasaye wa mahe, a vola: Mbihirirwa luyai lwa Yakobo, nokudunyira tsinyumba tsyobwami tsitsye; kunangwa nda twulidza lidala halala na vyosi vi veye mulyo.

⁹ Na ga la duka, ni i va avasatsa likumi va tigala mu inyumba indala, va la kudza.

¹⁰ Na lwa mifwa womundu u li mbu gula, kali uyu u mu sambanga, kuvugula vigumba kutsia navyo kyova wenyumba, na a la teva uyu u veye mu inyumba, A ve yo wundi halala nive? Naye a la vola, Auwa, si a re ho; hene yaho a la vola, Kiring'ana; kigira si ku veye nomunwa kutala lieta lya Yahova.

¹¹ Kigira, henza, Yahova u haani lilaga, ku inyumba inene i la duywa i syavuke, nenyumba inkekeke i la duywa yadike.

¹² Tsiparasi tsi la nyagula ku lwanda? Mundu a la lima yo netsing'ombe? Mu duke kugirunkannya likalaga li ve indulwi, namakuyu gobulungi kuva vilulu,

¹³ mwinye ava mu sangaliranga mu kindu kya vutswa, ava vola, Si kwenyoleye tsinziga netsingulu tsyetu avene?

¹⁴ Kigira, henza, nda singeridza ihiri i duke ku mwinye, O inyumba ya Israeli, Yahova Nyasaye wa mahe, a vola; na va la ku dambidza kutwula ha bwi ngiriru bwa Hamathu, kuduka ku mugera gwe kereremu.