Amosi 5 - KITABU KITAKATIFU

¹ Mu hulire likuva yili lya mbola li ve lisyoma ku mwinye, O inyumba ya Israeli.

² Mukana mugima wa Israeli u gwiye; si a la vuka kandi: u tsomeywi hasi mu kivala kikye; si ha veye na wokumusingeridza.

³ Kigira Mwami Yahova a vola ndi: Lidala lya va twula mu elfu, va la tigala mu mia, na lya va twula mu mia, va la tigala mu likumi, ku inyumba ya Israeli.

⁴ Kigira Yahova ya volera inyumba ya Israeli ndi, Mwenya inze, na mu la va mwoyo;

⁵ navutswa mu tenya Betheli, kandi mu tingira mu Gilgali, na mu ta vita kutsia Beer sheba: kigira ligali Gilgali li la tsia mu butugwa, na Betheli li la va mwika vutswa.

⁶ Mwenye Yahova, na mu la va mwoyo; gase a laaka kuli muliru mu inyumba ya Yosefa, na gu la samba, na a la vula kuva ho u nyala kugusiminya mu Betheli.

⁷ Mwinye ava girunkannyanga likalaga kuva kilulu, nokutsoma hasi ubulungi;

⁸ mwenye uyu wa lombanga tsing'ering'ani tsya Pleiades na Orion, na ya girunkannya kiriri kyelikudza ki ve umugamba, nokukola mbasu kuva kisundi kyobudiku; u langanga amadzi genyanza, nokuga tsuka ku kivala (lieta lilye ni Yahova);

⁹ u letanga ubudivi bwa nonoho kuvo avetsingulu, kuduka budivi bu duka ku impinga.

¹⁰ Va dunyira uyu u lungikidza mu kiribwa, na va vihirirangwa uyu uvolangamakuvagobulungi.

¹¹ Kunangwa kigira mwa duvaga avadaka, nokuvatungidza ingano: mwombaki tsinyumba tsya magina ga vadzwa, navutswa si mu la menya mutsyomu simiki malimiru gemizabibu malahi, navutswa si mu la nwa iwaini yago mba.

¹² Kigira mmanya kuli mahyolo genyu ga veye tsing'ano tsinyingi, na bwoni bwenyu kuli bu veye bwetsingulumwinye ava da mbidza avalungi, ava vugulanga vikukula, nokugirunkannya avadambi ha kiribwa va vule kunyola bulungi.

¹³ Kunangwa u ve neliganagana a la kiring'ana inyinga kuli yiyi; kigira i veye inyinga indamano.

¹⁴ Mwenye bulahi, mu tenya budamano, mu duke kuva mwoyo; ni ndiyo Yahova, Nyasaye wa mahe, a la va halala nive, kuli mu vola.

¹⁵ Mu dunyire budamano, mu yanze ubulahi, nokusingeridza likalaga mu kiribwa: namusia Yahova, Nyasaye wa mahe, a la kolera yavo va tigala ku Yosefa, tsimbabasi.

¹⁶ Kunangwa Yahova, Nyasaye wa mahe, a veye Mwami, a vola ndi: Lisyoma li la va ho mu tsinzira tsingalamu; navo va la vola mu tsinzira tsyosi, O Bayaye bayaye na va la langa mulimi yadze kusyoma, navetsingulu tsyokulira vadze kulira.

¹⁷ Nomu malimiru gemizabibu li la va ho lilira; kigira nda vita hagati hoho, Yahova a vola.

¹⁸ O Bayaye ku mwinye ava mwenyanga lidiku lya Yahova Kigira ki mwenyanga lidiku lya Yahova? Li veye kisundi, si li veye ubulavu mba.

¹⁹ Kuli mundu yiruka king'ang'a, na ya vugana na iduba; kinga yingira mu inyumba na a dira mukono kwidigi, na inzoka ya mu luma.

²⁰ Lidiku lya Yahova si li la va kisundi, si li veye ubulavu? Yee, kisundi ligali, bung'ereng'anu si bu veye mulyo?

²¹ Inze ndunyiranga, nokulega madiku gelilia lyenyu, si nda sangalira mavugano genyu gobutakatifu.

²² Yee, kali ni mu mbaanira vihaa nwa vyenyu vyokusambwa, nevihaanwa vyenyu vyobusie, si nda vi vugula; kandi si nda henza vihaanwa vyenyu vyemirembe vyetsinyama tsyenyu tsinolu.

²³ Mu twulidze ku inze liyoga lyetsinyimbu tsyenyu; kigira si mbugirira kuhulira myoyo gyobukana bwenyu.

²⁴ Navutswa likalaga li sunduke kuli amadzi, nobulungi kuli mugera munene.

²⁵ Mwa ndetera vihaanwa nevisyuviriru mwigendanyama mihiga makumi gane, mwinye avenyumba ya Israeli?

²⁶ Yee, mwa ginga lihema lyomwami wenyu nenyumba yevifwananyi vyenyu, ing'ereng'ani ya munyasaye wenyu, ya mwelombera avene.

²⁷ Kunangwa nda mu hila mbutugwa ihale kuvita Damasko, Yahova, welieta lilye li veye Nyasaye wa mahe, a vola.