2 Samweli 13 - KITABU KITAKATIFU

¹ Na ga duka inyima wa yaga, Abisalom mwana wa Daudi ya li na mbotso mulahi ligali, wa langwa Tamaru; na Amnon mwana wa Daudi ya mu yanza.

² Na Amnon yesaleridza kigira uyu Tamaru mbotso wewe kuduka ya gwa mulwaye; kigira mukana uyu ya li mugima; na Amnon ya lola nenkuva indinyu kuye kumukolera kindu.

³ Navutswa Amnon ya li nomulina wewe, wa langwa Jonadabu, mwana wa Shimea, amwavo wa Daudi: na Jonadabu ya li mundu mugalama ligali.

⁴ Naye ya volera Amnon, Kigira ki ive, O mwana womwami, u ng'ahanga ndi lidiku nelidiku? Si u la mbolera? Na Amnon ya mu volera, Inze nyanza Tamaru, mbotso wamwavo wange Abisalom.

⁵ Na Jonadabu ya mu volera, Gona ku kitali kikyo, wekole kuli mulwaye: na lwa dada wowo yadza kukulola, u mu volere, U lete mbotso wange Tamaru yadze, mwadza, a mbe ubukima ndagire, naye a lombe ubukima imbiri wetsimoni tsyange, nduke kubulola, ndagire mmakono gege.

⁶ Na Amnon ya gona, na yekola kuli mulwaye: nomwami lwa ya tsia kumulola, Amnon ya volera mwami, Mwadza u lete mbotso wange Tamaru, yadze a nombere ubukima tsimango tsiviri irnbiri wetsimoni tsyange, nduke kulagira mmakono gege.

⁷ Na Daudi ya tuma mundu ku Tamaru, mu inyumba, na a vola, Kalunu u tsie mu inyumba ya mbotso wowo Amnon, na u mu lombere vyokulia.

⁸ Na Tamaru ya tsia mu invumba ya mbotso wewe Amnon na ya li na a goni ku kitali. Mukana uyu ya vugula kinoko, na a ki lomba, nokuluga ubukima imbiri we tsimoni tsitsye, ni yominya tsimango.

⁹ Naye ya vugula isahani na ya sunda ubukima imbiri wewe; navutswa ya sula kulia. Na Amnon ya vola, Avasatsa vosi va twula imbirt wange. Na va twula kuye avasatsa vosi.

¹⁰ Amnon ya volera Tamaru, Leta vyokulia mu inyumba, ndagire mu mukono gugwo. Na Tamaru ya vuguia ubukima bwa ya lomba, na a bu leta mu inyumba ku mbotso wewe Amnon.

¹¹ Na lwa ya bu leta himbi kuye a duke kulagira, Amnon ya gumira mukana, na a mu volera, Hamba u gone ninze, mbotso wange.

¹² Naye ya tivula, Auwa, mbotso wange, u ta nniga, kigira si ga du kanga inkuva kuli yiyi kukolwa mu Israeli: u ta kola ubusiru yibu mba.

¹³ Na inze, nda tsia hai netsisoni tsyange? Noku ive, u la va kuli mulala ku avasiru mu Israeli. Kunangwa kalunu, nku goonya, u volerane nomwami; naye si a la ku gaya mbule kuudza ku ive.

¹⁴ Navutswa si ya bugirira kuhulira mwoyo gwomukana; navutswa kigira ya li netsingulu kumuvita, ya mu niga, na a gona naye.

¹⁵ Ma Amnon ya mu dunyira neli dunya linene; kigira ubudrmyi bwa ya mu dunyira bwa li bunene kuvita ubuyanzi bwa ya mu yanza ku matsyambiri. Na Amnon ya volera mukana, Singira, u tsie.

¹⁶ Naye ya mu volera, Auwa, si ga li ndiyo, kigira ubudamano ubunene yibu bwokunkunga kyova bu rita bwa wa nkolera. Navutswa ya vula kumuhulira.

¹⁷ Hene yaho ya langa mutu mekiri wewe wa mu tumekiranga, na ya mu volera, Twulidza mukana uyu a twule ku inze, na u vasire muliangu inyima wewe.

¹⁸ Nomukana uyu ya li ni yeviki ingubo yamagondo lu gano lugano; kigira gwa li mwima gwavakana avagima vomwami kwivika tsingubo tsyolugano yilu. Kunangwa mutumekiri wewe ya mu twulidza, na a vasira naliango inyima wewe.

¹⁹ Na Tamaru yevika ligoke ku mutwe gwigwe, na a tandula ingubo yeye yamagondo lugano lugano ya yevika; na yavika mukono ku mutwe gwigwe, na a tsia, na a lira nomwoyo munene, na a genda.

²⁰ Abisalom mbotso wewe ya mu teva Mbotso wowo Amnon ya li halaia nive? Navutswa kalunu ki ring'ana, mbotso wange: kigira a veye mbotso wowo; u ta vika inkuva yiyi mu mwoyo. Ma Tamaru ya menya mu inyumba ya mbotso wewe Abisalom, na a veye mudedekere.

²¹ Navutswa mwami Daudi lwa ya hulira makuva yaga gosi, ya vihirirwa ligali.

²² Na Abisalom si ya volera Amnon ubulahi kinga ubudamano; kigira Abisalom ya dunyira Amnon, kigira ya niga mbotso wewe Tamaru.

²³ Na ga duka inyima wemihiga gyiviri, Abisalom ya li navandu avo kukalaga bwoya bwamagondi mu Baalhazoru, lya li himbi Efiraim: na Abisalom ya langa avana vayai vomwami vosi.

²⁴ Na Abisalom ya tsia ku mwami, na a mu volera, Inze mutumekiri wowo mbeye na vandu vokukalaga bwoya bwamagondi; mwadza, ive kandi mwami udze, navatumekiri vovo, halala ninze mutumekiri wowo.

²⁵ Nomwami ya volera Abisalom, Auwa, mwana wa nge, ku ta tsia kwosi, gase ku la ku yekera. Naye ya mu goonya: navu tswa ya vula kubugirira kutsia, navutswa ya mu gasidza.

²⁶ Ma Abi salom ya vola, Ni i va u vula kuudza, mwadza, leka amwavo wange Amnon yadze na kwinye. Nomwami ya mu teva, Yadze halala nive kigira ki?

²⁷ Navutswa Abisalom ya mu goonya, naye ya leka Amnon na vayai vandi vosi vomwami va tsie halala naye.

²⁸ Na Abisalom ya laga avatumekiri veve, na a vola, Henzi kalunu, Amnon lwa mwoyo gwigwe gu sangala kigira iwaini; na lwa mbolera mwinye, Kuyi Amnon, hene yaho mu mwiite; mu ta tia mba; si a ve inze u mu laga? Mu lume enkolo, mu ve avaluviriri.

²⁹ Ma vatu mekiri va Abisalom va kolera Amnon kuli Abisalom ya va laga. Hene yaho avayai vomwami vosi va singira sa mulala ya nina inyumbu yeye ni yiruka.

³⁰ Na ga duka, inyinga ya va li ku inzira, Daudi ya hulira makuva, ku vola, Abisalom wiiti avayai vomwami vosi, si ya tigala kali mulala kuvo mba.

³¹ Hene yaho umwami ya singira na a tandula tsingubo tsitsye, na a gona hasi; avatumekiri veve vosi va singira himbi kuye, netsingubo tsitanduki.

³² Na Jonadabu, mwana wa Shimea, amwavo Daudi, ya tivula na a vola, Munene wange a ta ganagana wiiti avasoleli vosi vomwami; kigira ni Amnon yeng'ine u kudzi: kigira ku litovola lya Abisalom lya saavirwa kutwula ku lidiku lya ya niga mbotso wewe Tamaru.

³³ Kunangwa kalunu munene wange umwami a ta vika inkuva yiyi mu mwoyo gwigwe ligali, kuganagana avayai vomwami vosi va kudzi; kigira ni Amnon weng'ine u kudzi.

³⁴ Navutswa Abisalom yiruka. Nomusoleli wa li nobulindi ya ginga tsimoni tsitsye, na a lola, henza, avandu vanyingi vadzanga ku inzira yoku luvega lwomugongo gwekigulu.

³⁵ Na Jonadabu ya volera mwami, Henza, avayai vomwami vadzanga: kuli inze mutumekiri wowo ya vola, ga veye ndiyo.

³⁶ Kandi ga duka, nonoho lwa ya mala kuvola, henza, avayai vomwami va duka, navo va ginga myoyo gyavo, ni va lira: nomwami navatumekiri veve vosi va lira ligali.

³⁷ Navutswa Abisalom yiruka, na a tsia ku Talmai wa Amihuri, mwami wa Geshuru. Na Daudi ya syomera mwana wewe madiku gosi.

³⁸ Ma Abisalom yiruka, na a tsia Geshuru, na a menya yo mihiga gyivaka.

³⁹ No mlrouo guomwami Dnudi gwa kayirwa kutwula kutsia ku Abisalom: kigira ya nyola busosi bwomwoyo kigira Amnon, kigira ya mala kukudza.