2 Kyetsinyinga 9 - KITABU KITAKATIFU

¹ Kandi mwami wekivala kya Sheba lwa ya hulira luyaali lwa Solo moni, yadza ha Yerusalemi kugeridza Solomoni na mateva madinyu, ya li nekiduma kinene ligali, netsing'amia tsya ginga viseve vi funya mwayu nobunyingi bwethahabu, na magina gobuguli budinyu: lwa ya duka ku Solomoni, ya volerana naye gosi aga li mu mwoyo gwigwe.

² Na Solo moni ya mu tivulira makuva gege gosi; na si ha veye nekindu kyavisika ku Solomoni kya ya vula kumuvolera.

³ Kuduka mwami wekikali wa Sheba lwa ya lola ubugeeri bwa Solomoni, nenyumba ya yombaka,

⁴ nevyo kulia vyoku imeza yeye nobwikalo bwavatugwa veve, nobulindi bwava tumekiri veve, netsingubo tsyavo, na vokunwehidza veve, netsingubo tsyavo, nobulalo bwibwe bwa yani gerira kutsia mu inyumba ya Yahova; roho gwigwe gwa twula si gwa tigala mba.

⁵ Ya volera mwami, Ga veye geligali makuva ga nda hulira mu kivala kyange, agevikolwa vivyo nobugeeri bubwo.

⁶ Navutswa nda vula kubugirira makuva gavo, nduhe nduke kulola inze mwene, netsimoni tsyange; na, henza, si nda volerwa inusu yobunyingi bwobugeeri bubwo: wa vita luyaali lwa nda hulira.

⁷ Va veye nobugasu avandu vovo, va veye nobugasu avatumekiri vovo ava singeranga kazozo imbiri wowo noku hulira ubugeeri bubwo.

⁸ A gasi dzwe Yahova Nyasaye wowo, wa yanza ive kuvika ive ku intebe yeye yobwami, u ve mwami kigira Yahova Nyasaye wowo: kigira Nyasaye wowo ya yanza Israeli, kuvavika mihiga nemihiga, kigira yaga ya kola ive kuva mwami kuvo, kukola likalaga nobulungi.

⁹ Naye ya ha mwami tsitalenta mia na makumi gaviri tsyethahabu neviseve vyevifunyanga mwayu vi nyingi ligali, na magina gobuguli budinyu: na si ha li ho nevifunyanga mwayu ku lugano lwa yivi vyomwami wekikali wa Sheba ya ha mwami Solomoni.

¹⁰ Vatugwa va Huram na vatugwa va Solomoni, va leta kandi ithahabu kutwula Ofiri, va leta misandali, na magina gobuguli budi nyu.

¹¹ Mwami ya lombera misa ndali zana vikaa vyenyumba ya Yahova, na vyenyumha yomwami nobukana bwemigoye, nobukana bwa yavo avimbanga: kali si vya loleka kuli yivi mu kivala kya Buyuda.

¹² Na mwami Solomoni ya ha mwami wekikali wa Sheba, ku vyosi vya ya kayirwa, na vya yenya, kuvita yivyo vya ya letera mwami. Ma yirana, na a tsia mu kivala kikye mwene, uyu na vatumekiri veve.

¹³ Na ubuliduhu bwethahabu ya duka ku Solomoni ku muhiga mulala bwa li tsitalenta tsimia tsitano na indala na makumi gatano na lilala na tsitano na indala tsyethahabu,

¹⁴ lu gano ku yiyi ya vaguli navakiranyi va leta: navami vosi va Arabia na vagovernor vekivala va leta ithahabu nefetha ku Solomoni.

¹⁵ Na mwami Solomoni ya lomba tsikuti tsimia tsiviri tsyethahabu ya tulwa; ikuti sa indala ya lombwa netstshekeli tsimia tsitano na indala yethahabu ya tulwa.

¹⁶ Na ya lomba tsingavo tsimia tsivaka tsyethahabu ya tulwa; ingavo sa indala ya lombwa netsi shekeli tsimia tsivaka tsyethahabu: nomwami ya tsi vika mu inyumba yomulitu gwa Lebanon.

¹⁷ Kandi mwami ya lomba intebe yobwami inene, ya amino genzogu, na ya gi kunika ithahabu indahi.

¹⁸ Intebe zana ya li ku nevikaa vitano na kilala, na intebe yevirenge yethahabu, vya hambana ku intebe, namakono ku tsi mbega tsyayo tsyombi, neving'ang'a viviri vi singiye ku tsimbega tsyama kono.

¹⁹ Na ving'ang'a likumi na viviri vi singiye ha zana ku luvega yilu, noku luvega yilu ku vikaa vitano na kilala: si ya lombwa ku lugano yilu mu bwami bwosi.

²⁰ Na viju vyosi vya Solomoni vyokunwera ku vya li vyethahabu, neviju vyosi vyenyumba yomulitu gwa Lebanon vya li vyethahabu indahi: ifetha si ya loleka kuva kindu mu madiku ga Solomoni.

²¹ Kigira mwami ya li namato gatsitsanga Tarshishi na vatumekiri va Huram; na amato ga Tarshishi gadza inyinga indala ku mihiga gyivaka, ni ga leta ithahabu nefetha, namino getsinzogu, netsinya ma ku lugano lwetsingugi, na luga no lwetsingoko tsyamabaha malahi.

²² Ma mwami Solomoni ya kira kuvita avami vosi velirova ku butugi nobugeeri.

²³ Na avami vosi veli rova venya mmoni mwa Solomoni, va duke kuhulira ubugeeri bwibwe, bwa Nyasaye ya mu vikira mu mwoyo.

²⁴ Va leta sa mulala madanyi gege, viju vyefetha, neviju vyethahabu, netsingubo, nevyuma vyobulwani, neviseve vyevifunyanga mwayu, ne tsiparasi, netsinyumbu, muhiga no muhiga ku vya dukana.

²⁵ Na Solomoni ya li nevigo vyetsiparasi na ya magari gobulwani tsielfu tsine, netsielfu likumi na tsiviri avokunina ku tsiparasi, ya va vika mu madala gamagari, na halala nomwami ha Yerusalemi.

²⁶ Na yameha ku avami vosi kutwula ku Mugera kuduka ku kivala kya Vafilisiti, noku lwako lwa Egepeti.

²⁷ Nomwami ya kola mu Yerusalemi mu ve nefetha kuli magina, na mitaragwa kuva kuli mikuyu gyi veye mu kivala kye kireremu minyingi.

²⁸ Va letera Solomoni tsiparasi kutwula Egepeti, nevivala vyosi.

²⁹ Na vikolwa vya Solomoni vya tigala, vyokutanga na vyekiheri, si vya ng'odwa mu tsinyinga tsya muprofeti Nathan, nomu profeti Ahija Mushilon, nomu malola gomu loli Ido, ku makuva ga Jeroboam mwana wa Nebati?

³⁰ Solomoni yameha mihiga makumi gane mu Yerusalemi ku Israeli vosi.

³¹ Solo moni ya gona halala navaguga veve, na a tebwa mu lidala lya Daudi dada wewe: na Rehoboam mwana wewe yameha mbugono bwibwe.