2 Samweli 8 - KITABU KITAKATIFU

¹ Na ga duka inyima wa yaga Daudi ya lwana na Vafilisiti, na a va guuta: na Daudi ya vugula lijamu lyelidala linenel ku mukono gwa Vafilisiti.

² Na ya kuya Moabu, na ya gera nemigoye, na ya va niga va gone hasi; na ya va gera nemigoye gyiviri viitwe, nomugoye mulala mudukiru va lekwe mwoyo. Na Vamoabu va gwa avatumekiri va Daudi, ni va leta vihaanwa.

³ Daudi ya kuya kandi Hadadezeri, mwana wa Rehobu mwami wa Zoba, lwa ya tsia kwenyoiira miyandu gyigye ha Mugera.

⁴ Na Daudi ya mu nyaga avaskari vokunina tsifarasi, elfu ne tsimia tsitano ne tsiviri na vevirenge tsielfu makumi gaviri: Daudi ya tema tsiparasi tsyosi tsyamagari virenge, navutswa ya leka tsiparasi tsi duka magari mia.

⁵ Na lwa Vasuriai va Damasko va dza venya kusola Hadadezeri mwami wa Zoba, Daudi ya kuya Vasiria ava ndu tsielfu makumi gaviri na gaviri.

⁶ Hene yaho Daudi ya vika avaskari vo kulinda mu Siria nomu Damasko; na Vasiria va gwa avatumekiri va Daudi, ni va leta vihaanwa. Na Yahova ya ha Daudi liguuta hosi ha ya tsia.

⁷ Na Daudi ya vugula tsingavo tsyethahabu tsyavatumekiri va Hadadezeri, va li ni veyavala, na ya tsi leta Yerusalemi.

⁸ Kandi kutwula Beta na Berothai, amadala ga Hadadezeri, mwami Daudi ya vugula migasa minyingi.

⁹ Kandi Toi mwami wa Hamathu lwa ya hulira Daudi u kuyi lihe lyosi lya Hadadezeri,

¹⁰ hene yaho Toi ya tuma mwana wewe Joram ku mwami Daudi, kumuchelidza, nokumugasidza, kigira ya li na a lwani na Hadadezeri nokumuguuta: kigira Hadadezeri ya li nobulwani na Toi. Na Joram ya leta viju vyefetha, ne viju vyethahabu, neviju vyomugasa:

¹¹ viju yivi kandi mwami Daudi ya vi gima ku Yahova, halala nefetha nethahabu vya ya gima ku Yahova, vya twula ku tsihiri tsyosi tsya ya guuta;

¹² vya Siria, na Moabu, na vyavana va Amon, na vya Vafilisiti, na va Vaamaleki, nevilanye vya Hadadezeri, mwana wa Rehobu, mwami wa Zoba.

¹³ Na Daudi yenyolera lieta lwa yirana kutwula kuguuta Vasiria mu Livona lyo Munyu, va li avandu tsielfu likumi na tsitano na tsivaka.

¹⁴ Na ya vika avaskari kulinda mu Edom, mu Edom mwosi ya vika avaskari, navo vosi Vaedom va gwa avatumekiri va Daudi. Na Yahova ya ha Daudi liguuta hosi ha ya tsia.

¹⁵ Na Daudi yameha ku Israeli vosi; na Daudi ya singeridza likalaga lyobulungi ku avandu veve vosi.

¹⁶ Na Joabu mwana wa Zeruia ya li igulu ku lihe; na Jehoshafatu mwana wa Ahiludu ya li mwidzulitsi;

¹⁷ na Zadoku mwana wa Ahitubu, na Ahi meleku mwana wa Abiatharu, va li vasalisi; na Seraia ya li mung'odi;

¹⁸ na Benaia mwana wa Jehoiada ya li igulu ku Vakerethi na Vapelethi; navana va Daudi va li avanene vobwami.