2 Samweli 6 - KITABU KITAKATIFU

¹ Na Daudi ya vungidza kandi avandu vosi va Israeli, avatovolwa, avandu tsielfu makumi gavaka.

² Na Daudi ya singira, na a tsia halala navandu vosi ava li halala naye, kutwula Baaleyuda, a lete lisanduku lya Nyasaye, li langwa ne Lieta, livola li veye lieta lya Yahova lya mahe wikalanga hagati ha vakerubi.

³ Na va vika lisanduku lya Nyasaye ku ligari lihya, va li leta kutwula mu inyumba ya Abinadabu i veye ku kigulu: na Uzza na Ahio, avana va Abinadabu, va gendidza ligari lihya.

⁴ Na va li twulidza mu inyumba ya Abinadabu, i veye ku kigulu, halala nelisanduku lya Nyasaye: na Ahio yimira imbiri welisanduku.

⁵ Na Daudi nenyumba yosi ya Israeli va kina imbiri wa Yahova tsingano tsyosi tsyevindu Dyokukinu vya lombwa vyemisala gyolugano lwemitaragwa, nobukana, na madienyi, noku lugano lwetsisugudi namalele na tsing'imba.

⁶ Na lwa va duka ha lodze lwa Nakon, Uzza ya nyira mukono gwigwe kugumira lisanduku lya Nyasaye, na ya li gumira; kigira tsing'ombe tsi kigitala.

⁷ Ma ubutima bwa Yahova bwaaka ku Uzza; na Nyasaye ya mu kuya yo kigira lihyola lilye; na ya kudzira yo himbi nelisanduku lya Nyasaye.

⁸ Na Daudi si ya lola bulahi mba, kigira Yahova ya twulira Uzza; na ya langa ha zana Perezeuzza, kuduka lero.

⁹ Na Daudi ya tia Yahova lidiku yili; na ya vola, Lisanduku lya Yahova li la duka ndi ku inze?

¹⁰ Ma Daudi ya vula kubugirira kuleta lisanduku lya Yahova kuye kuduka mu lidala lya Daudi; navutswa ya li hila ha luvega mu inyu nba ya Obededom Mugiti.

¹¹ Na lisanduku lya Yahova lya li mu invumba ya Obed-edom Mugiti myeli gyivaka; na Yahova ya gasidza Obed-edom, nenyumba yeye yosi.

¹² Nomwami Daudi ya volerwa, Yahova u gasidzi inyumba ya Obededom, nevindu vyosi vya a veye navyo, kigira lisanduku lya Nyasaye. Na Daudi ya tsia na a leta lisanduku lya Nyasaye kutwula mu inyumba ya Obededom kulivika mu lidala lya Daudi nobusangali bunene.

¹³ Na ga duka, ava ginga lisanduku lya Yahova, lwa va tsia imbiri virenge vitano ne kilala, hene yaho yiita ing'ombe nekinetu.

¹⁴ Na Daudi ya kina imbiri wa Yahova netsingulu tsitsye tsyosi; na Daudi ya li neyivika kisibao kyekatani.

¹⁵ Ma Daudi nenyumba ya Israeli vosi va leta lisanduku lya Yahova halala nokukupa lwanga, nomwoyo gwekisiliva.

¹⁶ Na ga duka, lwa lisanduku lya mu lidirisha, na a lola mwami Daudi, Mikali mwana wa Saulo ya henzera mu lidirisha, na a lola mwami Daudi, na a tumatumanga nokukina imbiri wa Yahova; na ya mu lega mu mwoyo gwigwe.

¹⁷ Na vingiridza lisanduku lya Yahova, nokulivika mbugono bwalyo, hagati helihema lya Daudi ya li na a li singeridziye; na Daudi ya haana vihaanwa vyokusambwa, nevihaanwa vyemirembe imbiri wa Yahova.

¹⁸ Na lwa Daudi ya mala kuhaana vihaanwa vyokusambwa yivyo, nevihaanwa vyemirembe, ya gasidza avandu yavo mu lieta lya Yahova wa mahe.

¹⁹ Na ya haana ku avandu yavo vosi, kuli kuduka ku kiduma kyosi kya Israeli, avasatsa navakali, sa mulala ya hebwa imango indala yobukima, nekidonye kyenyama, na imango yamazabibu. Ma avandu yavo vosi va tsia, sa mulala ya tsia mu inyumba yeye.

²⁰ Hene yaho Daudi yirana a duke kugasidza avandu venyumba yeye. Na Mikali mwana wa Saulo ya twula kwaganira Daudi, na ya vola, Umwami wa Israeli a veye nobukumi kuli ndi lero, ya navula ingubo yeye lero imbiri wetsimoni tsyavakana vatugwa vavatumekiri veve, kuli mulala ku avoluyai yenavulanga bugira tsisoni

²¹ Na Daudi ya volera Mikali, Ga veye imbiri wa Yahova, uyu wa tovola inze imbiri wa dada wowo, na imbiri wenyumba yeye yosi, a duke kumbika kuva munene ku avandu va Yahova, igulu wa Israeli: kigira yaga nda kina imbiri wa Yahova.

²² Na inze nda meda kuva muyingu kuvita, nowokulegwa imbiri wetsimoni tsyange mwene: navutswa ku makuva gavakana vatugwa va ive u tali, kuvo nda va nelidzominywa.

²³ Na Mikali mwana wa Saulo ya vula kwivula kuduka likudza lilye.