2 Kyetsinyinga 8 - KITABU KITAKATIFU

¹ Na ga duka lwa mihiga makumi gaviri gya vita, gya Solomoni yombaka inyumba ya Yahova, nenyu mba yeye mwene,

² Solomoni ya digulula amadala ga Huram ya ha Solomoni, ya vika mu avana va Israeli.

³ Solomoni ya tsia Hamathuzoba, na a li guuta.

⁴ Yombaka Tadi mori mwigendanyama, na madala gosi gokuvika mu akiba, aga yombaka mu Hamathu.

⁵ Kandi yombaka Beth horon lyelugulu, na Bethhoron lye munzi, ga veye madala getsingaga tsyamadigi, neviribwa, nemiluguyu;

⁶ na Baalathu na madala gosi goku vika mu akiba aga Solomoni ya li nago, na madala gosi gamagari gege, na madala ga avokunina ku tsiparasi, nelyombaka lyosi lya Solomoni ya kayirwa kwombakira liyanza lilye mu Yerusalemi, nomu Lebanon, nomu kivala kyosi kyelyameha lilye.

⁷ Nomu makuva gavandu vosi va tigala ku Vahiti, na Vaamori, na Vaperizi, na Vahivi, na Vajebusi, ava ta li mu Israeli;

⁸ ku avana va yavo ava tigala inyima wavo mu kivala, ava avana va Israeli va vula kudividza, mu yavo Solomoni ya solola mu avavikwa ku miyirtzi gyo butugwa kuduka lero.

⁹ Navutswa ku avana va Israeli, Solomoni si ya va kola avatugwa ku miyinzi gyigye mba; yavo va li avandu vobulwani, navanene ku vanyampara veve, nemi twe ku magari gege, navokunina ku tsiparasi aveve.

¹⁰ Na yavo va li avanene vomwami Solomoni, va li tsimia tsiviri na makumi gatano, avameha ku avandu.

¹¹ Solomoni yanegeridza mukana wa Farao kumutwulidza mu lidala lya Daudi yadze mu inyumba ya ya mwombakira; kigira ya vola, Mukali wange a ta menya mu inyumba ya Daudi mwami wa Israeli mba, kigira ha veye hatakatifu, helisanduku lya Yahova lingira.

¹² Ma Solomini ya haana ku Yahova vihaanwa vyokusambwa, ku bwali bwa Yahova, bwa yombaka imbiri wolusimbu,

¹³ kuli lyenya lyemiluka gyamadiku gosi, lihaana kuli lilaga lya Musa, mu masabato, nomu litanga lyemyeli, namasavo ga lagwa, ku muhiga hali kavaka, nago ga veye amasavo gobukima bu ta li namamera, namasavo gamasidza, na masavo gamadiri.

¹⁴ Ya vika, kuli lilaga lya dada wewe Daudi, ubulohidzi bwelitovoka lyavasalisi ku butumiki bwavo, na lya Valevi ku bulindi bwavo, ku li santidza, nokutumika imbiri wava salisi, kuli lyenya lyemiluka gyama diku gosi; navalindi veviribwa ku litovoka lyavo mu kiribwa se kilala: kigira ni ndiyo Daudi mundu wa Nyasaye ya laga.

¹⁵ Na va vula kutwula ku yago gomwami ya laga ku vasalisi na Valevi mu makuva gosi, kinga ku makuva ga akiba.

¹⁶ Kunangwa miyinzi gyosi gya Solomoni gya tegekwa kuduka lidiku lyenyumba ya Yahova ya temwa hasi, kuduka litweka lyemiyinzi. Ma inyumba ya Yahova ya tweka.

¹⁷ Hene yaho Solomoni ya tsia Eziongeberi, na Elothu, ku lugi nga lwenyanza yekivala kya Edom.

¹⁸ Huram ya mu letera amato na makono gavatumekiri veve, navatu mekiri ava manya makuva genyanza, va tsia Ofiru halala navatumekiri va Solomoni, ni va vugula yo tsitalenta tsimia tsine na makumi gatano tsye thahabu, na va tsi leta ku mwami Solomoni.