2 Samweli 7 - KITABU KITAKATIFU

¹ Na ga duka, lwa mwami ya menya mu inyumba yeye, na Yahova ya mu ha bwelemeridzi ku avasigu veve vosi tsimbega tsyosi,

² hene yaho mwami ya volera Nathan muprofeti, Henza kalunu, inze mmenyi mu inyumba yemitaragwa, navutswa iisanduku lya Nyasaye li menyi mu tsingubo tsyokukinga.

³ Na Nathan ya volera mwami, Tsia, u kole gosi aga veye mmwoyo gugwo; kigira Yahova a veye halala nive.

⁴ Nobu diku yibwo, likuva lya Yahova lya duka ku Nathan, ni li vola,

⁵ Tsia u volere mutumekiri wange Daudi, Yahova a ku volera, Ive u la nyomba kira inyumba ya mmenya mu?

⁶ Kigira inze si mmenya mu inyumba kutwula ku lidiku lya ndanegeridza avana va Israeli kutwula mkivala kya Egepeti, kuduka lero, navutswa nda genda mu lihema nomu lihema litakatifu.

⁷ Hosi ha ng'endi halala navana va Israeli vosi, nda vola kindu ku ihiri sa indala ya Israeli, ya nda laga kwaya avandu vange Israeli, ni mu vola, Kigira ki mwinye mu vula kunyombakira inyumba yemisala gyemitaragwa?

⁸ Kunangwa kalunu u la volera mutumekiri wange Daudi, Yahova wa mahe a ku volera, Nda ku twulidza mu kego kyamagondi, noku lilonda magondi, u duke kuva umunene ku avandu vange, Israeli;

⁹ na nda li halala nive hosi ha wa tsia, na nda kalaga avasigu vovo va twule imbiri wowo; na nda ku lombera lieta linene, kuli lieta lya vanene va veye mu lirova.

¹⁰ Na nda laga ubogono bwavandu vange Israeli, na nda va simika, va duke ku menya mbogono bwavo avene, na va la vula kusundwa kandi; kinga avana vobudamano si va la va nyangi dza kandi mba, kuli matsyambiri

¹¹ kuli kutwula ku lidiku lya nda laga avakalagi va ve ku avandu vange Israeli; nda ku ha bwelemeridzi ku vasigu vovo vosi. Kuvita yaga Yahova a ku voleranga, Yahova a la ku lombere inyumba.

¹² Madiku gogo lwa ga duka ku ive kugona na vaguga vovo, nda singeridza ku visukululwi vivyo inyima wowo, vi li twula mmunda munwo, na nda dinyeridza bwami bwibwe.

¹³ Uyu a lombakira lieta lyange inyumba, na nda dinyeridza intebe yobwami bwibwe mihiga nemihiga.

¹⁴ Inze nda va dada wewe, naye a la va mwana wange: na a va na a kola budamano nda mu ha mageri nempimbo yava ndu, noku liduya lyavana vavandu;

¹⁵ navutswa tsimbabasi tsyange si tsi la twula kuye mba, kuli ndi tsi twulidza ku Saulo, wa ndavukannya a twule imbiri wowo.

¹⁶ Nenyumba yoyo nobwami bubwo vi la dinyeridzwa mihiga nemihiga imbiri wowo: nentebe yoyo yobwami i la dinye ridzwa mihiga nemihiga.

¹⁷ Kuli makuva yaga gosi, kandi kuli amalola yaga gosi, ni ndiyo Nathan ya volera Daudi.

¹⁸ Hene yaho Daudi mwami yingira, nokwikala imbiri wa Yahova; na a vola, Inze mbeye bwaha, O Yahova Nyasaye, nenyumba yange i veye bwaha, kuduka ive u ndeti hano?

¹⁹ Nenkuva yiyi ya li inke keke ligali imbiri wetsimoni tsitsyo O Yahova Nyasaye; navutswa ive u voye makuva genyumba yomutu mekiri wowo kuduka tsinyinga tsinta mbi tsidzanga; kandi yaga ga veye kuli miima gyavandu, O Yahova Mwami

²⁰ Inze Daudi nku volera kindu ki kandi? Kigira ive u manya inze mutumekiri wowo, O Yahova Mwami.

²¹ Kigira makuva gogo, na kandi kuli mwoyo gugwo mwene, ive u koli ubunene yibwo bwosi, u duke kumannya inze mutumekiri wowo.

²² Kigira yaga ive u veye munene, O Yahova Nyasaye: kigira si ha li nowundi kuli ive, kandi si ha li na Munyasaye wundi navutswa ive kuli gosi ga ku huliye namatu getu.

²³ Kandi ni ihiri ki mu lirova i veye kuli avandu vovo, kuli Israeli, ava Nyasaye ya tsia kwegulira va ve avandu veve, nokwenyolera lieta, nokumukolera vindu vinene, vindu vyokutihidza kigira kivala kikyo, imbiri wavandu vovo, ava wa gula va ve avovo kutwula Egepeti, kutwula mu tsihiri nomu vanyasaye vavo?

²⁴ Na wesingeridzira avandu vovo Israeli va ve avandu ku ive mihiga nemihiga; na ive, Yahova, wa duka kuva Nyasaye wavo.

²⁵ Na ka lunu, O Yahova Nyasaye, likuva lya u voye ku makuva gomutumekiri wowo, noku genyumba yeye, u li singeridze mihiga nemihiga, na u kole kuli u voye.

²⁶ Na lieta lilyo lidzo minywe mihiga nemihiga, kuvola, Uyu Yahova wa mahe, niye Nyasaye ku Israeli; nenyumba yomutumekiri wowo Daudi i la dinyeridzwa imbiri wowo.

²⁷ Kigira ive, O Yahova wa mahe, Nyasaye wa Israeli, u vuliye inze mutumekiri wowo, na u vola, Inze nda kwombakira inyumba: ki gira yaga inze mutumekiri wowo ndoli mmwoyo gwange nku saale lisaala yili.

²⁸ Na kalunu, O Yahova Mwami, u veye Nyasaye, makuva gogo na geligali, na u lagi mutumekiri wowo kindu kilahi yiki:

²⁹ kunangwa kalunu u yanze kugasidza inyumba yomutumekiri wowo, i duke kuhindira mihiga nemihiga imbiri wowo; kigira ive O Yahova Mwami, u voye likuva yili: nenyumba yomutumekiri wowo i gasidzwe kazozo, nobugasu bubwo.