Amosi 4 - KITABU KITAKATIFU

¹ Hulira likuva yili, mwinye tsing'ombe tsya Bashan, ava veye mu kigulu kya Samaria, ava dambidza avadaka, na va duvaganga avadambi, mwinye ava voleranga vanene vavo, Mu lete, ku nwe.

² Mwami Nyasaye wisuhi ku butakatifu bwibwe, Henza, madiku ga la duka ku mwinye, aga va la mu hila netsinzago, na va tigala ku mwinye va la va hila netsinzaali tsyokulimbika tsisudzi.

³ Na mu la twulira ha huduka, avakali sa mulala a la tsia bulungi imbiri wewe; na mu lesigisa avene mu Harimon, Yahova a vola.

⁴ Hamba ha Betheli, mu kole mahyolo; hambi Gilgali, mu mede mahyolo; na mu lete tsisadaka tsyenyu mugamba nornugamba, netsizaka tsyenyu mu lete ku lidiku li kola gavaka;

⁵ mu haane kihaanwa kyokusantidza nekya vikwa mamera, na mu landidze gevihaanwa vyomwoyo gwobuyanzi noku gamba makuva gavyo: kigira yaga ga mu yanzidza, O mwinye avana va Israeli, Mwami Nyasaye a vola.

⁶ Inze mmu heye ubusiye bwa amino mu madala genyu gosi, na ligeha lyobukima mu tsingo tsyenyu tsyosi; navutswa si mwirani ku inze, Yahova a vola.

⁷ Kandi mmali kugaya imbula i ta kupa ku mwinye, lwa imyeli gyi tigaye gyivaka kuduka ligesa; na mmala kuleta imbula ku lidala lilala, nokugaya imbula i vule kukupa ku lidala lindi; kidieli kilala imbula ya kupa ku, na kidieli kya ya vula kukupa ku kya niala.

⁸ Kunangwa madala gaviri kinga gavaka ga tsia mu ligendagenda kutsia ku lidala lilala va duke kunwa amadzi, na si ga va duka mba: navutswa si mu galuki ku inze, Yahova a vola.

⁹ Nda mu kuya nekimeyu noluguku: nobunyingi bwemilimi gyenyu na malimiru genyu gemizabibu nemisala genyu gyamakuyu na mizeituni ge nyu, ubutsiriri bwa lia: navutswa si mu galuki ku inze, Yahova a vola.

¹⁰ Nda leta hagati henyu iplegi ku lugano lwa Egepeti: ndiita avasoleli venyu nekivavi, netsiparasi tsyenyu ntsi twulidzeywi ku mwinye; na nda kola lifunya lya hokusosa henyu kwa negira igulu nokwingira mu amolo ge nyu: navutswa si mu galuki ku inze, Yahova a vola.

¹¹ Avalala ku mwinye nda va tung'aminya, kuli lwa Nyasaye ya tung'aminya Sodoma na Gomora, na mwa duka kuva kuli isese ya vugulwa kutwulidzwa mmuliru gwaakanga: navutswa si mu galuki ku inze, Yahova a vola.

¹² Kunangwa kigira yaga nda ku kolera ndi, O Israeli; na kigira nda ku kolera yaga, wetegeke kulolana na Nyasaye wowo, O Israeli.

¹³ Kigira, henza, uyu wa lomba vigulu, nokulomba imbuudza, nokutivulira mundu ga a ganagana: u kolanga mugamba kugwa kisundi, nokuduvaga ha diguluku helirova Yahova, Nyasaye wa mahe, li veye lieta lilye.