2 Samweli 23 - KITABU KITAKATIFU

¹ Makuva yaga ga veye makuva gekiheri ga Daudi. Daudi mwana wa Jesse a volanga, Uyu mundu wa gingwa iguiu ligali a volanga, Mbake wa Nyasaye wa Yakobo, Mung'odi wetsizaburi tsyokuyanzidza tsya Israeli:

² Roho wa Yahova ya vola mu inze, Na likuva lilye lya li mu lulimi lwange.

³ Nyasaye wa Israeli ya vola, Lwanda lwa Israeli ya volera inze: Uyu wamehanga ku avandu nobulungi, Uyu yamehanga mu litibwa lya Nyasaye,

⁴ A la ra kuli ubulavu bwomugamba, lwa liuva li tonganga, Mugamba gu ta li namalesi, Lwa bunyasi budoto bu sebukanga mu kivala, Ku ling'ereng'ana lyabwo inyima yembula.

⁵ Ligali inyumba yange si i veye ndiyo ku Nyasaye; Navutswa u lombi ninze lilagana lyemihiga nemihiga, Lya lombwa mu vindu vyosi, ni li veye lye ligali: Kigira li veye ubuhonnyi bwange bwosi, nelyenya lyange lyosi, Kali ni ya li lomba li vula kukula.

⁶ Navutswa avadamano vosi va la va kuli amafwa ga sundangwa haluvega, Kigira si va nyala kugumirwa nomukono;

⁷ Navutswa umundu u ga dira, ga mu dukiranga A ve nekivya mmukono, noluvango lwelitimo: Navo va la sambwa ligali hango havo.

⁸ Avetsingulu ava Daudi ya li navo, ameta gavo ni yaga: Joshe bashebethu Mutakemon, munene wavanyampara; uyu niye Adino Muezin, ya giaga litimu ku avandu tsimia tsitano na tsivaka viitwa inyinga indala.

⁹ Inyima wa uyu Eleazaru mwana wa Dodo mwana wa Muahohi, wa li mu yavo avetsingulu vavaka ava li halala na Daudi, avekonya ku Vafilisiti lwa va vugana halala kulwana, navandu va Israeli va tsia ahandi.

¹⁰ Uyu ya singira, na a lwana na Vafilisiti kuduka mukono gwigwe gwa luha, nomukono gwigwe gwa handa ku kivavi; na Yahova ya kola ubu honnyi ubunene lidiku yilyo; nava ndu virana inyima wewe kulanya vutswa.

¹¹ Na inyima wa uyu Shama mwana wa Agee Muharari. Na Vafi lisiti va vugana halala mu lihe, homulimi gwa li gwa simikwa tsimpindi gwosi; navandu viruka imbiri wa Vafilisiti.

¹² Navutswa Shama ya singira hagati homulimi, na a gu sola, ni yiita Vafilisiti; na Yahova ya kola buhonnyi bunene.

¹³ Na vavaka ku vanene makumi gavaka, va sulunguta, ni va duka ku Daudi inyinga yeligesa mu luhanga ywa lwa Adulam; nekiduma kya Vafilisiti kya singeridza mahema mwivona lya Refaim.

¹⁴ Na Daudi, inyinga yeyo ya li mu lugaga lwa vasikari; navasikari va Vafilisiti va li mu Bethlehemu.

¹⁵ Na Daudi ya gumirwa nelikayirwa, na a vola, O mulala a mpe ku madzi gekidaho kya Bethlehemu, kya li himbi nekiribwa

¹⁶ Navetsingulu vavaka vaata hagati he lihe lya Vafilisiti, ni va daha ama dzi mu kidaho kya Bethlehemu, kya li himbi nekiribwa, na va ga hila ku Daudi: navutswa si ya bugirira ku ga nwa, navutswa ya ga sundula ha zana imbiri wa Yahova.

¹⁷ Na a vola, O Yahova inkuva yiyi i veye ihale ku inze, mbule ku gi kola: ga ndukira kunua masahi gavandu yava ava hila livamwoyo lyavo mu buhimwa? Kigira yaga si ya bugirira ku ga nwa. Ave tsingulu vavaka va kola yaga.

¹⁸ Kandi Abishai, amwavo Joabu, mwana wa Zeruia, niye wa li munene ku vavaka zana. Naye ya ginga li timu lilye kulwana navandu tsimia tsivaka na ya viita, na ya li nelieta mu yavo vavaka.

¹⁹ Si ya li wo kwidzominywa mu yavo vavaka? Kunangwa kigira yaga ya kolwa munyampara wavo: navutswa ya vula kuduka ku vavaka rokutanga.

²⁰ Na Benaia mwana wa Jehoiada, mwana womundu muluviriri wa Kabi zeeli, wa kola vikolwa vyokugenya, uyu y iita arana vaviri va Arieli wa Moabu: na yika kandi ni yiita king'a ng'a hagati holuhangaywa inyinga yenkindirira.

²¹ Nayiita Muegepeti wetsingulu: na Muegepeti zana ya li nelitimu mmukono gwigwe; navutswa ya sulunguta kuye nempimbo, na ya nyaga Muegepeti litimu mmukono gwigwe, na a mwiitira litimu lilye.

²² Benaia mwana ya Jehoiada ya kola vindu yivi, naye ya nyola lieta halala navetsingulu vavaka.

²³ Nave ya li nelidzominywa kuvita ava ma kumi gavaka, navutswa ya vula kuduka ku vavaka vokutanga. Na Daudi ya mu vika igulu ku valindi veve.

²⁴ Asaheli amwavo wa Joabu ya li mulala kuva makumi gavaka; Eli hanan mwana wa Dodo wa Bethle hemu,

²⁵ Shama Muharodi, Elika Muharodi,

²⁶ Helezu Mupaliti, Ira mwana wa Ikeshu Mutekoi,

²⁷ Abi ezeru Muanathothi, Mebunai Muhu shathi,

²⁸ Zalimon Muahohi, Ma harai Munetofathi,

²⁹ Helebu mwa na wa Baana Munetofathi, Itai mwana wa Ribai wa Gibea wavana va Benjamini,

³⁰ Benaia Mupira thon, Hidai wemigera gya Gaashu,

³¹ Abialibon Muaribathi, Azimave thu Mubarihum,

³² Eliaba Mushaa libon, avana va Jashen, Jonathan,

³³ Shama Muharari, Ahiam mwana wa Sharari Muarari,

³⁴ Elifeleti mwana wa Ahasabai, mwana wa Mumaakathi, Eliam mwana wa Ahi thofeli Mugilon,

³⁵ Hezero Muka rimeli, Paarai Muaribi,

³⁶ Igali mwana wa Nathan wa Zoba, Bani Mugadi,

³⁷ Zeleku Muamon, Na harai Mubeerothu, avagingira Joabu mwana wa Zeruia vyuma vivye.

³⁸ Ira Muithiri, Garebi Muithiri.

³⁹ Uria Muhiti: avandu makumi gavaka na vatano na vaviri.